Kolos borey batagaa 3:1 - Songhai de Gao Bible

¹ Aywa, nda war tun Almasihu bande bukawey ra, wa hayey ceeci kaŋ goo beene kaŋ ra Almasihu ga goro Irkoy kabe gumaa ga.

Kolos borey batagaa 3:1 ပူးပေါင်းရင်းမြစ်များ

Zaburey 110:1

Woo ti Dawda zabur foo. Abadantaa ka šelaŋ ay Koyoo se ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo.»

Zaburey 16:11

Nʼga hunaroo fondaa bayrandi ya ne, boro ga duu ɲaali beeri ni jine, ni kabe gumaa ga gomni abadanteyaŋ ga bara.

Yaasawey 15:24

Lakkalkoyni si hanga kala hunayan fondaa kaŋ ga koy beene, ka hun alaahara fondaa ra kaŋ goo ganda.

Waazukaa 10:2

Lakkalkoyni binoo mmʼa ka koy kabe guma here, lakkal jaŋante binoo mmʼa ka koy kabe waawa here.

Matiyu 22:44

‹Ir Koyoo nee ay Koyoo se: “Goro ay kabe gumaa here, hala waati kaŋ ra ay na ni iberey daŋ ni cewey cire?”›

Matiyu 26:64

Isa nee a se: «Ni hunday kʼa har. Ay gʼa har war se mo kaŋ hõ banda ga, war ga dii Boro-izʼaroo ga goro Hinikoyoo kabe gumaa ga ka ‹kaa duulawey ga ka hun beenaa ra.›»

Matiyu 6:20

Amma wa alman marga beenaa kaŋ ra dusu nda guuruboosu sʼa halaci, de kaŋ ra zayey si kayra, i si zay.

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Marku 12:36

Dawda hunday nee Hundi Henanantaa hinoo ra: ‹Ir Koyoo nee ay Koyoo se: “Goro ay kabe gumaa here, hala waati kaŋ ra ay na ni iberey daŋ ni cewey cire.”›

Marku 14:62

Isa nee: «Agay no. War ga dii Boro-izʼaroo ga goro Hinikoyoo kabe gumaa ga ka ‹kaa duulawey gamey ra ka hun beenaa ra.›»

Marku 16:19

Kaŋ ir Koyoo Isa šelaŋ i se ka ben, a zandi ka koy beenaa ra, a goro Irkoy kabe gumaa here.

Luka 12:33

«Wa war arzakaa neere ka hayoo sarga. Wa fortomaaniyaŋ tee war boŋ se kaŋ si žen nda alman kaŋ si ben kaŋ goo beenaa ra kaŋ zay si man a, dusu sʼa ŋaa.

Luka 20:42

Dawda hunday bayrandi Zaburey citaaboo ra ka nee: ‹Ir Koyoo nee ay Koyoo se: “Goro ay kabe gumaa here,

Luka 22:69

Ne nda kayna Boro-izʼaroo ga goro Irkoy hinoo kabe gumaa ga.»

Teegoyey 2:34

Dawda mana žigi beenaa ra, amma nga hunday nee: ‹Ir Koyoo nee ay Koyoo se: “Goro ay kabe gumaa here,

Teegoyey 7:55

Amma woo gar, nga, a too met nda Hundi Henanantaa, a na nga moɲey bakam beenaa here, de a dii Irkoy daržaa nda Isa kaŋ ga kay Irkoy kabe gumaa ga.

Rom borey batagaa 8:34

May no mʼi zukandi? Almasihu [Isa] buu, koyne mo a tun, a goo Irkoy kabe gumaa ga, a ga ŋaaray ir se.

Rom borey batagaa 8:6

Hundi-ibaayi miileyanoo manʼti kala buuyan, Irkoy Hundoo miileyanoo manʼti kala hunayan nda alaafiya.

Korent borey bataga 2to 4:18

Ir sʼir moɲey kanji hayey kaŋ ir ga dii ey ga, wey kaŋ si diyandi ga ir gʼir moɲey kanji, zama hayey kaŋ boro ga dii ey manʼti kala waati kayna hayayaŋ, wey kaŋ boro si dii ey manʼti kala haya abadanteyaŋ.

Efez borey batagaa 4:10

Boraa kaŋ zunbu da no ka žigi beenaa kul se beene hala a ma haya kul too.

Efez borey batagaa 5:22

Woyey, wa ben war kurɲey cire sanda takaa kaŋ nda war ga ben ir Koyoo cire.

Kolos borey batagaa 2:20

Nda war buu Almasihu bande hini laaley kaŋ goo kubaa ra here, macin se war ga tee sanda boroyaŋ kaŋ ga huna aduɲɲa ra ka hanga yaamaryaŋ bande

Kolos borey batagaa 3:2

Wa miile beene hayey ga, manʼti laboo hayey ga,

Eberewey batagaa 1:13

Almalaykey ra, may se Irkoy bay ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo»?

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Eberewey batagaa 10:12

Amma Almasihu na sargari folloku kaa kaŋ ga zunubu yaafa, woo banda ga, a goro Irkoy kabe gumaa ga hala abada.

Eberewey batagaa 12:2

Ir mʼir moɲey kanji Isa ga kaŋ ti naanayyan koyoo, nga ti timmandikaa. Ɲaaloo kaŋ gʼa batu maaganda se, a yadda ka buu kanjandibundoo ga, a mana haawoo guna kaŋ goo a ra, a goo ma goro Irkoy kokoy gorodogoo kabe gumaa ga.

Eberewey batagaa 8:1

Šennoo kul kaŋ ir gʼa har gaaboo manʼti kala: sargari juwalkey jineboraa woo, nga dumoo bara ir se, a goo ma goro Koy Jerantaa kokoy gorodogoo kabe gumaa ga beenaa ra.

Piyer bataga 1na 3:22

a koy beenaa ra, a goo Irkoy kabe gumaa ga, almalaykey, nda hiney, nda gaabey na ngi boŋ yeeti a se ganda.