Kokoyey 1na 3:9 - Songhai de Gao Bible

⁹ Woo ga, lakkal noo ni tamoo se, hala a ma ni jamaa juwal ka boori, ka ihenna nda ilaala kaa cere ra. Nda manʼti woo, may no ma hin ka ni jamaa beeroo juwal?»

Kokoyey 1na 3:9 ပူးပေါင်းရင်းမြစ်များ

Samiyel 2to 14:17

Ni koŋŋaa nee: ‹Ay kokoyoo šennoo mʼay binoo yaynandi. Zama ay koyoo, ay kokoyoo ga hima sanda Irkoy almalayka ka dii haya kaŋ ti ihenna nda ilaala.› Yala Abadantaa, ni Koyoo ma bara ni bande.»

Kokoyey 1na 10:24

Aduɲɲa kul ga ceeci ka dii Sulaymaana hala lakkaloo kaŋ Irkoy nʼa noo a se, nga ma maa a se.

Kokoyey 1na 3:10

Hayaa kaŋ Sulaymaana nʼa wiri kan Abadantaa se.

Kokoyey 1na 3:28

Izirayel kul maa ciitoo kaŋ kokoyoo nʼa dunbu, i hunbur kokoyoo, zama i dii kaŋ Irkoy lakkaloo nda a ga ciiti.

Taarikey 1na 22:12

Yala Abadantaa ma ni noo fahamay nda lakkal, hala waati kaŋ a na ni gorandi Izirayel boŋ, ma Abadantaa, ni Koyoo ašariyaa gana.

Taarikey 1na 29:19

Naŋ ay izʼaroo Sulaymaana ma ni yaamarey, nda ni seedetarawey, nda ni hantumey gana, a ma dira i kul bande nda nga binoo kul, a ma hugu beeroo cin kaŋ se ay na hayey soolu.»

Taarikey 2to 1:10

Adisi ay noo lakkal nda bayray hala ya takaa bay kaŋ nda ay ga dira jamaa woo jine. Nda manʼti woo, may no ma hin ka ni jamaa beeroo juwal?»

Zaburey 119:144

Hala abada ni seedetarawey ga šerre, ay noo lakkal hala ya duu ka huna.

Zaburey 119:34

Ay noo lakkal, ay ga ni ašariyaa gana, de ay gʼa dii nda ay binoo kul.

Zaburey 119:73

Ni kabey kʼay tee, ngi kʼay hanse, ay noo lakkal hala ya ni yaamarey caw.

Yaasawey 14:8

Boro carma lakkaloo gʼa faaba ka nga dira takaa hawgay, lakkal jaŋante saamataraa gʼa derandi.

Yaasawey 16:16

Boro ma duu lakkal baa wura, boro ma duu fahamay baa nzorfu kaaray.

Yaasawey 20:12

Haŋa kaŋ ga maa, nda moo kaŋ ga dii, Abadantaa ka ihinkaa kul tee.

Waazukaa 7:11

Lakkal goo nda alkadar sanda tubuhaya, haya henna no borey se kaŋ ga dii waynaa.

Waazukaa 7:19

Lakkal ga lakkalkoyni noo gaabi ka bisa boŋkoyni woy (10) kaŋ goo koyra ra.

Matiyu 3:11

Agay, ay ga war batize nda hari ka cebe kaŋ war tuubi, amma boraa kaŋ ga kaa ay dumaa ga, hinoo bisa ay wanoo, de mo ay si hima nda ka nga taamey zaa. Nga, a ga war batize Hundi Henanantaa ra nda nuune.

Matiyu 3:14

Amma Yehiya nʼa kakaw ka nee: «Agay no ma hima ka kaa mʼay batize, amma ni, ni ka kaa ay do!»

Yehiya 5:30

«Ay si hin ka haya kul tee nda ay boŋ. Woo kaŋ ay maa Irkoy nʼa har nda ay ga ciiti. Ay ciitoo ga šerre, zama manʼti agay ibaayoo no ay gʼa ceeci, amma boraa kaŋ nʼay sanba ibaayoo no ay gʼa ceeci.

Korent borey bataga 2to 2:16

Affooyaŋ se buuyan hew no kaŋ ga kate buuyan, affooyaŋ se hunayan hew no kaŋ ga kate hunayan. May no ma bara nda haya kaŋ ga a wasa ka goyoo woo tee?

Korent borey bataga 2to 3:5

Manʼti ir mma hongu kaŋ ir goo nda hini kaŋ ir duu a ir boŋ ra, ir hinoo si hun kala Irkoy do.

Efez borey batagaa 5:17

War masi tee boroyaŋ kaŋ sii nda lakkal, war ma hayaa bay kaŋ ti ir Koyoo ibaayoo.

Filipi borey batagaa 1:10

hala war ma wan ka haya kayantey bay. War ma henan ka tee boro kaŋ ga laybu sii Isa Almasihu zaaroo se

Eberewey batagaa 5:14

Amma ŋaayan šendaa manʼti kala borey kaŋ nin wane, borey kaŋ lakkaley ga hin ka ihenna nda ilaala kaa cere ra, zama i doona a.

Žak batagaa 1:5

Nda boro goo war ra kaŋ sii nda lakkal, a mʼa wiri Irkoy ga kaŋ ga borey kul noo nda kabedoonay bila citi, a gʼa noo a se.

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.