Kokoyey 1na 11:3 - Songhai de Gao Bible

³ A goo nda woy zangu iyye (700) kaŋ ti kokoy-ize woyyaŋ nda woy zangu hinza (300) kaŋ ti wahayyaŋ. Nga woyey na binoo bere.

Kokoyey 1na 11:3 ပူးပေါင်းရင်းမြစ်များ

Taarikey 2to 11:21

Roboham baa Absalom ize woyoo Maaka ka bisa nga wandey kul nda nga wahayey, ka gar a na wande woy cindi yaaha (18) nda wahay woydu (60) zaa. A duu izʼaru waranka cindi yaaha (28) nda ize woy woydu (60).

Ester 1:18

Hõ, nda Pers gandaa nda Med gandaa boŋkoyni woyey maa kokoy woyoo wanjiroo woo, ngi mo ga takaa follokaa tee kokoyoo gandaa boŋkoyney kul se, ngi kaynandiyanoo ga kate ngi kurɲey biney ma tun.

Waazukaa 2:8

Ay na nzorfu kaaray nda wura marga ay maaɲoo ga, i mana hun kala kokoyey nda gandawey alman jisidogey ra. Ay na donkaw aruyaŋ nda donkaw woyyaŋ zaa ay maaɲoo ga, ay na haya kaŋ ga aru daamandi tee ka woy booboyaŋ zaa.

Waazukaa 7:28

Woo kaŋ ay hundoo goo mʼa ceeci koyne, ya na duu a jina ti: ay duu aru foo aru zenber (1.000) game, amma woyey kul game ya na duu ba woy folloku.

Alhukumoo 17:17

A masi duu woy boobo, hala binoo masi koy mooru, a masi duu nzorfu kaaray nda wura kaŋ ga hanse ka boobo.

Alkaaley 3:6

I na dumey ize woyey zaa hiijay, i na ngi ize woy gundey noo dumey izʼarey se, i na ngey koyey gana.

Alkaaley 9:5

A koy baaboo hugoo ra Ofra, a na nga armey wii, Yerub-Bal izey, aru woyye (70) tondi folloku ga. Boro kul mana cindi kala Yotam, Yerub-Bal izey kul ikaccaa, zama a nka tugu.