Kabuyaney 9:16 - Songhai de Gao Bible

¹⁶ Takaa woo da waati kul, duulaa gʼa gum, cijin here a ga tee nuune alhaali.

Kabuyaney 9:16 ပူးပေါင်းရင်းမြစ်များ

Nehemi 9:12

Nʼna duula kaŋ ga kay i jine kʼi gongu zaari here, nʼna nuune kaŋ ga kay i jine cijin here ka ngi fondaa noo gaay kaŋ i ga hima kʼa zaa.

Nehemi 9:19

Amma ni, ni hinnari beeroo ra, manʼi fur saajoo ra. Duulaa kaŋ ga kay mana fay nda kʼi gongu zaari here nda nuunaa kaŋ ga kay cijin here ngi diraa ra, ka ngi fondaa noo gaay kaŋ i ga hima kʼa zaa.

Zaburey 105:39

A na duula daaru kʼi gum nda nuune kʼi noo gaay cijin here.

Zaburey 78:14

A gʼi gongu nda duula zaari here, cijinoo kul a gʼi gongu nda nuune gaay.

Fattaroo 40:34

Duulaa na cere kubayyan hukkumoo gum, de Abadantaa daržaa na Irkoy gorodogoo too.

Fattaroo 40:38

Zama zaari here Abadantaa duulaa goo Irkoy gorodogoo boŋ, cijin here nuune ga dii duulaa ra, Izirayel hugoo borey kul jine, woo teendi ngi naarumaa kul ra, nongu ka koy nongu.

Korent borey bataga 1na 10:1

Agʼarmey, ay si baa war ma jaŋ ka bay kaŋ ir baabey kul cindi duulaa cire, i kul bisa nda teekoo.

Korent borey bataga 2to 5:19

Irkoy mma goy nda Almasihu ka nga nda aduɲɲa waafakandi. A mana ngi laybey dii i se. A na waafakandiyanoo šennoo daŋ ir biney ra.

Alhukumoo 1:33

kaŋ ga dira war jine fondaa ra ka nongu ceeci war se kaŋ ra war ga goro. Cijin here, a ga huru war jine nuune ra ka fondaa kaarandi war se kaŋ ra war ga hima ka dira. Zaari here, a ga huru duula ra ka fondaa cebe war se.

Bangandiroo 21:3

Ay maa jinde beeri foo kaŋ hun kokoy gorodogoo ra ka nee: «Irkoy hukkumoo ne adamizey game. Irkoy ga goro i bande, i ga tee nga jamaa, Irkoy hunday goo i bande [sanda ngi Irkoy].