Kabuyaney 5:21 - Songhai de Gao Bible

²¹ Woo banda ga, Sargari juwalkaa ga woyoo žeendi ka dangaroo har, a ga nee woyoo se: “Abadantaa ma ni laali ka ni tee tammaasa futu ni jamaa game, waati kaŋ a na ni tee woy gun, a na ni gundoo funsandi.”

Kabuyaney 5:21 ပူးပေါင်းရင်းမြစ်များ

Taarikey 2to 21:15

Haya kaŋ ti ni, a ga wirci laala ka ni kar, teeli wirci kaŋ zaari kul a mma koy de a ga tonton hala nongu kaŋ ra ni teeley ga doori ka hun ni gundoo ra.»

Nehemi 10:29

Izirayel borey cindey, maanaa sargari juwalkey, nda Lewi borey, nda hugu mee lakkalkey, nda donkey, nda Irkoy hugoo goykey, nda borey kul kaŋ na ngi boŋ fay gandawey jamawey ga ka dira nda Irkoy ašariyaa, ngi nda ngi wandey, nda ngi izʼarey, nda ngi ize woyey, nda borey kaŋ ga hin ka faham

Yaasawey 10:7

Ka hongu boro šerrante manʼti kala albarka, boro laaley maaɲey ga kaa ka funbu.

Kabuyaney 5:27

Waati kaŋ a nʼa haŋandi haroo ka ben, nda a gar a na nga boŋ žiibandi, nda a mana laadir nga kurɲoo se, hari hottaa kaŋ ga kate dangayan boro ga, ga huru gundoo ra kʼa hottandi. Gundoo ga funsu, a ga tee woy gun, de woyoo woo ga tee dangahaya nga jamaa game.

Matiyu 26:74

A šintin ka nga boŋ danga ka žee ka nee: «Ay si boraa woo bay.» Dogoo din da gorgaa ciya.

Žozuwe 6:26

Alwaatoo woo no Žozuwe daŋ žeeyanoo woo ma teendi ka nee: «Boraa laali kaŋ ga Žeriko koyraa woo cin koyne. A ga asaasoo gorandi nga ize jinaa hundoo ga, a ga ganbey daŋ nga koddaa hundoo ga.»

Samiyel 1na 14:24

Izirayel borey hottu hanoo din. Sawul na nga borey žeendi ka nee: «Boraa ma laali kaŋ ŋaa za almaaroo mana too, za ya nʼay boŋ faasa agay iberey ra.» Za waatoo woo boro kul mana haya kul ŋaa.