Kabuyaney 32:23 - Songhai de Gao Bible

²³ Amma nda war mana woo tee, nga ne, war na zunubu tee Abadantaa ga, de war ma bay kaŋ war ga duu war zunuboo alhakoo.

Kabuyaney 32:23 ပူးပေါင်းရင်းမြစ်များ

Šintinoo 13:13

Sodom borey manʼti kala boro laalayaŋ. Zunubu teekaw beeriyaŋ no Abadantaa do.

Šintinoo 4:7

Nda nʼna taka henna tee kaŋ ga hima, nʼga ni boŋoo jer! Amma nda mana taka henna tee, zunuboo ga daaru ni hugoo miɲoo ga. A ga alhawa nga ma duu ni, amma ni, ma hin a!»

Šintinoo 44:16

Žuda zaabi ka nee: «Macin no ir ga nee ma ne, ay koyoo? Macin no ir gʼa har, taka foo nda ir gʼir boŋ henanandi? Irkoy na ni tamey laybey fatawandi. Sohõ ir ga tee ma ne baɲɲa, ir nda boraa kaŋ kone potoo duwandi.»

Samiyel 2to 3:39

Hõ ay gaaboo kacca, ba kaŋ se ay yonandi ka tee kokoy. Arey wey kaŋ ti Seruya izey gaaboo bisa ay wanoo. Yala Abadantaa ma goy futu teekaw bana nda nga goy futaa.»

Kokoyey 1na 2:32

Borey kaŋ a nʼi wii, Abadantaa ga ngi kuroo alhakoo kaa a ra, zama a na aru hinka wii kaŋ tee boro šerrante nda a, i tee boro henna nda a. Boro hinkaa manʼti kala Ner izʼaroo Abner, Izirayel wongu-izey jineboraa nda Yeter izʼaroo Amasa, Žuda wongu-izey jineboraa, a na takuba kʼi wii bila nda ay baabaa Dawda ma bay.

Kokoyey 1na 2:33

Borey kuroo alhakoo ga hanga Žowab nda nga hayroo bande waati kul. Abadantaa alaafiyaa ga hanga Dawda nda nga hayroo, nda nga hugoo borey, nda nga kokoytaraa bande waati kul.»

Zaburey 139:11

Nda ay nee kaŋ kubaa mʼay daabu, cijinoo ma bere ka tee gaay ay kuubi-ka-beraa ra.

Zaburey 140:11

Yala denji ciray ma doorandi i boŋ, yala Irkoy mʼi kaŋandi nuunaa ra, guusu beeri ra kaŋ ra i si tun koyne.

Zaburey 90:8

Nʼgʼir laybey daŋ ni jine, ni ndumoo gaayoo gʼir haya tugantey fatawandi.

Yaasawey 13:21

Bone ga hanga zunubantey, gomni ti šerrantey banaa.

Yaasawey 24:16

zama boro šerrante ga kaŋ cee iyye, a ga tun, amma boro futu ga tatanji ka kaŋ bone ra.

Yaasawey 5:22

Boro laala, nga laybey no mʼa dii, nga zunubey karfey gʼa haw.

Yunusa 1:7

Woo banda ga, hiyoo dirandikey nee cere se: «Borey kul ma kaa hala ir na gunandi ka dii boraa kaŋ kate ir ga bonaa woo.» I na alkurra kar, alkurraa na Yunusa dii.

Rom borey batagaa 2:9

Binemarayyan nda šiitayan ga duu boro kul kaŋ ga ilaala tee, Alyahuudey jina, Grekey mo.

Korent borey bataga 1na 4:5

Woo se war masi baffoo ciiti nda nga waatoo mana too, hala waati kaŋ ir Koyoo kaa kaŋ ga hayey mo kaŋ ga tugu kubaa ra daŋ gaayoo ra, ka borey biney miilewey fatawandi. Waatoo din Irkoy ga boro foo kul saabu nda woo kaŋ nda a ga hima.

Žozuwe 7:18

Žozuwe na Zabdi hugoo borey kayandi, aru ka koy aru. Akaŋ baabaa ti Karmi, Karmi baabaa ti Zabdi, Zabdi baabaa ti Zera kaŋ si hun kala Žuda alkabiilaa ra. Akaŋ ka cebandi.