Kabuyaney 31:2 - Songhai de Gao Bible

² «Koy faasa Izirayel borey se ka ngi alhakoo kaa Majaŋ borey ra. Woo banda ga, nʼga koy ni hayragey gar alaahara.»

Kabuyaney 31:2 ပူးပေါင်းရင်းမြစ်များ

Šintinoo 15:15

Ni, nʼga koy ni hayragey gar alaahara nda alaafiya. Žeenayyan henna banda ga, nʼga suturandi.

Šintinoo 25:17

Aloomuroo kaŋ Isimayel duu a manʼti kala jiiri zangu nda waranza cindi iyye (137). Hundoo hun, a faati ka koy nga hayragey gar alaahara.

Šintinoo 25:8

Woo banda ga, hundoo hun, a faati. A duu aloomur kuku, a koy nga hayragey gar alaahara.

Fattaroo 2:16

Majaŋ gandaa sargari juwalkaa goo nda ize woy iyye, i ga kaa ka gur ka ngi hari haŋ jinawey too ka ngi baabaa almaney haŋandi.

Kabuyaney 20:24

«Haruna ga koy nga hayragey gar alaahara, a si huru gandaa ra kaŋ ay nʼa noo Izirayel borey se, zama war ture ay yaamaroo ga Meriba haroo do.

Kabuyaney 20:26

Haruna bankaarawey kaa a ga, mʼi daŋ nga izʼaroo Eleyazar ga. Haruna ga koy nga hayragey gar alaahara, no din ra a ga buu.»

Kabuyaney 25:1

Izirayel goro Šitim. Jamaa šintin ka izefututaray tee nda Mowab ize woyey.

Kabuyaney 25:6

Nga ne, Izirayel borey ra, aru foo kaa ka Majaŋ woy foo cebe nga armey se, Musa jine nda Izirayel borey jamaa kul jine. Woo gar i goo ma hẽe cere kubayyan hukkumoo miɲoo ga.

Kabuyaney 27:13

Nʼga dii a, nga banda ga, ni mo, nʼga koy ni hayragey gar alaahara sanda takaa kaŋ nda ni armaa Haruna koy i gar,

Kabuyaney 31:1

Abadantaa šelaŋ Musa se ka nee:

Kabuyaney 31:3

Musa šelaŋ jamaa se ka nee: «War ra, aruyaŋ ma wongu jinayyaŋ zaa ka koy Majaŋ borey wongu, ka Majaŋ borey goy futaa alhakoo kaa i ra Abadantaa maaɲoo ga.

Luka 21:22

Zaarey wey manʼti kala faasa zaariyaŋ hala hayey kul kaŋ hantumandi Citaaboo ra ma tabati.

Teegoyey 13:36

Dawda goy Irkoy ibaayoo se nga zamanoo ra, a faati, a koy nga hayragey gar alaahara, a funbu.

Rom borey batagaa 12:19

Ay baakey, war masi faasa war boŋ se, wa naŋ Irkoy futayyanoo ma goy, zama a hantumandi Citaaboo ra ka nee: «Ir Koyoo nee: ‹Agay no ma faasa, agay no ma boro bana.›»

Rom borey batagaa 13:4

Hinoo manʼti kala Irkoy goykaw ni nafaa se. Amma nda nʼga goy laala tee, ma hunbur de, zama a si takubaa zaa yaada. Irkoy goykaw no, a ga Irkoy futayyanoo cebe ka boraa zukandi kaŋ na ilaala tee.

Alhukumoo 32:35

Agay no ma bana, agay no ma alhaku kaa waati kaŋ ngi cewey ga tanši. Zama almasiibaa zaaroo ga baa ka kaa i ga. Hayaa kaŋ kayandi i se ga kaŋ i boŋ nda cahãyan.›

Alhukumoo 4:22

Zama agay, ay ga buu gandaa woo ra, ay si Žurdeŋ isaa deŋ, amma war, war gʼa deŋ, de war ga ganda hennaa woo mayray.

Tesalonik borey bataga 1na 4:6

Woo ga, boro masi kaŋ nga armaa ga, a masʼa tooɲe, zama ir Koyoo ti hayey wey kul faasakaa, sanda takaa kaŋ nda ir bay kʼa har war se, ka yee kʼa šendandi war ga.

Eberewey batagaa 10:30

Zama ir ga boraa bay kaŋ nee: «Agay no ma boro zukandi, agay no ma boro bana.» A nee mo: «War Koyoo ga nga jamaa ciiti.»

Bangandiroo 18:20

Beenaa, ɲaali nda nga kayriroo! War mo, Irkoy boro henanantey, nda diyawey, nda annabey, wa ɲaali nda nga kayriroo, zama Irkoy ciiti ka ciiti dunbu war se a ga.

Bangandiroo 19:2

Zama nga ciitey ti cimi, i ga šerre, a na woykuuru beeroo ciiti kaŋ na laboo halaci nda nga woy nda aru izefututaraa. A na woykuuroo banandi nga hunday Irkoy baɲɲey kuroo alhakoo.»

Bangandiroo 6:10

I ga jinde jer ka kaati ka nee: «Ir Koyoo henanantaa, cimikoynoo, hala waati foo no nʼga ciiti, hala waati foo no nʼgʼir hundey alhakey bana laboo gorokey ra?»

Alkaaley 16:24

Waatoo kaŋ jamaa dii Samsoŋ, i na ngi koyoo beerandi ka nee: «Ir koyoo nʼir iberoo daŋ ir kabey ra, nga kaŋ nʼir gandaa kayri, a hanse ka wiiya ir ra.»

Alkaaley 2:10

Alwaddaa din kul izey mo koy ngi hayragey gar alaahara. Alwadda foo izeyaŋ tun dumawey ga kaŋ si Abadantaa bay, a si teegoyoo bay kaŋ a nʼa tee Izirayel se.