Kabuyaney 25:2 - Songhai de Gao Bible

² Woyey din na jamaa cee kate i ma sargari kaa ngi koyey se. Jamaa ŋaa, de mo i sujudu ngi koyey jine.

Kabuyaney 25:2 ပူးပေါင်းရင်းမြစ်များ

Kokoyey 1na 19:18

Amma ay ga boro zenber iyye (7.000) hallasi Izirayel ra kaŋ mana bay ka kanje sonbu Bal se, de mo miɲey mana bay kʼa summu.»

Zaburey 106:28

I na Bal kaŋ ti Pewor koyoo gana i na sargarey ŋaa kaŋ i nʼi kaa bukawey se.

Fattaroo 20:5

Masi sujudu koyey wey se, masʼi gana, zama agay, Abadantaa, ni Koyoo manʼti kala Koy kaŋ ga canse ma ne, ka baaba kaŋ konna agay layboo ka hanga hala nga izey alwadda hinzantoo ka koy itaacantoo ga.

Fattaroo 22:20

Masi yaw žilla wala kʼa torro, zama Misira gandaa ra war nka tee yaw.

Fattaroo 23:24

Masi sujudu ngi koyey se, masʼi gana, masi ngi takawey tee. Mʼi warra ganda ka tondey kaŋ i nʼi kayandi kʼi gana kayri.

Fattaroo 32:6

Subaa ra, i biya ka tun ka sargari kukuranteyaŋ nda alaafiya teendi sargariyaŋ kaa. Jamaa goro ka ŋaa ka haŋ, nga banda ga, i tun ka hooray.

Korent borey bataga 1na 10:20

Kalaa, kalaa! Sargarey kaŋ i gʼi kaa, i sʼi kaa kala ganjey se, manʼti Irkoy se i gʼi kaa. Ay si baa war nda ganjey ma marga.

Alhukumoo 32:38

Man ra borey goo kaŋ na ngi sargarey maaney ŋaa, i na ngi sargari hari-harey alaneb hari mooraa haŋ? I ma tun, i ma war faaba, i ma tee war hallasidogoo.›

Žozuwe 22:17

Pewor tooɲeroo mana wasa war se, ka gar hala hõ ir mana henan a ra hayaa kaŋ maaganda se bone na Abadantaa jamaa kar?

Žozuwe 23:16

Nda war na amaanaa dunbu kaŋ Abadantaa, war Koyoo nʼa daŋ war se, nda war koy koy tanayaŋ gana ka sujudu i se, Abadantaa futuroo ga kaa war ga, de war ga dere nda cahãyan ganda hennaa ra kaŋ a nʼa noo war se.»

Žozuwe 23:7

bila nda war ma birji jamawey ra kaŋ goo war bande. War masi ngi koyey cee, war masi žee nda ey, war masʼi gana, war masi sujudu i se.

Bangandiroo 2:14

Amma haya kaccu goo ni ra kaŋ si kan ya ne: boroyaŋ goo ni do kaŋ hawa Balam cawandoo ga, Balam ka Balak cawandi a ma kumsay daŋ Izirayel borey se kaŋ gʼi tuti i ma hayey ŋaa kaŋ sargandi toorey maaɲey ga, i ma woy nda aru izefututaray tee.