Kabuyaney 23:23 - Songhai de Gao Bible

²³ Kotte mana daŋandi Yakuba se, gunandiyan mana teendi Izirayel se. Nda waatoo too, takaa kaŋ Irkoy gʼa tee ga harandi Yakuba nda Izirayel se.

Kabuyaney 23:23 ပူးပေါင်းရင်းမြစ်များ

Šintinoo 3:15

Ay ga iberitaray daŋ ni nda woyoo game, ay gʼa daŋ ni hayroo nda nga hayroo game. A ga ni boŋoo motti, ni mo ga ceekoroo motti.»

Zaburey 31:19

Yala taariharkey ma benbaw, i ga šelaŋ ka boro šerrantaa kaynandi, nda meebeeray nda kaynandiyan!

Zaburey 64:9

Ngi deeney kʼi kaŋandi, boro kul kaŋ dii ey ga nga boŋoo zinji-zinji.

Kabuyaney 24:1

Balam dii kaŋ a ga kan Abadantaa se nga ma gaara Izirayel jamaa se. A mana koy sanda cee jinawey kaŋ a ga nee nga mma koy gunandi. A bere ka saajoo tenje.

Matiyu 12:25

Isa ga ngi anniyawey bay, a nee i se: «Laama kul kaŋ izey dunbu, laamaa din ga halaci. Koyra wala hugu kul kaŋ izey dunbu si kay.

Matiyu 12:27

Nda agay, Belzebil nda ay ga ganjey gaaray, de may nda war borey gʼi gaaray? Woo se ngi no ma tee war ciitikey.

Matiyu 16:18

Agay mo gʼa har ma ne kaŋ ni ti Piyer (maanaa ‹tondi›), de mo tondoo woo boŋ ay gʼay Egilizoo cin, de mo buuyan hinoo sii nda a se hini.

Yehiya 11:47

Woo ga, sargari juwalkey jineborey nda Fariziyeŋey na hoyraykey margaroo gorandi ka nee: «Macin no ir gʼa tee, zama boraa woo ga tammaasa kayfante boobo tee?

Teegoyey 10:38

Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Teegoyey 15:12

Jamaa kul dangay, i ga haŋajer Pol nda Barnabas se kaŋ ga tammaasawey nda kayfey kul deede kaŋ Irkoy nʼi tee dumey kaŋ manʼti Alyahuudu game.

Teegoyey 4:16

ka nee: «Macin no ir gʼa tee borey wey se? Zama Žerizalem borey kul bay tammaasaa kaŋ i nʼa tee ga, a ga kaaray i se, de mo ir si hin kʼa yankar.

Teegoyey 5:12

Diyawey na tammaasa nda kayfi booboyaŋ tee jamaa game. I kul marga ka tee bine foo Sulaymaana galliyaa ra.

Teegoyey 5:14

Koyne mo borey kaŋ naanay ir Koyoo tonton i ga, aru jama nda woy jama.

Rom borey batagaa 16:20

Irkoy kaŋ ti Alaafiyakoyoo si gay a mana Ibilisi motti war cewey cire. Ir Koyoo Isa anneemaa ma bara war bande.

Alhukumoo 3:24

‹Ay Koyoo, Abadantaa, ni šintin ka agay, ni tamoo cebe ni jeeraa nda ni kabe gaabantaa. May ti koyoo kaŋ goo beenaa ra nda laboo ga kaŋ ga hin ka goy tee kaŋ ga hima nda ni hinoo teegoyey?

Žozuwe 13:22

Gunandikaa Balam kaŋ ti Bewor izʼaroo, Izirayel borey na nga mo wii nda takuba, a goo borey ra kaŋ i nʼi wii.

Bangandiroo 12:9

Dragoŋ beeroo kaŋ ti zaman jinaa gondoo kaŋ se i ga nee Ibilisi nda Šaytan, nga kaŋ ga aduɲɲa kul derandi, warrandi ganda. I nʼa warra laboo ga, nga almalaykey mo warrandi ganda a bande.