Kabuyaney 22:6 - Songhai de Gao Bible

⁶ Sohõ kaa, ay gʼa wiri ni ga, jamaa woo danga ya ne, zama i ga hin agay. A ga hin ka tee woo ra ya hin kʼi kar kʼi fattandi gandaa ra, zama ay ga bay kaŋ boro kaŋ se ni gaara, tee albarkante, boro kaŋ nʼnʼa danga, laali.›»

Kabuyaney 22:6 ပူးပေါင်းရင်းမြစ်များ

Šintinoo 12:3

Borey kaŋ ga gaara ma ne, ay ga albarka daŋ i ra, amma boro kaŋ na ni danga, ay gʼa laali. Ni bande, aduɲɲa alaayan beerey kul ga duu albarka.»

Šintinoo 27:29

Yala alkabiilayaŋ ma yee ni cire! Dumiyaŋ ma gunguma ma ne! Ma tee ni armey boŋkoynoo, de mo ni ɲaa-izey ma gunguma ma ne! Boro kaŋ na ni danga ga laali, boro kaŋ gaara ma ne ga duu albarka!»

Kokoyey 1na 22:13

Dontokaa kaŋ koy Miše cee, nee Miše se: «Aywa, annabey kul yadda ka tee mee foo ka ihenna har kokoyoo se. Ay gʼa wiri ni ga, ma naŋ ni šennoo nda ngi wanoo ma tee affoo, ma ihenna har.»

Kokoyey 1na 22:6

Izirayel kokoyoo na annabey marga, i ga too boro zangu taaci (400) cine. A nʼi hãa ka nee: «Ya koy Ramot kaŋ goo Galad gandaa ra wongu wala ya si koy?» Annabey nee: «Žigi ka koy, Abadantaa ga koyraa daŋ ni kaŋ ti kokoyoo kaboo ra.»

Kokoyey 1na 22:8

Izirayel kokoyoo nee Žozafat se: «Aru folloku ka cindi kaŋ nda ir ga hin ka Abadantaa ibaayoo ceeci, amma agay, ay ga konna a, zama a si haya henna kul har ay ga, ifutu de no a gʼa har. Yimla izʼaroo Miše no.» Žozafat nee: «Kokoyoo, masi woo har.»

Nehemi 13:2

zama i mana kaa ka Izirayel borey kubay nda ŋaayan nda hari, nda mo zama i na Balam sufuray hala a mʼi danga, amma ir Koyoo na dangaroo bere kʼa tee albarka.

Zaburey 109:28

Ngi, i ga danga, amma ni, nʼga albarka daŋ. Nda i tun, i ga haw, agay, ni tamoo, ay ga ɲaali.

Yaasawey 26:2

Takaa kaŋ nda takirya ga deeši-deeši, takaa kaŋ nda garaasa-garaasa ga deeši, takaa din da, dangayan bila addalil sii nda alfayda.

Kabuyaney 22:12

Irkoy nee Balam se: «Masi koy i bande, masi jamaa din danga, zama albarkanteyaŋ no.»

Kabuyaney 22:17

Zama ay na beeray jisi ma ne, de mo haya kul kaŋ nʼnʼa har, ay gʼa tee. Kaa, ay gʼa wiri ni ga, jamaa woo danga ya ne.›»

Kabuyaney 23:13

Balak nee a se: «Ay gʼa wiri ni ga, kaa ay bande ka koy nongu tana ra kaŋ ra nʼga dii ey, jere foo de no nʼga dii a, nʼsi dii a kul. No din ra mʼa danga ya ne.»

Kabuyaney 23:27

Balak nee Balam se: «Ay gʼa wiri ni ga, kaa, ay ga ni ka koy nongu tana ra, a ga hin ka tee no din ra Irkoy do a ga boori ma jamaa danga ya ne.»

Kabuyaney 24:9

A ga gunguma, a ga kani sanda ganjihayla aru, sanda ganjihayla woy. May no ma yadda kʼa tunandi? Albarka ma huru boraa ra kaŋ ga gaara ma ne, boraa ma laali kaŋ ga ni danga.»

Teegoyey 16:16

Kaŋ ir goo ma koy Irkoy ŋaaraydogoo ra, koŋŋa woy-ize foo kaŋ ra ganji kaŋ goyoo ti gunandiyan goo nʼir kubay. Koŋŋa woy-izoo ga gunandi, nga koyey ga duu nga gunandiyanoo ra nooru boobo.

Alhukumoo 23:4

Amoŋ boro nda Mowab boro si huru Abadantaa jamaa margaroo ra. Ba ngi hayroo iwoyantoo (10to) si huru Abadantaa jamaa ra hala abada.

Žozuwe 24:9

Balak, Sipor izʼaroo, Mowab kokoyoo tun ka Izirayel wongu. A sanba i ma ciya Balam, Bewor izʼaroo se a ma war danga.

Samiyel 1na 17:43

Filisti boraa nee Dawda se: «Hanši ti agay kaŋ se nʼga kaa ay ga nda gobuyaŋ?» Filisti boraa na Dawda danga nda nga toorey maaɲey.