Kabuyaney 22:32 - Songhai de Gao Bible

³² Abadantaa almalaykaa nee a se: «Macin se nʼna ni farkaa kar cee hinza? Nga ne, agay ka fatta ka ni gagay, zama ay dii kaŋ naarumaa woo kaŋ ra ni goo, halaciyan fondo no.

Kabuyaney 22:32 ပူးပေါင်းရင်းမြစ်များ

Zaburey 145:9

Abadantaa ga boori boro kul se, nga tamallaa goo nga kabe goyey kul ga.

Zaburey 147:9

A ga adabbawey noo ŋaayan, a ga gaaru-gaaru-izey kaŋ ga kaati noo ŋaayan.

Zaburey 36:6

Abadantaa, ni borohennataraa ga too beenaa ra, ni laadirtaraa ga too hala duulawey do.

Yaasawey 14:2

Boro kaŋ ga hanga fondo šerrante ga hunbur Abadantaa, boro kaŋ ga hanga fondo golbante mmʼa kaynandi.

Yaasawey 16:2

Adamize ga hongu kaŋ nga fondawey kul ga henan, amma Abadantaa ma haya bay kaŋ goo hundi ra.

Yaasawey 28:18

Boro kaŋ ga dira fondo laadirante ra ga hallasi, boro kaŋ ga hanga fondo šiira hinka, ga kaŋ affoo ra.

Yaasawey 28:6

Talka kaŋ ga dira nga laadirtaraa ra baa almankoyni kaŋ ga dira fondo šiira ra.

Yunusa 4:11

Taka foo nda nʼga baa ya si tamalla Niniwe koyra beeroo woo se kaŋ borey kaŋ goo a ra ga bisa boro zenber zangu nda zenber waranka (120.000) kaŋ si ifutu nda ihenna kaa cere ra, almaney mo kaŋ goo a ra ga hanse ka boobo?»

Kabuyaney 22:20

Irkoy kaa Balam do cijinoo ra, a nee a se: «Nda arey wey nka kaa ka ni cee, koy ma hanga ey. Amma hayaa hinne kaŋ ay nʼa har ma ne no nʼgʼa tee.»

Kabuyaney 22:22

Irkoy futu, zama Balam koy. Abadantaa almalaykaa kay fondaa ra kʼa gagay. Balam žigi nga farka woyoo ga, nga tam hinkaa goo a bande.

Kabuyaney 22:28

Abadantaa na farkaa šelaŋandi, farkaa nee Balam se: «Macin no ay nʼa tee ma ne kaŋ se nʼgʼay kar cee hinza?»

Kabuyaney 22:33

Farkaa dii agay, a hibi ay ga cee hinza. Nda a gar a nka mana hibi ay ga, ni no ay ga ni wii, nga, ay gʼa naŋ a ma huna.»

Kabuyaney 22:35

Abadantaa almalaykaa nee Balam se: «Ni nda arey wey ma koy, amma hayaa hinne kaŋ ay gʼa har ma ne no nʼgʼa har.» Balam koy nda Balak boŋkoyney.

Teegoyey 13:10

ka nee: «He! Ni kaŋ ga too met nda zanbayan dumi kul nda binekogay dumi kul, Ibilisi izoo, šerretaray dumi kul iberoo, nʼsi fay nda kʼir Koyoo fondo šerrantey šiirandi?

Alhukumoo 23:4

Amoŋ boro nda Mowab boro si huru Abadantaa jamaa margaroo ra. Ba ngi hayroo iwoyantoo (10to) si huru Abadantaa jamaa ra hala abada.

Alhukumoo 25:4

«Masi heejoo miɲoo haw waati kaŋ a ga taasu musay.»