Kabuyaney 22:31 - Songhai de Gao Bible

³¹ Woo banda ga, Abadantaa na Balam moɲey feeri. A dii Abadantaa almalaykaa ga kay fondaa ra, nga takubaa hoobandi, a goo kaboo ra, Balam gunguma ka sujudu hala ganda.

Kabuyaney 22:31 ပူးပေါင်းရင်းမြစ်များ

Šintinoo 21:19

Irkoy na Hažatta moɲey feeri, de a na day foo honnay, a koy nga hunbaroo too hari a ra ka nga izoo haŋandi.

Taarikey 1na 21:16

Dawda na nga boŋoo jer ka guna, a ga dii Abadantaa almalaykaa ga kay beenaa nda laboo game, nga takubaa goo kaboo ra a gʼa šerre Žerizalem ga. Woo ga, Dawda nda jamaa boro beerey na ngi ndumey ka sujudu. Saaku kasayaŋ goo i ga.

Zaburey 9:20

Tun Abadantaa, adamize masi hin! Gandawey ma ciitandi ni jine.

Fattaroo 34:8

Musa cahã ka gunguma laboo ra ka sujudu

Kabuyaney 22:30

Farkaa nee Balam se: «Manʼti ni farkaa ti agay kaŋ ga nʼga žigi waati kul hala hõ? Ay doona ka takaa woo tee ma ne wala?» A nee: «Kalaa».

Kabuyaney 24:16

Boraa kaŋ ga maa Irkoy šenney, šennoo ti woo, boraa kaŋ ga Koy Jerantaa bayraa bay, boraa kaŋ ga dii Hini-kul-koyoo bangayyanoo, boraa kaŋ ga sujudu, de moɲey ga feera.

Kabuyaney 24:4

Boraa kaŋ ga maa Irkoy šenney, šennoo ti woo, boraa kaŋ ga dii Hini-kul-koyoo bangayyanoo, boraa kaŋ ga sujudu, de moɲey ga feera.

Luka 24:16

Amma haya foo na moɲey ganji i ma hin kʼa bay.

Luka 24:31

Waatoo din kul no moɲey feera, de i nʼa bay, amma a menne i se.

Yehiya 18:6

Waatoo kaŋ Isa nee i se: «Agay ne», i yee nda banda ka kaŋ ganda.

Teegoyey 26:18

hala ma moɲey feeri, i ma bere ka hun kubaa ra ka koy gaayoo ra, ka hun Ibilisi hinoo cire ka koy Irkoy do hala i ma duu zunubey yaafaa, ka duu baa borey bande kaŋ yeetandi jere ga Irkoy se ngi naanaa kaŋ i nʼa daŋ ay ra maaganda se.›»

Žozuwe 5:13

Han foo, kaŋ Žozuwe goo Žeriko jere, a na nga moɲey jer ka guna, nga ne, aru foo kay a tenje, nga takubaa hoobandi, a goo kaboo ra. Žozuwe dira ka koy a do ka nee a se: «Ir ra ni goo wala ir iberey ra ni goo?»

Žozuwe 5:14

A nee: «Ay sii affoo kul se, agay ti Abadantaa wongu-izey boŋkoynoo, sohõ ay kaa.» Woo ga, Žozuwe na nga ndumoo sinji laboo ra ka sujudu a se ka nee: «Macin no nʼga baa mʼa har ya ne, agay, ni tamoo se, ay koyoo?»