Kabuyaney 22:12 - Songhai de Gao Bible

¹² Irkoy nee Balam se: «Masi koy i bande, masi jamaa din danga, zama albarkanteyaŋ no.»

Kabuyaney 22:12 ပူးပေါင်းရင်းမြစ်များ

Šintinoo 12:2

Ay ga ni tee dumi beeri. Ay ga albarka daŋ ni ra. Ay ga ni maaɲoo noo addawla. Ma tee albarkahaya borey se!

Taarikey 2to 31:10

Woo ga, sargari juwalkey jineboraa Azariya kaŋ ti Sadok hugoo boro nee a se: «Za borey šintin ka kaa ngi kabehayey ra ka kate ey Abadantaa hugoo ra, ŋaayan duwandi ka kungu hala iboobo cindi, zama Abadantaa na albarka daŋ nga jamaa ra. Woo kaŋ cindi ti woo ma zuku cere ga.»

Zaburey 144:15

Jamaa duu gomni kaŋ ga tee takaa woo! Jamaa duu gomni kaŋ Abadantaa ti ngi Koyoo!

Zaburey 146:5

Boraa duu gomni kaŋ Yakuba Koyoo ti nga faabakaa, kaŋ naataa goo Abadantaa, nga Koyoo ra.

Kabuyaney 22:11

‹Nga ne, jamaa kaŋ hun Misira na gandaa too, sohõ kaa kʼi danga ya ne, a ga hin ka tee yʼi wongu kʼi gaaray.›»

Kabuyaney 22:13

Balam tun subbaahoo ra, a nee Balak boŋkoyney se: «Wa koy war gandaa ra, zama Abadantaa wanji ya hanga war.»

Kabuyaney 22:6

Sohõ kaa, ay gʼa wiri ni ga, jamaa woo danga ya ne, zama i ga hin agay. A ga hin ka tee woo ra ya hin kʼi kar kʼi fattandi gandaa ra, zama ay ga bay kaŋ boro kaŋ se ni gaara, tee albarkante, boro kaŋ nʼnʼa danga, laali.›»

Kabuyaney 23:23

Kotte mana daŋandi Yakuba se, gunandiyan mana teendi Izirayel se. Nda waatoo too, takaa kaŋ Irkoy gʼa tee ga harandi Yakuba nda Izirayel se.

Kabuyaney 23:3

Balam nee Balak se: «Kay ni sargari kukurantaa jere, ay ga hibi, a ga hin ka tee Abadantaa ma kaa kʼay kubay. Ay ga hayaa har ma ne kaŋ a nʼa cebe ya ne.» A koy hondu foo boŋ.

Kabuyaney 23:8

Taka foo nda ay ga boro danga kaŋ Irkoy manʼa laali? Taka foo nda ay ga futu boro ga kaŋ Abadantaa mana futu a ga?

Kabuyaney 24:9

A ga gunguma, a ga kani sanda ganjihayla aru, sanda ganjihayla woy. May no ma yadda kʼa tunandi? Albarka ma huru boraa ra kaŋ ga gaara ma ne, boraa ma laali kaŋ ga ni danga.»

Matiyu 27:19

Kaŋ Pilat goro ciitidogoo ra, wandoo donto ka nee a se: «Haya kul masi huru ni nda boro šerrantaa woo game. Hõ ay hanse ka zarabi handiri ra nga maaganda se.»

Rom borey batagaa 11:29

Zama Irkoy si nimsi nda nga anneemaa nooyaney nda nga ciyayanoo.

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Alhukumoo 2:7

Zama Abadantaa, ni Koyoo nka albarka daŋ ni kabe goyoo kul ra, a na ni diraa hawgay saaji beeroo woo ra. Jiiri woytaaci (40) ti woo kaŋ Abadantaa goo ni bande, haya kul mana ni gaza.›

Alhukumoo 23:5

Zama i mana kaa ka war kubay nda ŋaayan nda hari fondaa ra, waatoo kaŋ war fatta Misira, de mo i na Balam, Bewor izʼaroo kaŋ hun Petor koyraa ra kaŋ goo Mezopotami sufuray a ma war danga.

Alhukumoo 28:6

Albarka ga huru ni ra ni hururoo ga, albarka ga huru ni ra ni fattaroo ga.

Alhukumoo 33:29

Ni duu gomni, Izirayel! May no ma hima nda ni, jama kaŋ Abadantaa nʼa hallasi nda nga koraa nda nga takuba daržantaa? Ni iberey ga kaa ka ngi boŋ yeeti ganda ma ne, nʼga ngi hodaddawey taama-taama.»

Alhukumoo 7:14

Albarka ga huru ni ra ka bisa dumey kul. Ni jamaa ra, aru kaŋ si duu ize wala woy gun si bara, adabba gun mo sii ni adabbawey ra.