Kabuyaney 21:29 - Songhai de Gao Bible

²⁹ Ni bone, Mowab, Kemoš jamaa, ni dere! A na nga izʼarey tee cindiyaŋ, a na nga ize woyey daŋ koŋŋataray Sihoŋ se kaŋ ti Amor borey kokoyoo.

Kabuyaney 21:29 ပူးပေါင်းရင်းမြစ်များ

Kokoyey 1na 11:33

Ay ga woo tee, zama i nkʼay fur ka koy sujudu Sidoŋ borey koy woyoo jine kaŋ ti Astarte, nda Mowab borey koyoo kaŋ ti Kemoš, nda Amoŋ borey koyoo kaŋ ti Milkom, i mana yadda ka dira ay fondawey ra ka haya tee kaŋ ga henan ay jine kʼay hantumey nda ay hantumey kaŋ kayandi dii sanda takaa kaŋ Dawda, Sulaymaana baabaa nʼa tee.

Kokoyey 1na 11:7

Tondi hondoo kaŋ ga Žerizalem waynahunay here tenje, kokoyoo koy tooru ganadoo cin no din Kemoš se kaŋ ti Mowab borey koy harramantaa, a na affoo mo cin Molok se kaŋ ti Amoŋ borey koy harramantaa.

Kokoyey 2to 23:13

Kokoyoo na tooru ganadogey žiibandi kaŋ goo Žerizalem tenje Halaciyan tondi hondoo se kabe guma here, kaŋ Izirayel kokoyoo Sulaymaana nʼa cin Astarte, Sidoŋ borey koy harramantaa se, nda Kemoš, Mowab koy harramantaa se, nda Milkom, Amoŋ borey koy almuhalantaa se.

Kabuyaney 24:17

Ay ga dii a, amma manʼti sohõ da, ay gʼa gaaya, amma manʼti nda maanay. Handaray fatta Yakuba ra, kokoy gobu fatta Izirayel ra. A ga Mowab borey kar lakkaley ga kʼi say, a ga Seti izey kul kar boŋkurunbey ga kʼi say.

Alkaaley 11:24

Ni koyoo kaŋ ti Kemoš, gandaa kaŋ a nʼa noo ma ne ga tee ni wane wala? Takaa din da ir mo, haya kul kaŋ Abadantaa nʼa noo ir se wongu ra, hayaa ga tee ir wane.