Kabuyaney 15:40 - Songhai de Gao Bible

⁴⁰ Woo ra war ga hongu yaamarey kul, de war gʼi ka dira. Wa tee boro henananteyaŋ war Koyoo se.

Kabuyaney 15:40 ပူးပေါင်းရင်းမြစ်များ

Zaburey 103:18

borey kaŋ ga nga amaanaa dii, kaŋyaŋ ga hongu hayey kaŋ a nʼi har kʼi ka dira.

Sargarey 19:2

«Šelaŋ Izirayel borey jamaa kul se, nee i se: ‹Wa henan, zama agay, Abadantaa, war Koyoo ga henan.

Sargarey 22:31

War mʼay yaamarey dii, war mʼi ka goy. Agay ti Abadantaa.

Kabuyaney 15:41

Agay ti Abadantaa, war Koyoo kaŋ na war fattandi Misira gandaa ra hala ya tee war se Irkoy. Agay ti Abadantaa, war Koyoo.›»

Rom borey batagaa 12:1

Agʼarmey, woo maaganda se ay gʼa ŋaaray war ga Irkoy tamallawey albarkaa ra, war ma war gaahamey noo sanda sargari hunante kaŋ ga henan, a ga kan Irkoy se. Woo ga tee ganayan cimoo kaŋ war gʼa tee a se.

Efez borey batagaa 1:4

Irkoy nʼir suuba Almasihu albarkaa ra za aduɲɲa mana daara, hala ir ma tee Irkoy boro henananteyaŋ nda boroyaŋ kaŋ ga laybu sii nga jine nga bajoo ra.

Kolos borey batagaa 1:2

ka batagaa woo sanba arma henanantey kaŋ goo Kolos koyraa ra se kaŋ ti laadirante Almasihu albarkaa ra. Ir Baabaa Irkoy anneemaa nda alaafiyaa ma kaa war ga.

Tesalonik borey bataga 1na 4:7

Irkoy manʼir cee žiibi se, henanyan ra a nʼir cee.