Kabuyaney 14:3 - Songhai de Gao Bible

³ Cin se Abadantaa gʼir daŋ gandaa woo ra nda i gʼir wii nda takuba? Ir wandey nda ir izey ga diyandi? Ir ma yee Misira mana baa ir se wala?»

Kabuyaney 14:3 ပူးပေါင်းရင်းမြစ်များ

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Zaburey 78:40

Cee booboyaŋ i ga ture a ga saajoo ra. Cee booboyaŋ i ga binoo hẽenandi saaji biboo ra.

Fattaroo 16:3

Izirayel borey nee i se: «Nda ba ir nka buu Abadantaa kaboo ra Misira gandaa ra, kaŋ ir ga goro ham hina kusey jere, ir ga takula ŋaa hala ir ma kungu! War nʼir ka kaa saajoo woo ra ka jamaa woo kul naŋ i ma buu nda heray.»

Fattaroo 5:21

I nee i se: «Abadantaa ma war guna, a ma war ciiti. Zama war nʼir gaakurey hottandi Firawuuna nda nga borey do. War nkʼi noo takuba i mʼir wii.»

Kabuyaney 11:20

amma handu foo timmante, hala waati kaŋ a fatta nda war niiney, a na war biney kaa, zama war wanji Abadantaa ga kaŋ goo war game, war hẽe a ga ka nee: “Macin se ir hun Misira?”›»

Kabuyaney 16:13

A mana wasa ma ne mʼir kaa ganda kaŋ ra waa nda yuu ga tee hari ka koy ir wii saajoo ra? Kala ma tee ir boŋkoynoo mo?

Kabuyaney 20:3

Jamaa na yenje ceeci Musa ga. I nee: «Jalla, nda a gar ba ir nka buu waatoo kaŋ ir armey buu Abadantaa jine!

Kabuyaney 21:5

I šelaŋ Irkoy nda Musa ga ka nee: «Cin se war gʼir žigandi ka hun Misira? Hala ir ma buu saajoo woo ra wala? Zama ŋaayan sii ne, hari sii ne, ir biney hun nda ŋaayan takaa-takaa woo.»

Teegoyey 7:39

Nga, ir baabey mana baa ngi ma yadda a se, i nʼa tuti ka ngi biney yeeti Misira

Alhukumoo 1:39

War izey kaŋ war nee: “Iberey gʼi dii”, war izʼarey kaŋ hõ i si ihenna nda ilaala kaa cere ra, ngi no ma huru a ra, ngi se ay gʼa noo, ngi no mʼa mayray.