Kabuyaney 14:14 - Songhai de Gao Bible

¹⁴ i nʼa har gandaa woo borey se. I maa kaŋ ni, Abadantaa, ni goo jamaa woo game, ni, Abadantaa, nʼga bangay moo nda moo, ni duulaa ga kay i boŋ, nʼga dira i jine duula kaŋ ga kay i jine ra zaari here, cijin here nuune kaŋ ga kay i jine ra.

Kabuyaney 14:14 ပူးပေါင်းရင်းမြစ်များ

Šintinoo 32:30

Yakuba nʼa hãa ka nee: «Ay gʼa wiri ni ga, ni maaɲoo har ya ne.» A nʼa zaabi ka nee: «Macin se nʼgʼay hãa nda ay maaɲoo?» A gaara a se dogoo din da ra.

Nehemi 9:12

Nʼna duula kaŋ ga kay i jine kʼi gongu zaari here, nʼna nuune kaŋ ga kay i jine cijin here ka ngi fondaa noo gaay kaŋ i ga hima kʼa zaa.

Nehemi 9:19

Amma ni, ni hinnari beeroo ra, manʼi fur saajoo ra. Duulaa kaŋ ga kay mana fay nda kʼi gongu zaari here nda nuunaa kaŋ ga kay cijin here ngi diraa ra, ka ngi fondaa noo gaay kaŋ i ga hima kʼa zaa.

Zaburey 105:39

A na duula daaru kʼi gum nda nuune kʼi noo gaay cijin here.

Zaburey 78:14

A gʼi gongu nda duula zaari here, cijinoo kul a gʼi gongu nda nuune gaay.

Fattaroo 15:14

Jamawey maarʼa, i jijiri. Hunburay duu Filisti gandaa borey.

Fattaroo 33:11

Abadantaa šelaŋ Musa bande mee nda mee, sanda takaa kaŋ nda boro ga šelaŋ nga ceroo bande. Woo banda ga, Musa yee jamaa kaloo ra, amma nga banda hunoo Žozuwe, aru sooga no kaŋ ti Nun izʼaroo mana hun hukkumoo kuneheroo ra.

Fattaroo 33:16

Nda nʼsi koy ir bande, taka foo nda ir ga bay kaŋ nʼna alhormo tee ya ne, agay nda ni jamaa? Manʼti kaŋ se nʼga koy ir bande, nga se ir, agay nda ni jamaa, ir ga fay nda jama kul kaŋ goo laboo ga?»

Fattaroo 40:38

Zama zaari here Abadantaa duulaa goo Irkoy gorodogoo boŋ, cijin here nuune ga dii duulaa ra, Izirayel hugoo borey kul jine, woo teendi ngi naarumaa kul ra, nongu ka koy nongu.

Kabuyaney 10:34

Abadantaa duulaa goo i boŋ zaari here waati kaŋ i tun ka hun ngi kaloo ra.

Kabuyaney 12:8

Ay ga šelaŋ a se mee nda mee, bangayyan ra, ay si šenni daabu a se. A ga dii Abadantaa azzaatoo. Adiši macin se war mana hunbur ka šelaŋ Musa ga, ay tamoo ga?»

Yehiya 1:18

Boro sii no kaŋ bay ka dii Irkoy. Izʼaru follokaa kaŋ goo Baabaa Irkoy binoo ra, nga ti boraa kaŋ nʼa bayrandi.

Yehiya 14:9

Isa nee a se: «Alwaatoo kul kaŋ ay nʼa tee war bande, manʼay bay, Filip? Boro kaŋ dii agay, a dii Baabaa Irkoy. Taka foo nʼga nee: ‹Baabaa Irkoy cebe ir se›?

Korent borey bataga 1na 13:12

Sohõ diji nda ir ga dii, a si kaaray, amma ir ga kaa ka dii moo nda moo. Sohõ ay bayraa manʼti kala jere, amma ay bayraa ga kaa ka timme sanda takaa kaŋ nda Irkoy gʼay bay.

Alhukumoo 1:19

«Woo banda ga, Abadantaa, ir Koyoo yaamaroo ga, ir hun Horeb tondi hondoo do ka saaji beeri hunburantaa woo kul kaŋ war dii a dunbu ka bisa, ka hanga fondaa kaŋ ga koy Amor borey tondi hondey do, ir too Kadeš-Barneya.

Alhukumoo 34:10

Annabi mana yee ka tun Izirayel ra sanda Musa cine kaŋ Abadantaa gʼa bay moo nda moo.

Alhukumoo 5:24

War nee: ‹Abadantaa, ir Koyoo nʼir cebe nga daržaa nda nga beeraa. Ir maa jindoo nuunaa game, hanoo din, ir dii kaŋ Irkoy ga hin ka šelaŋ boro se, boraa hundoo ma cindi a ra.

Alhukumoo 5:4

Abadantaa šelaŋ war se mee nda mee tondi hondoo boŋ nuunaa game.

Žozuwe 5:1

Waatoo kaŋ ra Amor borey kokoyey kul kaŋ cindi Žurdeŋ isaa banda ga waynakaŋay here nda Kanaŋ borey kokoyey kul kaŋ goo teekoo jere maa kaŋ Abadantaa na Žurdeŋ isaa kogandi Izirayel borey jine hala ir ma deŋ ka ben, biney hasara, biney hun Izirayel borey maaganda.

Yehiya bataga 1na 3:2

Ay baakey, sohõ ir manʼti kala Irkoy izeyaŋ, de woo kaŋ ir ga kaa ka ti a mana bangandi jina, ir ga bay kaŋ waati kaŋ Almasihu bangay ir ga hima nda a, zama ir ga dii a nda takaa kaŋ ga a goo.