Kabuyaney 12:3 - Songhai de Gao Bible

³ Musa ti aru kaŋ ga hanse ka nga boŋ yeeti ganda, nga boŋ-yeeti-gandayanoo cine mana tee laboo ga.

Kabuyaney 12:3 ပူးပေါင်းရင်းမြစ်များ

Zaburey 147:6

Abadantaa ga talkey faaba, a ga boro laaley yeeti ganda.

Zaburey 149:4

Zama Abadantaa jamaa ga kan a se, a ga hallasiroo tee taalam borey se kaŋ ga taabi.

Kabuyaney 12:4

Dogoo din da Abadantaa nee Musa, nda Haruna, nda Maryama se: «War boro hinzaa ma fatta ka koy cere kubayyan hukkumoo here.» Ngi boro hinzaa fatta ka koy.

Matiyu 11:29

Wʼay tiŋay-zaa-bundoo daŋ war ga, war ma tee ay taalibey, zama ay binoo ga yay, ay binoo ga nga boŋ yeeti ganda, war hundey ga duu hunanzamay.

Matiyu 21:5

«Wa nee woy-izoo kaŋ ti Siyoŋ koyraa se: ‹Ni kokoyoo ne ma kaa ni ga, binoo ga yay, a žigi farkaa woy nda farka-ize boŋ, adabba kaarumay izʼaru.›»

Matiyu 5:5

Borey duu gomni kaŋ ga ngi boŋ yeeti ganda, zama ngi no ma laboo tubu.

Korent borey bataga 2to 10:1

Agay hunday Pol, ay ga haya foo wiri war ga Almasihu bineyaynaa nda nga borohennataraa maaganda se, agay kaŋ borey ga nee kaŋ nda ay goo war game ka dii cere moo nda moo, ay ga tee boro yayna, amma nda ay mooru war, ay ga tee war se boro konna.

Korent borey bataga 2to 11:5

Agay do war diyaw beerey mana bisa agay nda baffoo.

Korent borey bataga 2to 12:11

Ay tee hollokom, war kʼay gaabi ya ti a, war ti borey kaŋ hima kʼay saabu, zama diyaw beerey wey mana bisa agay nda haya kul, ba kaŋ ay manʼti baffoo.

Tesalonik borey bataga 1na 2:7

Ka gar, ir kaŋ ti Almasihu diyawey, ir ga hin ka jeraw daŋ war ga. Amma ir goro war game nda bineyaynay, sanda takaa kaŋ nda woy-hay ga nga izey saajaw.

Žak batagaa 3:13

May ti lakkalkoynoo nda fahamantaa war ra? Boraa ma nga teegoyey cebe nga dira taka hennaa ra nda bineyaynay nda lakkal.

Piyer bataga 1na 3:4

Amma war taalamoo ma tee boro kuneheroo kaŋ goo tuguyan ra, kaŋ ti bineyaynay kaŋ ga kani, woo ti taalam kaŋ si hasara kaŋ goo nda hay beeri Irkoy do.