Kabuyaney 11:25 - Songhai de Gao Bible

²⁵ Abadantaa zunbu kate duulaa ra ka šelaŋ a bande. Irkoy Hundoo kaŋ goo Musa ga, Abadantaa zaa a ra kʼa daŋ boro beeri woyyaa (70) ga. Za Hundoo huru i ga, i šintin ka annabitaray tee, amma manʼti waati kuku.

Kabuyaney 11:25 ပူးပေါင်းရင်းမြစ်များ

Kokoyey 2to 2:15

Waatoo kaŋ annabey kondaa borey kaŋ goo Žeriko koyraa ga Alyasu honnay, i nee: «Ilyasu annabi hundoo bara Alyasu ga.» I koy a kubay ka gunguma jinoo ra hala ganda.

Nehemi 9:20

Nʼna ni Hundi hennaa kʼi noo fahamay, mana ŋaahayaa kaŋ se i ga nee man ganji i se i mʼa ŋaa, nʼnʼi noo hari waatoo kaŋ i jaw.

Zaburey 99:7

A šelaŋ i se duulaa kaŋ ga kay ra, i na nga seedetarawey dii nda yaamaroo kaŋ a nʼi noo i se.

Fattaroo 32:32

Sohõ, nda ni yadda, ngi zunuboo yaafa i se. Nda manʼti woo, ay maaɲoo tuusu kʼa kaa ni citaaboo ra kaŋ nʼnʼa hantum.»

Fattaroo 34:5

Abadantaa zunbu ka kaa duulaa ra. Abadantaa na nga boŋ maaɲoo cee.

Fattaroo 40:38

Zama zaari here Abadantaa duulaa goo Irkoy gorodogoo boŋ, cijin here nuune ga dii duulaa ra, Izirayel hugoo borey kul jine, woo teendi ngi naarumaa kul ra, nongu ka koy nongu.

Kabuyaney 11:17

Ay ga zunbu ka šelaŋ ni bande no din, Hundoo kaŋ goo ni ga, ay ga zaa a ra kʼa daŋ i ga, nga ra i ga jamaa jeejaa zaa ni bande, nʼsʼa zaa ni hinne.

Kabuyaney 12:5

Abadantaa zunbu duula kaŋ ga kay ra ka kay cere kubayyan hukkumoo miɲoo ga. A ciya Haruna nda Maryama se, ngi boro hinkaa man kate.

Kabuyaney 16:25

Musa tun ka koy Dataŋ nda Abiram do, Izirayel boro beerey hanga a.

Kabuyaney 24:2

Balam na nga boŋoo jer, de a ga dii Izirayel borey ga goro alkabiila nda alkabiila. Waatoo din Irkoy Hundoo kaa Balam ga.

Kabuyaney 27:18

Abadantaa nee Musa se: «Žozuwe kaŋ ti Nun izʼaroo zaa, aru no kaŋ ra ay Hundoo goo, ma ni kaboo fur a ga.

Teegoyey 11:28

Affoo i ra kaŋ maaɲoo ti Agabus tun ka nee Irkoy Hundoo albarkaa ra kaŋ heray beeri ga tee ngi laboo kul ga, a teendi Klod waati.

Korent borey bataga 1na 14:32

Annabey kaŋ goo ngi annabitaraa ra ga hin ngi boŋ.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Piyer bataga 2to 1:21

Annabi šenni mana bay ka tee adamize ibaayoo, Hundi Henanantaa no ma adamize tuti a ma šelaŋ Irkoy maaɲoo ga.

Alkaaley 3:10

Abadantaa Hundoo zunbu Otniyel ga, a tee Izirayel alkaaloo. A koy wongu, de Abadantaa na Kušaŋ-Rišatayim, Mezopotami kokoyoo daŋ kaboo ra, a hin Kušaŋ-Rišatayim.

Samiyel 1na 10:10

Waatoo kaŋ i too no din Gibeya, annabi jama nʼa kubay. Irkoy Hundoo zunbu a ga, a na annabitaray tee i game.