Kabuyaney 11:10 - Songhai de Gao Bible

¹⁰ Musa ga maa jamaa ga hẽe, i marga alaayan beeri nda alaayan beeri, affoo kul nga hukkumoo miɲoo ga. Abadantaa hanse ka futu, woo din mana kan Musa se.

Kabuyaney 11:10 ပူးပေါင်းရင်းမြစ်များ

Zaburey 106:25

I ŋuunuŋuunu ngi hukkumey cire, i mana haŋajer Abadantaa šennoo se.

Zaburey 139:21

Abadantaa, ay si hima ka konna borey kaŋ ga konna ni wala? Ay si hima ka borey hesu kaŋ ga ni gandu wala?

Zaburey 78:21

Woo se, kaŋ Abadantaa maarʼa, a futu, nuune dii Yakuba borey ga, nga futuroo kaŋ Izirayel boŋ,

Zaburey 78:59

Irkoy maa, a futu, a hanse ka wanji Izirayel ga.

Kabuyaney 11:1

Han foo jamaa ŋuunuŋuunu futay Abadantaa ga. Abadantaa maarʼa, a futu, nga nuunaa dii jamaa gamey ra ka ngi kaloo boŋ faa halaci.

Kabuyaney 11:11

Musa nee Abadantaa se: «Macin se nʼgʼay maray, agay ni baɲɲaa? Macin se mana alhormo tee ya ne, hala nongu kaŋ ra nʼga jamaa woo kul jeejaa fur ay ga?

Kabuyaney 11:9

Waati kaŋ harandaŋoo kani jamaa kaloo ga cijinoo ra, nga no manoo ga zunbu kaloo ga.

Kabuyaney 12:3

Musa ti aru kaŋ ga hanse ka nga boŋ yeeti ganda, nga boŋ-yeeti-gandayanoo cine mana tee laboo ga.

Kabuyaney 12:9

Abadantaa futu i ga, a koy.

Kabuyaney 16:27

I mooru nongoo kul here Kora, nda Dataŋ, nda Abiram gorodogey. Dataŋ nda Abiram fatta ka koy kay ngi hukkumey miɲey ga, ngi, nda ngi wandey, nda ngi izʼarey, nda ngi zanka kaccey.

Kabuyaney 21:5

I šelaŋ Irkoy nda Musa ga ka nee: «Cin se war gʼir žigandi ka hun Misira? Hala ir ma buu saajoo woo ra wala? Zama ŋaayan sii ne, hari sii ne, ir biney hun nda ŋaayan takaa-takaa woo.»

Marku 10:14

Waatoo kaŋ Isa dii woo, a futu ka nee i se: «Wa zankey naŋ i ma kaa ay do, war masʼi ganji, zama borey kaŋ ga hima nda ey wane nda Irkoy Laamaa.

Marku 3:5

Isa na moo fur i ga, a futu ngi binešendaa se. A nee aroo se: «Ni kaboo šerre.» A nʼa šerre, de kaboo duu baani, a boori.

Alhukumoo 32:22

Ay futuroo nuunaa dii, a ga dii hala alaahara kunehere, a ga laboo nda nga hayey kaŋ ga zay a ra ŋaa, a ga dii hala tondi hondey asaasey ga.