Galati borey batagaa 4:9 - Songhai de Gao Bible

⁹ Amma sohõ war ga Irkoy bay, wala hunday sohõ ir ma nee Irkoy ga war bay. Taka foo war ga war boŋ yeeti haya buunayaŋ kaŋ sii nda nafaw cire kaŋyaŋ se war ga baa war ma tee tam koyne?

Galati borey batagaa 4:9 ပူးပေါင်းရင်းမြစ်များ

Kokoyey 1na 8:43

ma haŋajer a se beenaa ra kaŋ ti ni gorodogoo. Haya kul kaŋ nda a na ni ŋaaray, mʼa tee a se hala laboo kul jamawey ma ni maaɲoo bay, ka hunbur ni sanda takaa kaŋ nda ni jamaa Izirayel ga hunbur ni, i ma bay mo kaŋ hugoo woo kaŋ ay nʼa cin, ni maaɲoo no ma ciyandi a ga.

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Zaburey 1:6

Zama Abadantaa ga boro šerrantey fondaa hawgay, amma boro laaley fondaa gʼi ka koy halaciyan ga.

Zaburey 9:10

Abadantaa ti borey kaŋ i gʼi šiita wakkalkaa, a ga tee i se nongu kaŋ ra boro ga talfi waati šendey ra.

Fattaroo 33:17

Abadantaa nee Musa se: «Šennoo kaŋ ni ne kʼa har, ay gʼa tee, zama nʼna alhormo tee ya ne, ay ga ni bay nda ni maaɲoo.»

Yaasawey 2:5

woo ra nʼga faham haya kaŋ ti Abadantaa hunburaa, nʼga duu Irkoy bayraa.

Matiyu 11:27

«Ay Baabaa Irkoy na hayey kul daŋ ay kaboo ra. Boro kul si Izʼaroo bay nda manʼti Baabaa Irkoy. Boro kul si Baabaa Irkoy mo bay nda manʼti Izʼaroo, nda boro kaŋ se Izʼaroo baa nga mʼa bangandi.

Luka 5:38

Adiši alaneb hari taaga si huru kala hunbar taagayaŋ ra.

Yehiya 10:14

Agay, agay ti kurkaw hennaa, ay gʼay waney bay, ay waney mo gʼay bay,

Yehiya 10:27

Ay feejey ga maa ay jindoo se, agay, ay gʼi bay, de i ga hanga agay.

Yehiya 17:3

Hunayan abadantaa manʼti kala, i ma ni bay, ni, Irkoy follokaa cimikoynoo nda boraa kaŋ nʼnʼa sanba kaŋ ti Isa Almasihu.

Rom borey batagaa 8:29

Zama borey kaŋ Irkoy jin kʼi bay, a jin ka kayandi mo i ma hima nda nga Izʼaroo, hala Izʼaroo ma tee gunde jinaa arma boobo game.

Rom borey batagaa 8:3

Hayaa kaŋ Musa ašariyaa mongu kʼa tee gaaham gaabi jaŋaa se, Irkoy nʼa tee. A na nga Izʼaru gundoo sanba ir gaaham zunubantaa cine ra, zunubu maaganda se a na zunubu zukandi nga Izʼaroo hamoo ra,

Korent borey bataga 1na 13:12

Sohõ diji nda ir ga dii, a si kaaray, amma ir ga kaa ka dii moo nda moo. Sohõ ay bayraa manʼti kala jere, amma ay bayraa ga kaa ka timme sanda takaa kaŋ nda Irkoy gʼay bay.

Korent borey bataga 1na 15:34

Wa yee kate fondaa ga, war masi zunubu tee, zama boroyaŋ war ra si Irkoy bay, ay gʼa har hala war ma haw.

Korent borey bataga 1na 8:3

Amma boro kaŋ ga baa Irkoy, Irkoy no mʼa bay.

Korent borey bataga 2to 11:20

War ga boro muɲe kaŋ ga war tee baɲɲa, wala boro kaŋ ga war hayaa taa, wala boro kaŋ ga war kabey koonandi, wala boro kaŋ ga war kaynandi, wala boro kaŋ ga war saŋ.

Korent borey bataga 2to 4:6

Zama Irkoy nee: «Gaayoo ma dii kubaa ra», nga no ka dii ir biney ra ka nga daržaa kaŋ ga dii [Isa] Almasihu ndumoo ga bayrandi ir se.

Galati borey batagaa 3:3

War sii nda lakkal takaa woo kul? War šintin ka dira nda Irkoy Hundoo, sohõ war ga benandi nda hundi-ibaayoo wala?

Galati borey batagaa 4:3

Ir mo takaa din da, waatoo kaŋ ir ga zanka, ir manʼti kala baɲɲayaŋ aduɲɲa hayey se.

Efez borey batagaa 1:17

Ay gʼa ŋaaray ir Koyoo Isa Almasihu Koyoo ga kaŋ ti Baabaa Irkoy daržantaa, a ma war noo nga Hundoo kaŋ ga lakkal noo ka Irkoy bayraa bangandi war se.

Timote bataga 2to 2:19

Woo kul, Irkoy asaasu gaabantaa ga cindi. Silbaa kaŋ goo asaasoo ga: «Ir Koyoo ga borey bay kaŋ ti nga wane.» Silbay faa mo ti: «Boro kul kaŋ ga Irkoy maaɲoo cee, boraa ma mooru goy futu.»

Eberewey batagaa 7:18

Yaamar jinaa tuusandi, zama a sii nda gaabi, a sii nda nafaw,

Piyer bataga 2to 2:20

Nda borey kaŋ hun aduɲɲa hayey žiiboo cire ir Koyoo nda ir Hallasikaa Isa Almasihu kaŋ i nʼa bay albarkaa ra, nda i naŋ haya žeeney din ma yee ka ngi yeeti ngi cire, ngi taka kokorantaa ga jaase ijinaa.

Yehiya bataga 1na 5:20

Amma ir ga bay kaŋ Irkoy Izʼaroo kaa, a nʼir noo lakkal hala ir ma Cimikoynoo bay, Cimikoynoo da bande ir goo, maanaa nga Izʼaroo Isa Almasihu. Nga ti Irkoy cimikoynoo, nga ti hunayan abadantaa.