Galati borey batagaa 2:14 - Songhai de Gao Bible

¹⁴ Amma waatoo kaŋ ay dii i si dira borey kul jine nda Alhabar Boryaa cimoo, ay nee Piyer se borey kul jine: «Nda ni kaŋ ti Alyahuudu, nʼga huna sanda boro kaŋ manʼti Alyahuudu, taka foo nʼga dumey kaŋ manʼti Alyahuudu gaabi i ma tee sanda Alyahuudu?»

Galati borey batagaa 2:14 ပူးပေါင်းရင်းမြစ်များ

Zaburey 141:5

Nda boro šerrante nʼay kar, gomni no, nda a kašeta ay ga, jii no kaŋ goo ay boŋoo ga. Ay boŋoo si wanji a, ay ŋaarayroo ga duu ifutu ga fondo.

Zaburey 15:2

Kala boraa ma tee boro kaŋ nga dira takaa ga henan, a ga goy nda šerretaray, a ga cimoo har kaŋ goo binoo ra.

Zaburey 58:1

Donkey boŋkoynoo ka woo don. Takaa kaŋ nda a ga doonoo woo don se i ga nee «Masʼa halaci.» Woo ti Dawda bayti foo.

Zaburey 84:11

Ka zaari foo tee ni hugoo batumawey ra baa ka zaari zenber (1.000) tee nongu tana ra. Ya kay ay Koyoo hugoo jindoo ga, ay bagʼa nda ya goro boro laala hukkumey cire.

Yaasawey 10:9

Boro kaŋ ga dira laadirtaray fondaa ra, koyoo ga dira nda binekanay, boro kaŋ na fondo šiira zaa, moo ga kay koyoo ga.

Yaasawey 2:7

A ga koyjineyan jisi boro šerrantey se, koray no borey se kaŋ ga dira laadirtaray ra,

Sargarey 19:17

Masi ni armaa harram ni binoo ra. Masi goro mana ni gandaa boro daŋ fondaa ra, nga ra nʼsi nga zunuboo zaa.

Teegoyey 10:28

A nee i se: «War, war ga bay kaŋ a si bisa Alyahuudu se a ma denja wala a ma man yaw. Amma Irkoy cebe ya ne kaŋ boro masi nee adamize kul se kaŋ a ga žiibi wala a ga harram.

Teegoyey 15:1

Boro fooyaŋ hun Žude ka doo Antiyoš kʼir armey cawandi ka nee: «Nda war mana hurubangu sanda Musa alaadaa, war si hin ka hallasi.»

Teegoyey 15:24

Ir maa kaŋ boro fooyaŋ [hun] ir do, ir manʼi noo yaamar kul, i na war ɲaami ka war biney maray nda ngi šenney.

Teegoyey 15:5

Fariziyeŋey kondaa borey kaŋ naanay, affooyaŋ i ra tun ka nee: «A nka waazibi taalibey kaŋ manʼti Alyahuudu ma hurubangu kʼi yaamar i ma Musa ašariyaa dii.»

Rom borey batagaa 14:14

Ay ga bay kaaray ir Koyoo Isa albarkaa ra kaŋ haya kul sii no kaŋ žiibi nda nga boŋ, amma boro kaŋ na haya dii žiibi, a ga tee a se žiibi.

Galati borey batagaa 1:18

Jiiri hinza banda ga, ay žigi ka koy Žerizalem ka Piyer bay, ay cindi jeroo ga jirbi woy cindi guu (15).

Galati borey batagaa 1:6

Ay boŋoo haw nda takaa kaŋ nda war cahã ka banda bere boraa se kaŋ na war cee nda [Almasihu] anneemaa. War koy alhabar borya tana dii,

Galati borey batagaa 2:3

Ba Tit kaŋ cindi ay bande kaŋ ti Grek, a mana tilasandi a ga a ma hurubangu.

Galati borey batagaa 2:5

Ir mana yadda i se ka cindi i cire ba alwaati kayna, hala Alhabar Boryaa cimoo ma cindi war kone.

Galati borey batagaa 2:7

Amma kaŋ i bay Alhabar Boryaa talfandi ay ga yʼa waazu dumiyaŋ kaŋ manʼti Alyahuudu se, sanda takaa kaŋ nda a talfandi Piyer ga Alyahuudey se,

Galati borey batagaa 2:9

kaŋ i yadda goyoo kaŋ nondi ya ne Irkoy anneemaa ra, Žak, nda Piyer, nda Yehiya kaŋyaŋ ti Egilizoo hugoo ganjiyaŋ na kabe daŋ agay nda Barnabas kaboo ra ka cebe kaŋ ngi yadda ir ga, ir, ir ma koy goy dumey kaŋ manʼti Alyahuudu game, ngi, ngi ma koy goy Alyahuudey game.

Galati borey batagaa 6:12

Borey kaŋ ga baa ngi ma ngi boŋ boryandi borey se, ngi no ma war waazibi war ma hurubangu. I si woo tee kala hala borey masi ngi gurzugay Almasihu kaŋ buu kanjandibundoo ga maaganda se.

Kolos borey batagaa 1:5

naataa kaŋ jisandi war se beenaa ra maaganda se. Naataa no kaŋ war maarʼa cimoo šennoo ra kaŋ ti Alhabar Boryaa.

Timote bataga 1na 5:20

Borey kaŋ ga huna zunubu ra, citi i ga borey kul jine, hala borey jerey mo ma hunbur.

Eberewey batagaa 12:13

«Wa fondo šerranteyaŋ tee war cewey se» hala woo kaŋ ga sinbar masi golbi, amma a ma duu baani.

Eberewey batagaa 9:10

Goyoo din si teendi de nda kala ŋaahaya, nda haŋhaya, nda alwala dumi-dumiyaŋ. Wey manʼti kala kabehayayaŋ kaŋ ga bara hala waatoo kaŋ ra Irkoy na hayey barmay.