Filipi borey batagaa 4:6 - Songhai de Gao Bible

⁶ War masi alhuzun nda haya kul, amma haya kul kaŋ no, wʼa ceeci Irkoy ga ŋaarayyan ra, nda suurandiyan ra, nda albarka daŋyan.

Filipi borey batagaa 4:6 ပူးပေါင်းရင်းမြစ်များ

Kokoyey 1na 8:28

Woo kul, Abadantaa, ay Koyoo, haŋajer ni tamoo ŋaarayroo nda suurandiyanoo se, ma maa wurroo nda ŋaarayroo kaŋ agay, ni tamoo gʼa tee ma ne hõ.

Taarikey 2to 32:20

Kokoyoo Ezekiyas nda annabi Amots izʼaroo Ezayi na Irkoy ŋaaray misoo woo se, i kaati beenaa here.

Zaburey 51:15

Ay ga ni fondawey cawandi borey kaŋ ture se, de zunubantey ga willi kate ni ga.

Zaburey 55:17

Agay, ay ga Irkoy cee, Abadantaa gʼay hallasi.

Zaburey 55:22

Deenoo ga ban nda barkura, amma wongu bara binoo ra, nga šenney ga fiši ka bisa jii, amma takubayaŋ no kaŋ hoobandi.

Zaburey 62:8

Ay hallasiroo nda ay daržaa sii kala Irkoy ra, tondoo kaŋ gʼay noo gaabi, nda nongoo kaŋ ra ay gʼay boŋ talfi ti Irkoy.

Yaasawey 15:8

Abadantaa ga konna boro futawey sargaroo, boro šerrantey ŋaarayroo ga kan a se.

Yaasawey 16:3

Ni teegoyey talfi Abadantaa ga, nga ra ni goyey ga boori.

Matiyu 10:19

Amma waati kaŋ i na war nondi, war masi alhuzun nda takaa kaŋ nda war ga šelaŋ wala hayaa kaŋ war gʼa har. Hayaa kaŋ war ga hima kʼa har, ga nondi war se waatoo din da,

Matiyu 13:22

Dumari karjikoyney kaŋ ra a saya manʼti kala boraa kaŋ maa Šennoo, amma zamanoo alhuzunoo, nda almanoo kaŋ ga zanba ga Šennoo hewguba, a masi ize tee.

Matiyu 6:34

War masi huzun nda suba. Suba ga alhuzun nga boŋ se. Zaari foo kul nda nga farayanoo.»

Matiyu 6:8

War masi hima nda ey, zama war Baabaa Irkoy ga haya bay kaŋ ga war ga too, za war manʼa ŋaaray.

Luka 10:41

Ir Koyoo zaabi ka nee a se: «Mart, Mart, nʼga huzun, nʼga jijiri haya booboyaŋ se.

Luka 12:22

Isa nee nga taalibey se: «Woo se ay ga war bayrandi kaŋ war masi huzun war hundoo se, nda war ŋaahayaa, wala war gaahamoo se, woo kaŋ nda war ga daabu.

Luka 12:29

War, war masi war boŋ zarabi ka hayaa ceeci kaŋ war gʼa ŋaa wala kʼa haŋ.

Luka 18:1

Isa na filla yaasayante deede i se kʼi cebe kaŋ boro ga hima ka Irkoy ŋaaray waati kul, boro binoo masi hun.

Luka 18:7

De Irkoy, a si ciiti borey se kaŋ a nʼi suuba kaŋ ga kaati kʼa cee cijin nda zaari wala? A ga gay a mana tuuru i se wala?

Korent borey bataga 1na 7:21

Baɲɲa ti ni waatoo kaŋ ni ciyandi? Masi alhuzun, amma nda nʼga hin ka sawal, ma sawal baa,

Korent borey bataga 1na 7:32

Amma ay si baa war ma alhuzun zaa. Boro kaŋ mana hiiji ga alhuzun zaa ir Koyoo hayey se, a ga ceeci taka kaŋ nda nga ma kan ir Koyoo se.

Korent borey bataga 2to 1:11

War mo gʼir faaba nda Irkoy ŋaarayroo kaŋ war gʼa tee ir se, hala Irkoy anneemaa nooyanoo woo kaŋ ir duu a ma kate boro boobo ma albarka daŋ Irkoy se ir maaganda.

Efez borey batagaa 5:20

Alwaati kul, haya kul kaŋ no, war ma albarka tee Irkoy ir Baabaa se ir Koyoo Isa Almasihu maaɲoo ga.

Efez borey batagaa 6:18

Wa Irkoy ŋaaray waati kul nga Hundoo albarkaa ra nda ŋaaray nda suurandiyan dumi kul, war ma hanna cijin nda zaari ka gaabandi a ga. War ma Irkoy suurandi nga boro henanantey kul se,

Kolos borey batagaa 3:15

Almasihu alaafiyaa kaŋ se war ciyandi ka tee gaaham folloku ma war biney juwal. War ma tee gomni baykawyaŋ.

Kolos borey batagaa 3:17

Haya kul kaŋ war gʼa tee, a ma tee šenni wala teegoy, wʼa tee ir Koyoo Isa maaɲoo ga ka albarka tee Baabaa Irkoy se Isa alhormaa ra.

Kolos borey batagaa 4:2

Wa gaabandi Irkoy ŋaarayyan ga, war ma cindi a ra nda albarka daŋyan.

Timote bataga 1na 2:1

Adiši, ay hoyray jinaa manʼti kala borey ma hanse ka Irkoy biɲɲay, i ma Irkoy ŋaaray, i ma Irkoy ŋaaray cere se, i ma albarka daŋ Irkoy se adamizey kul se,

Timote bataga 1na 5:5

Woy kaŋ kurɲoo buu kaŋ nda cimi a cindi nga hinne, nga, a ga naata Irkoy ga, a ga gaabandi Irkoy biɲɲayyan nda Irkoy ŋaarayyan ga cijin nda zaari.

Piyer bataga 1na 4:7

Haya kul benantaa man. Wa war lakkaley kanandi ka war boŋ gagay hala war ma hin ka Irkoy ŋaaray.

Piyer bataga 1na 5:7

Wa war alhuzuney kul fur a ga, zama a ga huga nda war.

Samiyel 1na 1:15

Anna nee a se: «Kalaa, ay koyoo, ay manʼti kala woy kaŋ binoo ga maray, ay mana alaneb hari mooro haŋ, ay mana harifutu haŋ. Abadantaa ga ay gʼay misoo hẽe.

Samiyel 1na 30:6

Dawda binoo hanse ka maray, zama jamaa goo ma nee kaŋ i ma Dawda warra nda tondi kʼa wii, zama jamaa kul biney tun, boro foo kul nga izʼarey wala ize woyey maaganda. Amma Dawda na bine tee Abadantaa, nga Koyoo albarkaa ra.

Samiyel 1na 7:12

Samiyel na tondi zaa kʼa jisi Mispa nda Šen gamoo ra, a na tondoo maaɲoo daŋ Eben-Ezer (maanaa «faabayan tondoo»). A nee: «Ka kaa ka too hala ne Abadantaa kʼir faaba.»