Filipi borey batagaa 4:5 - Songhai de Gao Bible

⁵ War boroboryotaraa, adamizey kul ma bay a ga, ir Koyoo man.

Filipi borey batagaa 4:5 ပူးပေါင်းရင်းမြစ်များ

Matiyu 6:25

«Woo se ay ga war bayrandi kaŋ war masi huzun war hunaroo se nda woo kaŋ war gʼa ŋaa, [wala woo kaŋ war gʼa haŋ], wala war gaahamoo se, woo kaŋ nda war ga daabu. Hundi mana bisa ŋaayan, gaaham mana bisa bankaaray wala?

Matiyu 6:34

War masi huzun nda suba. Suba ga alhuzun nga boŋ se. Zaari foo kul nda nga farayanoo.»

Luka 21:34

«Wa war boŋ hawgay, war biney masi koy hanga ŋaayan, nda suuyan, nda hundi alhuzun bande hala zaaroo din ma kaa war ga waati kaŋ war sʼa hongu.

Korent borey bataga 1na 16:22

Boro kaŋ si baa ir Koyoo, boraa ma laali. Maranata! (maanaa «kaa, ir Koyoo!»)

Korent borey bataga 1na 6:7

[Nda cimi,] haya kul kaŋ no, ciiti ma huru war nda cere game, war kaŋyanoo no. Macin se war si baa war ma boro kaŋ si šerretaray tee muɲe? Macin se war si baa war ma tooɲeyan muɲe?

Korent borey bataga 1na 8:13

Woo maaganda se, nda ham ga tee addalil kaŋ ga agʼarmaa kaŋandi, ay si ham ŋaa abada, hala ya si tee addalil kaŋ na agʼarmaa kaŋandi.

Korent borey bataga 1na 9:25

Boro kul kaŋ ga gurgay ga nga boŋ dii ka sawa haya kul ra. I gʼa tee hala ngi ma duu ka duu fuula kaŋ ga waati kayna tee, amma ir, hala ir ma duu ka duu fuula duumante.

Korent borey bataga 2to 10:1

Agay hunday Pol, ay ga haya foo wiri war ga Almasihu bineyaynaa nda nga borohennataraa maaganda se, agay kaŋ borey ga nee kaŋ nda ay goo war game ka dii cere moo nda moo, ay ga tee boro yayna, amma nda ay mooru war, ay ga tee war se boro konna.

Tesalonik borey bataga 2to 2:2

war masi cahã ka war lakkaley tunandi ka hunbur annabi šenni se wala waazu se kaŋ nee ir Koyoo kaayanoo zaaroo too, ba nda bataga ka kaa war do kaŋ i nee ir kʼa sanba.

Tit batagaa 3:2

I masi boro kul wow, i masi tee yenjekaari, i ma tee boro boryo, i ma tee bineyayna borey kul here.

Eberewey batagaa 10:25

Ir masʼir margaroo naŋ sanda takaa kaŋ nda boro fooyaŋ ga doona kʼa tee. Ir ma cere bine daŋ, waaniwaani war ga dii ciitoo zaaroo ga baa ka too.

Eberewey batagaa 10:37

Zama Citaaboo nee: «Ne nda kayna, nda cahãyan, boraa kaŋ ga hima ka kaa ga kaa, a si gay.

Piyer bataga 1na 1:11

Almasihu Hundoo kaŋ goo i ra no mʼi bayrandi Almasihu laazaabawey nda daržaa kaŋ a ga duu a laazaabawey bandawey ga. Hayey kaŋ Hundoo gʼi bayrandi annabey se, annabey ga ceeci nda hinay ka ngi waatey nda ngi teetakaa bay.

Piyer bataga 1na 4:7

Haya kul benantaa man. Wa war lakkaley kanandi ka war boŋ gagay hala war ma hin ka Irkoy ŋaaray.

Bangandiroo 22:20

Boraa kaŋ na hayey wey hakiikandi nee: «Cimi no, ay ga kaa nda cahãyan!» Amin. Kaa ir Koyoo Isa!

Bangandiroo 22:7

Isa nee: «Nga ne, ay ga kaa nda cahãyan. Boraa duu gomni kaŋ ga annabitaray šenney dii kaŋ goo citaaboo woo ra.»