Filipi borey batagaa 3:2 - Songhai de Gao Bible

² Wa hawgay hanšey ga, war ma war boŋ hawgay goykaw laaley ga, wa war boŋ hawgay hurubanguyan futaa ga,

Filipi borey batagaa 3:2 ပူးပေါင်းရင်းမြစ်များ

Zaburey 119:115

Wa mooru ay ga, goy futu teekey, ay gʼay Koyoo yaamarey dii.

Zaburey 22:16

Ay gaaboo kogu sanda labudiini, ay deenoo ga denji ay dankaa ga, nʼgʼay tee sanda buuyan labu.

Zaburey 22:20

Ni, Abadantaa, masi mooru ay ga! Ni kaŋ ti ay gaaboo, cahã ka kaa kʼay faaba!

Yaasawey 26:11

Sanda hanši kaŋ ga yee hayaa ga kaŋ a nʼa yeeri, nga ti lakkal jaŋante kaŋ yee nga saamataraa ga.

Matiyu 24:10

Alwaatoo woo, boro boobo ga murti, i ga cere nondi, i ga konna cere.

Matiyu 7:15

«Wa war boŋ hawgay taari annabey ga. I ga kaa war ga sanda feejiyaŋ, amma ngi kuneheroo manʼti kala ganjihanši futuyaŋ.

Matiyu 7:6

War masi haya henanantey noo hanšey se, i masi koy bere war ga ka war kottu. War masi war alyakuutey daŋ nbirŋawey jine, i masi koy i taama nda ngi cewey.»

Rom borey batagaa 2:28

Manʼti haya kaŋ boro ga dii a no ma boro tee Alyahuudu, manʼti tammaasa kaŋ boro ga dii a gaaham ga ti hurubanguyan.

Korent borey bataga 2to 11:13

Borey wey dumey manʼti kala taari diyawyaŋ, goykaw darganteyaŋ kaŋ ga ngi boŋ himandi Almasihu diyawyaŋ.

Galati borey batagaa 5:13

Agʼarmey, war, war mana ciyandi kala sawalyan se, amma war masi sawalyanoo tee haya kaŋ ga kate war ma dira hundi-ibaayi ra, war ma cere alhaadimay baji ra.

Galati borey batagaa 5:15

Amma nda war ga cere ɲama ka cere ŋaa, war ma hawgay war masi koy cere halaci.

Galati borey batagaa 5:6

Almasihu Isa bande, hurubanguyan wala hurubanguyan jaŋay kul sii nda alfayda. Naanaa kaŋ ga goy baji ra bara nda alfayda.

Filipi borey batagaa 3:19

Ngi kokoroo ti dereroo. Ngi gundey ti ngi koyoo. Hayaa kaŋ gʼi haawandi nda i ga bolsay. I si hongu kala aduɲɲa hayey hinne.

Filipi borey batagaa 3:3

zama ir ti hurubanguyan cimoo, ir kaŋ ga Irkoy gana nga Hundoo albarkaa ra, ka bolsay nda Almasihu Isa, ir si felle gaaham ga.

Timote bataga 1na 1:19

nda ka gaabu naanay nda binekanay ga, boro fooyaŋ na binekanay naŋ, i na ngi naanaa mun sanda harihii.

Tit batagaa 1:16

I ga nee ngi ga Irkoy bay, amma ngi teegoyey ra i gʼa yankar. Harramanteyaŋ no, turanteyaŋ no, i si hin ka teegoy henna kul tee.

Piyer bataga 2to 2:22

Hayaa kaŋ yaasaa nʼa har, nga ti cimi, nga da ka tee i ga kaŋ ti: «Hanšoo yee hayaa kaŋ a nʼa yeeri ga», nbirŋa woyoo nka ɲumay jina a koy nga boŋ birji batakaraa ra.

Žud batagaa 1:4

Zama boro fooyaŋ tugu ka huru ganakey game. A gay ngi ciitoo harandi Citaaboo ra. I si hunbur Irkoy, i ga Irkoy anneemaa bere kʼa tee haya futu boonayyan. I gʼir jineboro follokaa kaŋ ti ir Koyoo Isa Almasihu yankar.

Bangandiroo 2:9

“Ay ga ni zaraboo nda ni talkataraa bay, amma almankoyni ti ni, borey kaŋ ga nee Alyahuudu ti ngi, ka gar i manʼti a, ay ga ngi wowey bay, i manʼti kala Šaytan margahugoo.

Bangandiroo 21:8

Amma alkubey, nda borey kaŋ si naanay, nda harramantey, nda borowiikey, nda woy nda aru izefututaray teekey, nda kottekoyney, nda tooru ganakey, nda taariharkey kul bagaa manʼti kala guusu beeroo kaŋ ra nuune nda ganjibaali ga dii: woo ti buuyan hinkantoo.»

Bangandiroo 22:15

Hanšey, nda kottekoyney, nda woy nda aru izefututaray teekey, nda borowiikey, nda tooru ganakey, nda boro kul kaŋ ga baa taari wala a ga taari ma koy taray.

Bangandiroo 3:9

Nga ne, ay ga ni noo boroyaŋ Šaytan margahugoo borey ra, wey kaŋ ga nee Alyahuudu ti ngi, ka gar i manʼti a, i ga taari. Nga ne, ay ga kate ey i ma gunguma ni cewey cire, i ma bay kaŋ ay ga baa ni.