Filipi borey batagaa 3:13 - Songhai de Gao Bible

¹³ Agʼarmey, ay si hongu kaŋ agay, ay duu a, amma ay ga haya foo tee kaŋ ti: ka dirɲa haya kaŋ goo banda ka jinehere ceeci.

Filipi borey batagaa 3:13 ပူးပေါင်းရင်းမြစ်များ

Zaburey 27:4

Haya folloku no ay nʼa wiri Abadantaa ga, ay nʼa ceeci a ga: ay hunaroo kul ya cindi Abadantaa hugoo ra, ka dii Abadantaa booroo kʼa gaaya nga hugoo ra.

Zaburey 45:10

Kokoy ize woyyaŋ goo ni boro daržantey ra, kokoy woyoo ga taalam nda Ofir gandaa wura ka kay ni kabe gumaa ga.

Luka 10:42

Amma haya folloku ka tilasu. Maryama na baa hennaa zaa kaŋ si hun a kone.»

Luka 9:62

Isa nee a se: «Boro kul kaŋ na nga beeriguuroo dii nga kaboo ra, de a ga ɲeli ka lakkal daŋ banda se, boraa din sii nda nafaw Irkoy Laamaa se.»

Korent borey bataga 2to 5:16

Woo maaganda se sohõ ir si boro kul dii nda takaa kaŋ nda adamizey gʼa dii. Ba nda ir na Almasihu dii nda adamizey takaa, sohõ ir si yee kʼa dii nda takaa din.

Filipi borey batagaa 2:12

Adiši, ay baakey, war kaŋ hanga fondaa waati kul, manʼti waati kaŋ ay goo war game hinne, amma sohõ kaŋ ay sii war game war ma hanse ka hanga a ka tonton. Wa war hallasiroo goyoo tee nda hunburay nda jijiriyan,

Filipi borey batagaa 3:12

Manʼti ya nka too guwoo ga ka ben wala ya nka tee boro kaŋ timme hayey kul here. Amma ya mma zuru ka koy a ga, ka ceeci ka duu a, zama agay hunday, Almasihu [Isa] duu agay.

Filipi borey batagaa 3:8

Cimi no, ay ga hayey kul mo guna sanda mursay Almasihu Isa, ay Koyoo bayraa nafaw beeroo maaganda se. Nga kaŋ maaganda se ay ga hayey kul guna sanda mursay, ay gʼi guna sanda žiibi hala ya duu ka duu Almasihu.

Eberewey batagaa 6:1

Woo maaganda se ir masi kay Almasihu cawyanoo haya jinawey ga, ir ma koy jine ka timme, bila nda ir ma yee kate ka hayey gorandi za šintinoo ga kaŋ ti: ka tuubi teegoyey ra kaŋ ga kate boro ma buu, nda ka naanay daŋ Irkoy ra,

Piyer bataga 2to 3:8

Ay baakey, war ma bay, haya foo goo no kaŋ war masi dirɲa kaŋ ti zaari foo ir Koyoo se ga hima nda jiiri zenber foo (1.000), jiiri zenber foo (1.000) ga hima nda a se sanda zaari foo.