Filipi borey batagaa 3:12 - Songhai de Gao Bible

¹² Manʼti ya nka too guwoo ga ka ben wala ya nka tee boro kaŋ timme hayey kul here. Amma ya mma zuru ka koy a ga, ka ceeci ka duu a, zama agay hunday, Almasihu [Isa] duu agay.

Filipi borey batagaa 3:12 ပူးပေါင်းရင်းမြစ်များ

Ayuba 17:9

Boro laadirantaa ga durkutu ka cindi nga fondaa ga, boro kabe henanantey gaaboo ga tonton.

Zaburey 119:5

Yala ay fondawey ma tabati, hala ya ni hantumey dii.

Zaburey 138:8

Abadantaa ga haya kul benantaa tee ya ne gomni. Ni borohennataraa si ben abada. Masi ni kabey teegoyey fur.

Zaburey 42:1

Donkey boŋkoynoo ka woo don. Woo ti Kora izey bayti dooni foo.

Zaburey 63:8

Zama ni ti ay faabakaa, ay ga kaati nda ɲaali ni fatawey biyoo cire.

Zaburey 84:2

Abadantaa, Aduɲɲakoyoo, ni gorodogey ga hanse ka kan!

Zaburey 94:15

zama ciitoo bere cimi here, borey kul kaŋ biney ga šerre ga hanga a.

Yaasawey 4:18

Boro šerrantey fondaa ga hima nda alfazar gaayoo kaŋ mma koy de a ga tonton ka nere hala zaaroo ra.

Matiyu 5:48

War, war ma tee boroyaŋ kaŋ tee ka timme sanda takaa kaŋ nda war Baabaa Irkoy kaŋ goo beenaa ra ga timme.»

Teegoyey 9:15

Amma ir Koyoo nee a se: «Koy, zama woo din, jinay suubante no ya ne kaŋ gʼay maaɲoo ka koy gandawey, nda kokoyey, nda Izirayel borey mo jine.

Rom borey batagaa 8:39

wala beene hayey, wala laboo cire hayey, wala takahaya kul si hin kʼir fay kʼir kaa Irkoy bajoo ga kaŋ a nʼa cebe ir se Isa Almasihu ir Koyoo bande.

Korent borey bataga 1na 13:10

Amma waati kaŋ woo kaŋ ga timme kaa, woo kaŋ ti jere ga kaa ka ben.

Korent borey bataga 1na 13:12

Sohõ diji nda ir ga dii, a si kaaray, amma ir ga kaa ka dii moo nda moo. Sohõ ay bayraa manʼti kala jere, amma ay bayraa ga kaa ka timme sanda takaa kaŋ nda Irkoy gʼay bay.

Korent borey bataga 1na 9:24

War nka si bay kaŋ borey kaŋ ga zuru ganganoo ra, i kul no ma zuru, amma boro folloku no ma duu konkošaa gomnoo? Wa zuru taka kaŋ ra war ma duu a.

Korent borey bataga 2to 13:9

Waati kaŋ ir sii nda gaabi, amma war goo nda gaabi, ir ga ɲaali, koyne mo ir ga ŋaaray war ma tee boro timmanteyaŋ.

Korent borey bataga 2to 7:1

Ay baakey, allaahidey wey kaŋ ir duu ey maaganda se, ir mʼir boŋ henanandi ka kaaray ka hun gaaham nda hundi žiibi dumi kul ga. Ir ma henanyan timmante tee Irkoy hunburaa ra.

Galati borey batagaa 5:17

Zama hayey kaŋ boro hundi-ibaayoo gʼi boonay si kan Irkoy Hundoo se, takaa din da hayey kaŋ ga kan Irkoy Hundoo se si kan hundi-ibaayi se. Haya hinkaa woo si cere zaa, taka kaŋ ra war masi duu ka hayey tee kaŋ war ga baa war mʼi tee.

Efez borey batagaa 1:4

Irkoy nʼir suuba Almasihu albarkaa ra za aduɲɲa mana daara, hala ir ma tee Irkoy boro henananteyaŋ nda boroyaŋ kaŋ ga laybu sii nga jine nga bajoo ra.

Efez borey batagaa 4:12

hala Irkoy boro henanantey ma soolu nga goyoo teeyanoo se ka Almasihu gaahamoo cin kʼa kayandi,

Filipi borey batagaa 1:1

Agay Pol nda Timote kaŋ ti Almasihu Isa tamey ka batagaa woo sanba Irkoy boro henanantey kul se kaŋ goo Almasihu Isa bande nda Egilizoo jinehuney nda goykey se kaŋ goo Filipi koyraa ra.

Filipi borey batagaa 3:16

Haya kul kaŋ ga no, nongoo kaŋ ga ir too, takaa woo da, ir ma koy nda jine.

Filipi borey batagaa 3:3

zama ir ti hurubanguyan cimoo, ir kaŋ ga Irkoy gana nga Hundoo albarkaa ra, ka bolsay nda Almasihu Isa, ir si felle gaaham ga.

Filipi borey batagaa 3:8

Cimi no, ay ga hayey kul mo guna sanda mursay Almasihu Isa, ay Koyoo bayraa nafaw beeroo maaganda se. Nga kaŋ maaganda se ay ga hayey kul guna sanda mursay, ay gʼi guna sanda žiibi hala ya duu ka duu Almasihu.

Tesalonik borey bataga 1na 5:15

Wa hawgay boro kul masi ifutu ka ifutu bana. Wa ceeci waati kul ka ihenna tee cere se nda borey kul se.

Tesalonik borey bataga 2to 2:13

Ir armey, ir Koyoo baakey, ir, ir ga hima waati kul ka albarka daŋ Irkoy se war sabbu se, zama Irkoy nka war suuba hallasiyan se za šintinoo ga nga Hundoo henanyanoo nda cimoo naanayyanoo albarkaa ra.

Timote bataga 1na 5:10

A ma bara nda seedetaray nga teegoy henney maaganda se, a na zankayaŋ biiri, a na yaw zumandi, a na Irkoy boro henanantey cewey ɲumay, a na borey kaŋ ga zarabi faaba, a na teegoy henna dumi kul tee.

Timote bataga 1na 6:19

Woo ra i ga asaasu henna tee suba se ka duu hunayan cimoo.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Eberewey batagaa 12:23

nda gunde jinayaŋ margaroo kaŋyaŋ hantumandi beenaa ra, nda Irkoy kaŋ ti borey kul ciitikaa, nda boro šerrantey hundey kaŋ Irkoy nʼi tee boro timmanteyaŋ.

Eberewey batagaa 13:21

ma war tee timmanteyaŋ ka teegoy henna dumi kul tee nga ibaayoo se. A ma haya tee ir ra kaŋ ga kan a se Isa Almasihu albarkaa ra kaŋ darža ma bara a ga abada [hala abada]! Amin.

Žak batagaa 3:2

zama cee booboyaŋ ir kul ga kaŋ. Boro kaŋ si dere nga šennoo ra manʼti kala boro kaŋ tee ka timme. A goo nda mo nga gaahamoo kul se hini.

Piyer bataga 1na 5:10

Irkoy kaŋ ti Anneema-kul-koyoo kaŋ na war cee war ma huru nga darža abadantaa ra Isa Almasihu albarkaa ra, waati kaŋ war zarabi haya kayna, a ga war tee boro tabatanteyaŋ ka war noo hini, ka war noo gaabi, ka war daŋ asaasu boŋ kaŋ si kaŋ.

Piyer bataga 2to 3:18

Amma wa koy jine ir Koyoo nda ir Hallasikaa Isa Almasihu anneemaa nda nga bayyanoo ra. Darža ma bara a ga sohõ da hala abada-abada. [Amin.]