Filipi borey batagaa 3:11 - Songhai de Gao Bible

¹¹ hala ya hin ka tun bukawey ra taka kul kaŋ no ga.

Filipi borey batagaa 3:11 ပူးပေါင်းရင်းမြစ်များ

Zaburey 49:7

Ngi kabehayey ra i ga ngi naanaa daŋ ka fooma nda ngi alman beeroo.

Luka 14:14

Woo ra nʼga duu gomni, zama i sii nda a kʼa yeeti ni ga. Irkoy gʼa yeeti ma ne hanoo hane kaŋ boro šerrantey ga tun.»

Yehiya 11:24

Mart nee a se: «Ay ga bay kaŋ a ga tun zaari koraa tunyanoo hane.»

Teegoyey 23:6

Pol ga bay kaŋ margaroo jere foo ti Sadusiyeŋyaŋ, amma jere faa ti Fariziyeŋyaŋ. A kaati hoyraykey margaroo game ka nee: «Arma arey, Fariziyeŋ ti agay, Fariziyeŋ kʼay hay. Boraa kaŋ ga Izirayel ga naata nda bukawey tunyanoo maaganda se [agay], ay goo ma ciitandi.»

Teegoyey 26:7

Ir alkabiila woy cindi hinkaa (12) ga naata kaŋ allaahidoo ga tabati. I ga gaabandi Irkoy ganayan ra cijin nda zaari. Kokoyoo, naataa woo maaganda se Alyahuudey goo mʼay torce.

Teegoyey 27:12

Kaŋ hii kaydogoo din si boori jiyaw waati, borey jere beeroo nee kaŋ ngi ma koy jine, nda a ga hin ka tee ngi ma too Feniks kaŋ ti Kret hii kaydoo foo kaŋ goo hawsa nda dangay tenje, nda gurma nda dangay, hala ngi ma jiyaa tee no din.

Rom borey batagaa 11:14

hala ya duu taka kʼay dumoo borey tuti i ma canse hala boroyaŋ i ra ma hallasi.

Korent borey bataga 1na 15:23

Boro foo kul nda nga waatoo: Almasihu ti boro jinaa, nga banda ga, borey kaŋ ti Almasihu wane nga kaayanoo ga.

Korent borey bataga 1na 9:22

Yalaafantey bande, ay tee yalaafante hala ya duu ka duu yalaafantey. Ay nʼay boŋ tee haya kul borey kul se hala taka kul kaŋ no ya boroyaŋ hallasi.

Korent borey bataga 1na 9:27

Ay gʼay gaahamoo šiita kʼa daŋ ay cire, zama ay ga hunbur agay kaŋ na borey waazu, Irkoy masi koy agay hunday gaaray.

Korent borey bataga 2to 11:3

Amma ay ga hunbur, sanda takaa kaŋ nda gondoo na nga carmaa ka Haawa darga, takaa din da war lakkaley masi koy bere ka laadirtaray [nda henanyan] naŋ kaŋ Almasihu ga hima nda a.

Tesalonik borey bataga 1na 3:5

Woo maaganda se kaŋ agay mo, ay mana hin ka batu koyne, ay na Timote sanba ka duu war naanaa alhabar. Ay hunbur siiyakaa masi koy war sii, ir goyoo masi koy tee yaada.

Tesalonik borey bataga 2to 2:3

War masi naŋ boro kul ma war darga taka kul ra, zama hanoo din si kaa kala naanaa yankaryanoo ma tee jina, boraa kaŋ ti goy futu teekaa ma bangandi, maanaa halacintaa.

Timote bataga 2to 4:8

Za sohõ da šerretaray fuulaa jisandi ya ne kaŋ ir Koyoo, ciitikaw šerrantaa gʼa noo ya ne nga hanoo hane. Manʼti agay hinne se, a gʼa noo borey kul se kaŋ ga baa nga bangayyanoo.

Eberewey batagaa 11:35

Woyyaŋ kaŋ borey buu, borey tun ka nondi i se, affooyaŋ gurzugay, zama i mana yadda ka Irkoy yankar hala i ma ngi feeri, amma i baa ngi ma duu tunyan henna.

Bangandiroo 20:5

Bukawey jerey si huna koyne kala waati kaŋ jiiri zenber faa (1.000) timme. Woo ti tunyan jinaa.