Filipi borey batagaa 2:3 - Songhai de Gao Bible

³ War masi haya kul tee nda alhaasiditaray, wala nda foomataray, amma boŋ-yeeti-gandayan ma kate war affoo kul ma nga ceroo guna sanda boro kaŋ bisa nga.

Filipi borey batagaa 2:3 ပူးပေါင်းရင်းမြစ်များ

Yaasawey 13:10

Bolsay si kate haya kul kala yenje, lakkal sii kala borey bande kaŋ ga maa hoyray.

Luka 18:14

Ay gʼa har war se kaŋ boraa woo zunbu ka koy nga hugoo do, a tee boro šerrante. Zama boro kul kaŋ na nga boŋ jer ga yee ganda, de boro kaŋ na nga boŋ yeeti ganda ga jerandi.»

Rom borey batagaa 12:10

Haya kaŋ ti armataray baji, war ma too nda baji cere se. Haya kaŋ ti boro beerandiyan, war ma tee boro jinaa kaŋ ga nga ceroo beerandi.

Rom borey batagaa 13:13

Ir ma dira beeray ra, sanda zaari here, ir masi ŋaa-ka-hoo, ka suu, ka woy nda aru izefututaray tee, ir masi haya futu boonay, ir masi yenje, ir masi canse.

Rom borey batagaa 2:8

Amma borey kaŋ ga alhaasiday, i ga wanji cimoo ga, i ga yadda šerretaray jaŋay ga, futay nda binetunay beeri ga duu ey.

Korent borey bataga 1na 15:9

Zama agay ti diyawey ikaccaa, agay kaŋ si hima ka ciyandi diyaw, zama ay na Irkoy Egilizoo gurzugay.

Korent borey bataga 1na 3:3

zama war manʼti kala aduɲɲa izeyaŋ. Canseyan nda yenje kaŋ goo war game si cebe kaŋ aduɲɲa izeyaŋ ti war wala? Manʼti adamizey takaa nda war ga dira wala?

Korent borey bataga 2to 12:20

Ay ga hunbur waati kaŋ ay kaa ya si war gar taka kaŋ ga kan ya ne ga, de mo war mo masʼay gar taka kaŋ ga kan war se ga. Ay ga hunbur ya yenjeyaŋ gar war game, nda canseyaŋ, nda binetunyaŋ, nda alhaasiditarayyaŋ, nda cere maahasaraw, nda miimandayaŋ, nda bolsay, nda taka šiirayaŋ.

Galati borey batagaa 5:15

Amma nda war ga cere ɲama ka cere ŋaa, war ma hawgay war masi koy cere halaci.

Galati borey batagaa 5:26

Ir masi tee foomanteyaŋ ka cere ceeci, ka canse cere ga.

Efez borey batagaa 4:2

nda boŋ-yeeti-gandayan, nda bineyaynay, nda suuri, war ma cere muɲe nda baji.

Efez borey batagaa 5:21

Wa yee cere cire Almasihu beerandiyan maaganda se.

Filipi borey batagaa 2:14

Haya kul kaŋ war gʼa tee wʼa tee bila ŋuunuŋuunu bila kakaw.

Kolos borey batagaa 3:12

War kaŋ ti Irkoy boro suubantey, nga boro henanantey, nga baakey, war ma tamallay, nda borohennataray, nda boŋ-yeeti-gandayan, nda bineyaynay, nda suuri daŋ war ga sanda darbay.

Kolos borey batagaa 3:8

Amma sohõ war mo ma hayey wey kul naŋ kaŋ ti: futay, nda binetunay, nda laalay, nda wowi, nda šenni haawinte kaŋ ga hun war miɲey ra.

Timote bataga 1na 6:4

boraa too nda bolsay, a si haya kul bay. Kakaw nda šenni cendiyan wirci bara a ga kaŋ ra canseyan, nda yenje, nda wowyaney, nda tuume futawey ga hun,

Piyer bataga 1na 3:8

Woo kul banda ga, war kul ma tee miile foo, war ma hinna, war ma baa cere sanda armayaŋ, war ma tamalla, war ma war boŋ yeeti ganda.

Piyer bataga 1na 5:5

Takaa din da, war mo soogey, wa yee ganda boro beerey se. War nda cere, war kul ma boŋ-yeeti-gandayan tee sanda darbay, zama Citaaboo nee: «Irkoy ga binebeerey gandu, amma a ga alhormo tee borey se kaŋ ga ngi boŋ yeeti ganda.»