Filipi borey batagaa 1:9 - Songhai de Gao Bible

⁹ Hayaa kaŋ ay gʼa ŋaaray Irkoy ga manʼti kala war bajoo ma tonton, a ma hanse ka tonton ka koy bayray nda fahamay here,

Filipi borey batagaa 1:9 ပူးပေါင်းရင်းမြစ်များ

Ayuba 17:9

Boro laadirantaa ga durkutu ka cindi nga fondaa ga, boro kabe henanantey gaaboo ga tonton.

Zaburey 119:66

Lakkal henna nda bayray cawandi ya ne, zama ay nʼay naanaa daŋ ni yaamarey ra.

Yaasawey 4:18

Boro šerrantey fondaa ga hima nda alfazar gaayoo kaŋ mma koy de a ga tonton ka nere hala zaaroo ra.

Korent borey bataga 1na 14:20

Agʼarmey, war masi miile sanda zankayaŋ, ifutu here wa tee zankayaŋ, amma miileyan here wa tee boroyaŋ kaŋ tee ka timme.

Korent borey bataga 2to 8:7

War duu haya nongoo kul here: naanay ra, šenni ra, bayray ra, gaabandiyan kul here, nda bajoo kaŋ ir na war tuti war mʼa tee, war ma tee mo kabedoona faabaroo woo ra.

Efez borey batagaa 5:17

War masi tee boroyaŋ kaŋ sii nda lakkal, war ma hayaa bay kaŋ ti ir Koyoo ibaayoo.

Kolos borey batagaa 1:9

Woo maaganda se ir mo, za hanoo kaŋ ir maarʼa, ir mana fay nda ka Irkoy ŋaaray, ka ŋaaray war ma too met nda nga ibaayoo bayraa, war ma too nda lakkal kul nda fahamay kaŋ hun Irkoy Hundoo ra.

Kolos borey batagaa 3:10

ka attabiya taagaa kaŋ ti ihennaa daŋ war ga ka bere ka taaga ka duu bayray ka hima nda Irkoy kaŋ na attabiya taagaa tee.

Tesalonik borey bataga 1na 3:12

Ir Koyoo ma tonton, a ma hanse ka tonton bajoo ga kaŋ war gʼa tee cere se nda borey kul se, sanda takaa kaŋ nda ir ga baa war.

Tesalonik borey bataga 1na 4:1

Aywa ir armey, takaa kaŋ nda war ga hima ka dira hala war ma duu ka kan Irkoy se, ir nʼa cawandi war se. Nda cimi, takaa din da nda war ga dira. Ir gʼa wiri war ga, ir ga war hoyray ir Koyoo Isa maaɲoo ra war ma koy jine a ra.

Tesalonik borey bataga 2to 1:3

Ir armey, ir ga hima waati kul ka albarka daŋ Irkoy se war maaganda se. A ga hima, zama war naanaa ga hanse ka tonton, nda mo war affoo kul bajoo ga tonton cere se.

Filemoŋ batagaa 1:6

Ay ga Irkoy ŋaaray naanaa kaŋ ra ir nda ni ga marga ma koy nda jine ka tonton, hala ma gomnoo kul bay kaŋ ir duu a Almasihu ra.

Eberewey batagaa 5:14

Amma ŋaayan šendaa manʼti kala borey kaŋ nin wane, borey kaŋ lakkaley ga hin ka ihenna nda ilaala kaa cere ra, zama i doona a.

Piyer bataga 1na 1:22

War na war hundey henanandi nda cimoo haŋajeryanoo ka armataray baji tee kaŋ ra almunafikitaray sii. War ma baa cere nda soobay nda bine [kaaray].

Piyer bataga 2to 3:18

Amma wa koy jine ir Koyoo nda ir Hallasikaa Isa Almasihu anneemaa nda nga bayyanoo ra. Darža ma bara a ga sohõ da hala abada-abada. [Amin.]