Fattaroo 9:29 - Songhai de Gao Bible

²⁹ Musa nee a se: «Waati kaŋ ay fatta koyraa ra, ay gʼay kabey jer Abadantaa here, jiŋjiŋyaney ga ben, garey si yee ka kaŋ hala ma bay kaŋ laboo manʼti kala Abadantaa wane.

Fattaroo 9:29 ပူးပေါင်းရင်းမြစ်များ

Kokoyey 1na 8:22

Sulaymaana kay Abadantaa sargari tonadogoo jine ka Izirayel margaroo kul tenje. A na nga kabey jer beenaa here,

Kokoyey 1na 8:38

nda ni jamaa Izirayel boro foo wala ni jamaa kul binoo hanse ka maray, nda a na ni ŋaaray ka ni suurandi, nda a na nga kabey jer hugoo woo here ka ni ŋaaray,

Ezra 9:5

Almaaroo sargaroo hunyanoo ga, ay tun nda ay binemaraa, agay nda ay darbaa nda ay burmusu kottey, ay nʼay kanjey sonbu, ay nʼay kabey šerre Abadantaa, ay Koyoo here.

Ayuba 11:13

Ni, nda nʼna ni binoo šerrandi ka ni kabey šerre a here,

Zaburey 135:6

Haya kul kaŋ kan Abadantaa se, a gʼa tee beenaa ra nda laboo ga, teekowey ra nda guusu beerey kul ra.

Zaburey 143:6

Ay gʼay kabey šerre ni here, ay goo ni jine sanda labu koga. Kay-kayna

Zaburey 50:12

Nda a gar ya mma heray, ay sʼa har ma ne, zama aduɲɲa ti agay wane, nga nda haya kul kaŋ goo a ra.

Fattaroo 19:5

Sohõ, nda war haŋajer ay šennoo se ka boori, war na agay amaanaa dii, war ga tee agay hunday bagaa jamawey kul ra, zama agay wane nda laboo kul.

Fattaroo 20:11

Zama jirbi iddu ra Abadantaa na beenaa, nda laboo, nda teekoo nda haya kul kaŋ goo i ra tee. Amma jirbi iyyantoo hane a hunanzam. Woo se Abadantaa na albarka daŋ hunanzamzaaroo ra, a nʼa yeeti jere ga.

Fattaroo 8:22

Musa nee: «A si hima ir ma woo tee, zama sargaroo kaŋ ir gʼa kaa Abadantaa, ir Koyoo maaɲoo ga manʼti kala almuhal Misira borey se. Nga ne, nda ir ga haya kaa sargari kaŋ ti almuhal Misira borey se, i sʼir warra nda tondi kʼir wii wala?

Fattaroo 8:6

A nee: «Suba.» Musa nee: «Woo kaŋ nʼnʼa har ga tee hala ma bay kaŋ Abadantaa, ir Koyoo cine sii.

Fattaroo 9:33

Musa fatta Firawuuna do, a fatta koyraa ra, a na nga kabey jer Abadantaa here, jiŋjiŋyaney nda garey kay. Ncirɲoo mana yee ka doo laboo ga.

Korent borey bataga 1na 10:26

zama «laboo nda haya kul kaŋ goo a boŋ manʼti kala ir Koyoo wane».

Korent borey bataga 1na 10:28

Amma nda boro nee war se: «Hamoo woo nka sargandi toorey maaɲey ga», war masʼa ŋaa, boraa kaŋ na war bayrandi maaganda se, binoo masi koy a gurzugay.

Alhukumoo 10:14

Nga ne, Abadantaa, ni Koyoo wane nda beenawey nda ngi beeriyanoo kul, nda gandaa nda haya kul kaŋ goo a ra.