Fattaroo 9:23 - Songhai de Gao Bible

²³ Musa na nga goboo šerre beenaa here, Abadantaa na jiŋjiŋyaŋ nda gari sanba, nuune zunbu laboo ga. Abadantaa na gari sanba Misira gandaa ra.

Fattaroo 9:23 ပူးပေါင်းရင်းမြစ်များ

Šintinoo 19:24

Abadantaa na ganjibaali nda nuune tee ncirɲi kʼa zumandi Sodom nda Gomor boŋ. Hayaa woo mana hun kala Abadantaa do beenaa ra.

Ayuba 37:13

A ga hima nda gobu nda a ga laboo kar, wala mo nga borohennataraa no a gʼa cebe i se.

Zaburey 147:17

A ga nga galašoo tee kunturu-izeyaŋ kʼi warra, may no ma hin ka kay nga yaynoo jine?

Zaburey 148:8

nda nuune, nda gari, nda neeži, nda duula zunbante, nda hew beeri kaŋ ga nga yaamaroo tee,

Zaburey 18:13

Gaay ga dii a jine kaŋ ra duulayaŋ ga hun, nda gari nda denji cirayyaŋ.

Zaburey 29:3

Abadantaa jindoo goo harey boŋ, Koy daržantaa ga jiŋjiŋ, Abadantaa goo hari beerey boŋ.

Zaburey 77:18

Duulawey na hari doori, beenaa hirroo na jinde kaataray, ni biraw-izey deeši nongoo kul here.

Fattaroo 19:16

Jirbi hinzantoo hane, kaŋ moo boo, jiŋjiŋyaŋ, nda meliyaŋ, nda duula kubayante goo tondi hondoo boŋ, hilli jinde beeri hẽe. Alžamaa kul kaŋ goo jamaa kaloo ra jijiri.

Fattaroo 20:18

Jamaa kul maa jiŋjiŋyanoo, i dii nuune deeney, i maa hilloo jindoo, i dii tondi hondoo kaŋ ga dullu. Kaŋ jamaa dii wey, i jijiri, i kay nongu mooro ra.

Fattaroo 9:18

Nga ne, suba dimmaa woo da cine ga, ay ga gari laalayaŋ doori kaŋ cine mana bay ka tee Misira gandaa ra za a gorandi hala hõ.”

Fattaroo 9:24

Gari doo kaŋ nuune goo a bande kaŋ laalayanoo cine mana bay ka tee Misira gandaa kul ra za a tee ganda.

Žozuwe 10:11

Kaŋ i ga zuru Izirayel se, Bet-Horoŋ nongoo kaŋ goo ganda ra, Abadantaa na gari kaŋ ga hima nda tondi beeriyaŋ warra i boŋ kaŋ hun beenaa ra hala Azeka, i buu. Borey kaŋ gari tondey nʼi wii bisa wey kaŋ Izirayel borey nʼi wii nda takuba.

Bangandiroo 16:18

Meliyaŋ, nda jindeyaŋ, nda jiŋjiŋyaŋ teendi. Labu jijiri beeri tee. Labu jijiroo kaŋ teendi laalayanoo nda beeriyanoo cine mana bay ka tee za adamize kaa laboo ga.

Bangandiroo 16:21

Gari beeriyaŋ kaŋ affoo kul ga too kilo woytaaci cindi guu (45) cine tiŋyan hun beenaa ra ka kaŋ adamizey boŋ, adamizey ga Irkoy wow garey bonaa se, zama bonaa ga hanse ka beeri.

Bangandiroo 8:7

Ijinaa na laati beeroo kar. Gari nda nuune kaŋ ga birji kuri ra warrandi laboo ga, laboo zamna hinzaa affoo ton, tuurey hinnaa zamna hinzaa affoo ton, subu firzoo kul ton.