Fattaroo 8:6 - Songhai de Gao Bible

⁶ A nee: «Suba.» Musa nee: «Woo kaŋ nʼnʼa har ga tee hala ma bay kaŋ Abadantaa, ir Koyoo cine sii.

Fattaroo 8:6 ပူးပေါင်းရင်းမြစ်များ

Samiyel 2to 7:22

Nʼga beeri, ay Koyoo, Abadantaa. Ni cine sii no, woo kul kaŋ ir haŋawey maarʼa banda ga, koy sii no kala ni.

Taarikey 2to 6:14

a nee: «Ya Abadantaa, Izirayel Koyoo, koy kul sii no sanda ni cine beenaa ra wala laboo ga. Ni tamey kaŋ ga ni fondaa gana nda ngi binoo kul, nʼga amaanaa too kaŋ goo ni nda ey game ka borohennataray tee i se.

Zaburey 105:30

Ngi gandaa too met nda kormoto hala ngi kokoyey hugu-izey gundey ra.

Zaburey 78:45

A na hamniyaŋ sanba i ga kʼi ɲama nda kormotoyaŋ kaŋ nʼi halaci.

Zaburey 86:8

Ay Koyoo, koyey ra, ni cine koy sii no, ni teegoyey cine sii no.

Zaburey 90:2

Za tondi hondey mana daŋandi aduɲɲa ra, za laboo nda aduɲɲa mana bangay, za alwaatey kul ra hala abada ni ti Irkoy.

Fattaroo 10:2

hala ma duu ka deede ni izey nda ni izey izey se takaa kaŋ nda ay na Misira borey bere-bere nda takaa kaŋ nda ay nʼay tammaasawey daŋ i jine. Nga ra war ga bay kaŋ agay ti Abadantaa.»

Fattaroo 15:11

Koyey ra, may ti ni cine koy, Abadantaa? May no ma too ni henanyan ra? May ka si hunbur ni? May no ma too ni beeray ra? May no ma too ni kayfi teeyan ra?

Fattaroo 7:19

Abadantaa nee Musa se: «Nee Haruna se: ‹Ni goboo zaa kʼa šerre Misira harey ga, isawey ga, nda isa kabey ga, nda hari kaydogey ga, nda hari margadogey ga. I ga bere ka tee kuri, Misira gandaa kul ga tee kuri, ba haroo kaŋ goo bundu tuwey nda tondi tuwey ra ga bere ka tee kuri.›»

Fattaroo 9:14

Hiino ay gʼay albalaawey kul sanba ni, nda ni borey, nda ni jamaa ga hala ma bay kaŋ ay cine sii laboo kul ga.

Fattaroo 9:29

Musa nee a se: «Waati kaŋ ay fatta koyraa ra, ay gʼay kabey jer Abadantaa here, jiŋjiŋyaney ga ben, garey si yee ka kaŋ hala ma bay kaŋ laboo manʼti kala Abadantaa wane.

Sargarey 11:12

Haya kul kaŋ goo haroo ra kaŋ sii nda ziihaya nda kokoši ga tee war se haya wangante.

Alhukumoo 32:31

Zama ngi tondoo manʼti ir wanoo dumoo, ba ir iberey ga tee woo se seede.

Alhukumoo 33:26

«Ya Yešurun, boro kul si hima nda Irkoy. A ga zunbu ka hun beenaa ra duula ga ka kaa ka ni faaba nga daržaa ra.

Alhukumoo 4:35

Ni, i na hayey kaarandi ma ne, hala ma duu ka bay kaŋ Abadantaa hinne ti Koy, koy foo sii no kala nga.

Bangandiroo 16:13

Ay dii ganji hinza kaŋ ma nee nbala kaŋ ga hun ganjihoogaa kaŋ se i ga nee dragoŋ, nda adabbaa, nda taari annaboo miɲoo ra.