Fattaroo 6:14 - Songhai de Gao Bible

¹⁴ Izirayel borey hugu boŋey maayaŋ ne: Rubeŋ ti Izirayel ize jinaa, nga izʼarey maaɲey ti: Hanok, nda Palu, nda Hesroŋ, nda Karmi. Wey ti Rubeŋ alaayan beerey kaagey.

Fattaroo 6:14 ပူးပေါင်းရင်းမြစ်များ

Šintinoo 46:11

Lewi izʼarey ti: Geršoŋ, nda Kehat, nda Merari.

Šintinoo 46:9

Rubeŋ izʼarey ti: Hanok, nda Palu, nda Hesroŋ, nda Karmi.

Taarikey 1na 5:24

Ngi hugu boŋey ti: Efer, nda Yiši, nda Eliyel, nda Azriyel, nda Žeremi, nda Hodawiya, nda Yadiyel. I kul manʼti kala wongaariyaŋ kaŋyaŋ duu maa. Hugu boŋyaŋ no.

Taarikey 1na 5:3

Izirayel izʼaru jinaa Rubeŋ izʼarey ti: Hanok, nda Palu, nda Hesroŋ, nda Karmi.

Taarikey 1na 7:2

Tola izʼarey ti: Uzi, nda Refaya, nda Yeriyel, nda Yamay, nda Yibsam, nda Šemuwel. Arey wey ti Tola hugu boŋey. Dawda waatoo ra, Tola hayroo hinnaa manʼti kala aru zenber waranka cindi hinka nda zangu iddu (22.600), wongaariyaŋ no.

Taarikey 1na 7:7

Bela mana duu kala izʼaru guu kaŋ ti Esboŋ, nda Uzi, nda Uziyel, nda Yerimot, nda Iri. Hugu boŋyaŋ no. Ngi mo manʼti kala wongaariyaŋ. Waatoo kaŋ i kabandi ka hantumandi, i tee aru zenber waranka cindi hinka nda waranza cindi taaci (22.034).

Taarikey 1na 8:6

Ehud hayroo ti woo, ngi ti Geba koyraa borey hugu boŋey. I nʼi dii ka koy nda ey Mahanat koyraa ra.

Fattaroo 6:13

Abadantaa šelaŋ Musa nda Haruna se, a nʼi noo yaamaryaŋ Izirayel borey nda Firawuuna, Misira kokoyoo se, hala a ma Izirayel borey naŋ i ma fatta Misira gandaa ra.

Fattaroo 6:25

Eleyazar, Haruna izʼaroo hiija Putiyel ize woy foo. A duu a se Pinehas. Wey ti Lewi hugey borey hugu boŋey ka sawa nda ngi alaayan beerey kaagey.

Kabuyaney 1:18

Handu hinkantoo zaari jinaa i na jamaa kul marga. I na borey kabu alaayan beeri ka koy alaayan beeri, hugu ka koy hugu. Arey kaŋ goo nda jiiri waranka (20) nda ka žigi, i na maaɲey hantum affoo-foo.

Kabuyaney 26:12

Simewoŋ hayroo, alaayan beeri ka koy alaayan beeri ti: Nemuwel, nga ga Nemuwel borey alaayan beeroo hun. Yamin, nga ga Yamin borey alaayan beeroo hun. Yakin, nga ga Yakin borey alaayan beeroo hun.

Žozuwe 13:15

Musa na Rubeŋ borey alkabiilaa noo baa ka sawa nda ngi alaayan beerey.

Žozuwe 13:23

Rubeŋ borey hirroo manʼti kala Žurdeŋ isaa nda nga guraa se dangay. Koyrawey nda koyra kanbey kaŋ goo Rubeŋ mayray ra, ngi ti Rubeŋ borey tuboo, alaayan beeri ka koy alaayan beeri duu nga bagaa.

Žozuwe 14:1

Tuboo ne kaŋ Izirayel borey duu a Kanaŋ gandaa ra, tuboo kaŋ sargari juwalkaa Eleyazar nda Žozuwe, Nun izʼaroo, nda alkabiilawey hugu boŋey nʼi zamna Izirayel borey game.

Žozuwe 19:51

Wey ti tubey kaŋ sargari juwalkaa Eleyazar, nda Žozuwe, Nun izʼaroo, nda hugu boŋey nʼi zamna nda alkurra Abadantaa jine Silo, cere kubayyan hukkumoo miɲoo ga ka sawa nda Izirayel borey alkabiilawey. Takaa woo nda i na gandaa zamnaroo benandi.