Fattaroo 34:6 - Songhai de Gao Bible

⁶ Abadantaa bisa Musa jine, a nee: «Abadantaa, Abadantaa, Irkoy tamallakoyoo kaŋ ga alhormo tee, kaŋ si cahã ka futu, kaŋ ga too met nda borohennataray nda laadirtaray,

Fattaroo 34:6 ပူးပေါင်းရင်းမြစ်များ

Šintinoo 24:27

de a nee: «Albarka ma bara Abadantaa se, ay koyoo Ibirahima Koyoo, nga kaŋ mana nga alhormo naanayantaa kaa ay koyoo bande! Abadantaa nʼay gongu hala ay koyoo armey hugoo ra.»

Samiyel 2to 24:14

Dawda na Gad zaabi ka nee: «Ay goo binemarayyan beeri ra. He, ay ga wiri ni ga, ir ma kaŋ Abadantaa kaboo ra, zama nga tamallawey ga beeri. Amma ya si kaŋ adamizey kabey ra.»

Kokoyey 1na 19:11

Abadantaa nee: «Fatta ka kay tondi hondoo boŋ agay, Abadantaa jine.» Abadantaa kaa ka bisa. Hew beeri gaabikoyni tun ka tondi hondey waaru, ka tondey kayri-kayri Abadantaa jine. Amma Abadantaa sii hewoo ra. Hewoo banda ga, laboo jijiri, amma Abadantaa sii labu jijiroo ra.

Kokoyey 1na 8:30

Haŋajer ni tamoo suurandiyanoo se nda ni jamaa Izirayel suurandiyanoo se waati kaŋ i bere nongoo woo here ka ni ŋaaray. Haŋajer ir se beenaa ra kaŋ ti ni gorodogoo, haŋajer ir se, ma yaafa ir se.

Taarikey 2to 30:9

Nda war yee kate Abadantaa ga, borey kaŋ na war armey nda war izey dii ka koy baɲɲataray ga tamalla i se, de i ga kaa ka willi kate gandaa woo ra, zama Abadantaa, war Koyoo ti anneemakoyoo kaŋ ga alhormo tee, nda war yee kate a ga, a si wanji war se.»

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Zaburey 108:4

Abadantaa, ay ga albarka daŋ ma ne jamawey ra, ay ga don ma ne gandawey ra.

Zaburey 111:4

A na taka tee borey ma hongu nga kayfey, Abadantaa ga alhormo tee, a ga tamalla.

Zaburey 111:8

waati kul, abada i si tun, i teendi nda laadirtaray nda šerretaray.

Zaburey 112:4

Gaay ga fatta kubaa ra boro šerrantey se kaŋyaŋ ga alhormo tee, i ga tamalla, i ga šerre.

Zaburey 116:5

Abadantaa ga hinna, a ga šerre, ir Koyoo ga tamalla.

Zaburey 138:2

Ay ga sujudu ni hugu henanantaa here ka ni maaɲoo šifa ni borohennataraa nda ni laadirtaraa maaganda, zama nʼna ni šennoo beerandi ka bisa ni maaɲoo kul.

Zaburey 145:8

Abadantaa ga hinna, a ga tamalla, a si cahã ka futu, nga borohennataraa ga beeri.

Zaburey 146:6

Nga kaŋ na beenaa nda laboo tee, nda teekoo nda haya kul kaŋ goo a ra, nga kaŋ ga laadir hala abada.

Zaburey 31:19

Yala taariharkey ma benbaw, i ga šelaŋ ka boro šerrantaa kaynandi, nda meebeeray nda kaynandiyan!

Zaburey 57:10

Ay Koyoo, ay ga albarka daŋ ma ne jamawey ra, ay ga don ma ne gandawey ra.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 86:5

Zama ni, ay Koyoo, nʼga boori, nʼga yaafa, nʼga borohennataray beeri tee borey kul se kaŋ ga ni cee.

Zaburey 91:4

A ga ni gum nda nga fatawey hinbirey, nʼga duu nongoo kaŋ ra nʼga tugu nga fatawey cire, nga laadirtaraa manʼti kala koray beeri nda guuru darbay.

Fattaroo 20:5

Masi sujudu koyey wey se, masʼi gana, zama agay, Abadantaa, ni Koyoo manʼti kala Koy kaŋ ga canse ma ne, ka baaba kaŋ konna agay layboo ka hanga hala nga izey alwadda hinzantoo ka koy itaacantoo ga.

Fattaroo 22:27

Masi Irkoy kaynandi. Boŋkoyni kaŋ goo ni jamaa ra, masʼa danga.

Fattaroo 33:19

Abadantaa nee Musa se: «Ay gʼay borohennataraa kul bisandi ni jine, ay ga Abadantaa maaɲoo cee ni jine. Ay ga alhormo tee boro kaŋ se ay baa ya alhormo tee, ay ga tamalla boro kaŋ se ay baa ya tamalla.»

Yaasawey 3:3

Masi borohennataray nda laadirtaray naŋ, i haw ni jindoo ga, i hantum ni binoo walhaa ga.

Waazukaa 8:11

Ciiti kaŋ dunbandi goy futu ga, de nga zukandoo mana kaŋ tanba, ga kate adamize binoo ga too met nda goy futu teeyan alhawaa.

Yunusa 4:2

A nee Abadantaa se: «Nhuu, ay Koyoo, ay na woo hongu za ay goo ay gandaa ra, nga se ay zuru ka koy hala Tarsis koyraa ra. Zama ay bay kaŋ Koy ti ni kaŋ ga alhormo tee, nʼga tamalla, nʼsi cahã ka futu. Ni cine sii gomni teekey ra, de nʼga tun ni zukandey boŋ.

Kabuyaney 12:8

Ay ga šelaŋ a se mee nda mee, bangayyan ra, ay si šenni daabu a se. A ga dii Abadantaa azzaatoo. Adiši macin se war mana hunbur ka šelaŋ Musa ga, ay tamoo ga?»

Yehiya 1:17

Zama Musa bande ašariyaa kaa, Isa Almasihu bande anneemaa nda cimoo kaa.

Rom borey batagaa 2:4

Ni mma Irkoy borohennataraa beeriyanoo, nda nga suuroo, nda nga batuyan kukoo kaynandi wala? Nʼsi bay kaŋ Irkoy borohennataraa mma ni tuti ma tuubi?

Alhukumoo 32:3

Zama ay ga Abadantaa maaɲoo fee. Wa ir Koyoo beerandi!

Alhukumoo 4:31

Zama Abadantaa, ni Koyoo manʼti kala Koy tamallante. A si ni naŋ, a si ni halaci, a si dirɲa amaanaa kaŋ a nʼa žee ni baabey se.»

Alhukumoo 5:10

Amma ay ga agay arrahamaa cebe alwadda zenberyaŋ se kaŋ ga baa agay, de i gʼay yaamarey dii.

Žak batagaa 5:11

Nga ne, borey kaŋ ga muɲe duu gomni. War maa Ayuba muɲeyanoo alhabaroo, war dii kokoroo kaŋ ir Koyoo nʼa noo a se, ir Koyoo ga hanse ka tamalla, a ga hinna.