Fattaroo 34:10 - Songhai de Gao Bible

¹⁰ Abadantaa nee: «Nga ne, ay ga amaana daŋ agay nda war game. Ni jamaa kul jine ay ga kayfiyaŋ tee kaŋ cine mana bay ka teendi laboo kul ga, a mana teendi ganda kul ra. Jamaa kaŋ ga ni kuubi ka ni bere ga dii Abadantaa teegoyoo, teegoy kaŋ ga boro hunburandi no ay gʼa tee ma ne.

Fattaroo 34:10 ပူးပေါင်းရင်းမြစ်များ

Samiyel 2to 7:23

Ganda tana mma bara laboo ga kaŋ ga hima nda Izirayel, ni jamaa, kaŋ koy tanayaŋ koy a day kʼa kaa kabe ra a mʼa tee ngi jamaa, kʼa tee ngi wane hala jamaa ma duu maa? Nʼna haya beeriyaŋ tee i se, nʼna teegoy kayfanteyaŋ tee ni gandaa se, ni jamaa kaŋ nʼnʼa day kʼa kaa Misira, nda gandawey, nda ngi koyey kabey ra hala a ma tee ni wane.

Zaburey 106:22

ka teegoy kayfanteyaŋ tee Šam gandaa ra, nda teegoy hunburanteyaŋ Kakaarey teekoo jere.

Zaburey 136:4

Nga hinne no ma haya beeri kayfanteyaŋ tee, zama nga borohennataraa si ben abada.

Zaburey 145:6

I ga ni gaabi hunburantaa har, ay ga ni gomni beerey deede.

Zaburey 147:20

A mana takaa follokaa tee gandawey kul se, i si nga hantumey kaŋ kayandi bay. Aleluya!

Zaburey 65:5

Boraa duu gomni kaŋ nʼnʼa suuba kʼa manandi ni hala a ma huna ni batumawey ra! Ir ga kungu ni hugoo gomnoo ra, ni hugoo haya henanantey ra.

Zaburey 66:3

Wa nee Irkoy se: «Ni teegoyey ga boro hunburandi! Ni iberey ga ngi boŋ yeeti ganda ma ne ni gaabi beeroo maaganda.

Zaburey 66:5

Wa kaa ka dii Irkoy teegoyey! Nga haya beerey kaŋ a nʼi tee ga adamize hunburandi.

Zaburey 68:35

Wa Irkoy gaaboo bay Izirayel ga, wa nga boŋkoynitaraa nda nga gaaboo bay duulawey ra.

Zaburey 72:18

Albarka ma bara Irkoy Abadantaa, Izirayel Koyoo se kaŋ hinne no ma kayfiyaŋ tee.

Zaburey 76:12

Wa meefur zaa Abadantaa, war Koyoo se, war mʼi kaa! Yala boro kul kaŋ gʼa kuubi kʼa bere ma gomniyaŋ noo Hunburandikaa se!

Zaburey 77:14

Ya Irkoy, ni fondaa manʼti kala henanyan, may ti koyoo kaŋ ga beeri ka too Irkoy?

Zaburey 78:12

Ngi baabey jine a na haya kayfante tee Misira gandaa ra, Sowaŋ koyraa laamaa ra.

Fattaroo 34:27

Abadantaa nee Musa se: «Šenney wey hantum. Šenney wey nda ay ga amaana daŋ agay, nda ni, nda Izirayel game.»

Fattaroo 34:28

No din ra Musa na zaari woytaaci (40) nda cijin woytaaci (40) tee Abadantaa bande. A mana haya ŋaa, a mana haya haŋ. A na amaanaa šenni woyaa (10) hantum walhawey ga.

Alhukumoo 10:21

Nga no mʼa ka bolsay, nga ti ni Koyoo, nga no ka teegoy beeri hunburantey wey kaŋ ni moɲey dii ey tee ni do.

Alhukumoo 32:30

Taka foo nda boro foo ga boro zenber foo (1.000) gaaray? Taka foo nda boro hinka ga boro zenber woy (10.000) gaaray, nda ngi Tondoo manʼi nondi, nda Abadantaa manʼi daŋ kabe ra?

Alhukumoo 4:13

A na nga amaanaa daŋ war jine, amaanaa kaŋ a nee war mʼa dii, yaamar woyaa (10). A nʼi hantum tondi walha hinka ga.

Alhukumoo 9:19

Ay hunbur futuroo nda dukuroo kaŋ Abadantaa nʼa tee war se hala nongu kaŋ ra a baa nga ma war halaci. Amma hiino mo Abadantaa na haŋajer ya ne.

Žozuwe 6:20

Jamaa na kuwwa kar, i na hilley hẽenandi. Waatoo kaŋ jamaa maa hilley jindoo, i na kuwwa beeri kar, cetaa kaŋ nga boŋ ga, jamaa žigi ka koyraa kar, boro foo kul huga nda nga jinoo. I na koyraa dii.