Fattaroo 33:16 - Songhai de Gao Bible

¹⁶ Nda nʼsi koy ir bande, taka foo nda ir ga bay kaŋ nʼna alhormo tee ya ne, agay nda ni jamaa? Manʼti kaŋ se nʼga koy ir bande, nga se ir, agay nda ni jamaa, ir ga fay nda jama kul kaŋ goo laboo ga?»

Fattaroo 33:16 ပူးပေါင်းရင်းမြစ်များ

Samiyel 2to 7:23

Ganda tana mma bara laboo ga kaŋ ga hima nda Izirayel, ni jamaa, kaŋ koy tanayaŋ koy a day kʼa kaa kabe ra a mʼa tee ngi jamaa, kʼa tee ngi wane hala jamaa ma duu maa? Nʼna haya beeriyaŋ tee i se, nʼna teegoy kayfanteyaŋ tee ni gandaa se, ni jamaa kaŋ nʼnʼa day kʼa kaa Misira, nda gandawey, nda ngi koyey kabey ra hala a ma tee ni wane.

Kokoyey 1na 8:53

zama ni ti ir Koyoo, Abadantaa, ni no kʼir suuba kʼir kaa aduɲɲa jama cindey kul ra kʼir tee ni wane, takaa kaŋ nda nʼnʼa har nda ni tamoo Musa waatoo kaŋ nʼnʼir baabey fattandi Misira.»

Zaburey 147:20

A mana takaa follokaa tee gandawey kul se, i si nga hantumey kaŋ kayandi bay. Aleluya!

Fattaroo 34:10

Abadantaa nee: «Nga ne, ay ga amaana daŋ agay nda war game. Ni jamaa kul jine ay ga kayfiyaŋ tee kaŋ cine mana bay ka teendi laboo kul ga, a mana teendi ganda kul ra. Jamaa kaŋ ga ni kuubi ka ni bere ga dii Abadantaa teegoyoo, teegoy kaŋ ga boro hunburandi no ay gʼa tee ma ne.

Fattaroo 34:9

ka nee: «Alhormo tee ya ne, ay Koyoo, ay Koyoo ma dira ir game. Jama hiɲešenda no, ir zunubey nda ir laybey yaafa ir se, ir tee ni tubuhayaa.»

Fattaroo 8:22

Musa nee: «A si hima ir ma woo tee, zama sargaroo kaŋ ir gʼa kaa Abadantaa, ir Koyoo maaɲoo ga manʼti kala almuhal Misira borey se. Nga ne, nda ir ga haya kaa sargari kaŋ ti almuhal Misira borey se, i sʼir warra nda tondi kʼir wii wala?

Sargarey 20:24

Ay nee war se: “War no ma ngi laboo mayray, agay no kʼa noo war se, war mʼa mayray, ganda no kaŋ ra waa nda yuu ga tee hari.” Agay ti Abadantaa, war Koyoo kaŋ na war nda gandawey fay kʼi kaa cere ra.

Sargarey 20:26

Wa tee henananteyaŋ ya ne, zama agay, Abadantaa, ay ga henan. Ay na war nda gandawey fay ka war kaa cere ra hala war ma tee ay mayraa.

Kabuyaney 14:14

i nʼa har gandaa woo borey se. I maa kaŋ ni, Abadantaa, ni goo jamaa woo game, ni, Abadantaa, nʼga bangay moo nda moo, ni duulaa ga kay i boŋ, nʼga dira i jine duula kaŋ ga kay i jine ra zaari here, cijin here nuune kaŋ ga kay i jine ra.

Kabuyaney 23:9

Ay goo tondey boŋ ay ga dii a, ay goo hondey boŋ ay gʼa honnay. Nga ne, jamaa no kaŋ gorodogoo goo jere ga, de mo a si nga boŋ daŋ gandawey ra.

Matiyu 1:23

«Nga ne, hondiyaa ga gunde zaa, a ga izʼaru hay, i ga maaɲoo daŋ Emanuwel» kaŋ maanaa ti «Irkoy goo ir gamey ra».

Korent borey bataga 2to 6:17

Woo maaganda se «wa fatta i game ka fay nda ey.» Ir Koyoo nʼa har. «War masi tuku haya žiibi ga, de agay, ay ga yadda war ga.»

Alhukumoo 4:34

Koy bay ka siiyan, nda tammaasayaŋ, nda kayfiyaŋ, nda wongu, nda kabe gaabante, nda hini, nda teegoy beeri hunburante tee ka koy ganda taa ganda tana kone, sanda hayaa kul kaŋ Abadantaa, war Koyoo nʼa tee war se Misira ni moɲey cire?

Alhukumoo 4:7

Ganda beeri foo bara no kaŋ goo nda koy kaŋ ga man a sanda takaa kaŋ nda Abadantaa, ir Koyoo ga man ir waati kul kaŋ ir nʼa cee?