Fattaroo 32:9 - Songhai de Gao Bible

⁹ Abadantaa nee Musa se: «Ay dii jamaa woo, nga ne, jamaa no kaŋ hiɲoo ga šendi.

Fattaroo 32:9 ပူးပေါင်းရင်းမြစ်များ

Kokoyey 2to 17:14

Amma i mana haŋajer. I boŋšenday sanda ngi hayragey kaŋ mana naanay Abadantaa, ngi Koyoo.

Taarikey 2to 30:8

Sohõ, war masi hiɲešenday sanda war baabey. Wa war boŋ noo Abadantaa se, wa kaa nga nongu henanantaa ra kaŋ a nʼa yeeti jere ga hala abada, war ma goy Abadantaa, war Koyoo se hala nga futay beeroo ma hun war ga.

Nehemi 9:16

Amma ngi nda ir hayragey bolsay, i boŋšenday. I mana haŋajer ni yaamarey se.

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Zaburey 78:8

I masi tee sanda ngi baabey takaa, zaman-ize hiɲešenda, turante, zaman-ize kaŋ biney si šerre, de mo i mana laadir Irkoy here.

Fattaroo 33:3

Žigi ka koy gandaa kaŋ ra waa nda yuu ga tee hari. Ay si koy war bande, hala ya si koy ni halaci fondaa ra, zama ni manʼti kala jama kaŋ hiɲoo ga šendi.»

Fattaroo 33:5

Abadantaa nee Musa se: «Šelaŋ Izirayel borey se ka nee: ‹War manʼti kala jamaa hiɲešenda, nda ay koy war bande alwaati kayna, ay ga ni halaci. Ni taalamey kaa, ay ga dii haya kaŋ no ay gʼa tee ma ne.›»

Fattaroo 34:9

ka nee: «Alhormo tee ya ne, ay Koyoo, ay Koyoo ma dira ir game. Jama hiɲešenda no, ir zunubey nda ir laybey yaafa ir se, ir tee ni tubuhayaa.»

Yaasawey 29:1

Boro kaŋ ga nga hiɲoo šendandi ka wanji ka maa hoyray, a ga jirsi ka say, safari sii a ra.

Kabuyaney 14:11

Abadantaa nee Musa se: «Waati foo no jamaa woo ga fay nda ay kaynandiyanoo? Tammaasawey kul kaŋ ay nʼi tee i game, waati foo no i ga naanay agay?

Teegoyey 7:51

War boŋey ga šendi, war biney nda war haŋawey ga šendi, waati kul war mo, war ga wanji Hundi Henanantaa se sanda war baabey takaa.

Alhukumoo 10:16

Wa war biney daŋbangu, war masi yee ka boŋšenday.

Alhukumoo 31:27

Zama agay, ay ga ni turantetaraa nda ni hiɲešendaa bay. Zama war ture Abadantaa ga ay hunaroo ga, soko ay buuroo banda ga.

Alhukumoo 9:13

Abadantaa šelaŋ ya ne ka nee: ‹Ay dii jamaa woo, dumi no kaŋ hiɲoo ga šendi.

Alhukumoo 9:6

Adiši ma bay kaŋ manʼti ni šerretaraa se Abadantaa, ni Koyoo ga ni noo ganda hennaa woo mʼa mayray, zama ni manʼti kala jama hiɲešenda.»