Fattaroo 32:31 - Songhai de Gao Bible

³¹ Musa yee Abadantaa do ka nee: «Ya Abadantaa, jamaa woo na zunubu beeri tee, i na wura koyyaŋ tee ngi boŋ se.

Fattaroo 32:31 ပူးပေါင်းရင်းမြစ်များ

Ezra 9:15

Abadantaa, Izirayel Koyoo, nʼga šerre, zama ir manʼti kala boroyaŋ kaŋ cindi kaŋ mana buu, woo se takaa woo ga tee hõ. Ir ne, ne ra ni jine, ir nda ir laybey, ka gar ir si hima ka kay ni jine.»

Nehemi 9:18

Ba waatoo kaŋ i na guuru mennandi kʼa tee yagaw ka nee: ‹Ni Koyoo ne, woo kaŋ na ni fattandi Misira!› I hanse ka ni tooɲe.

Nehemi 9:33

Nʼga henan hayaa kul ra kaŋ duu ir, zama nʼga goy nda cimi, ir, ir na goy futu tee.

Fattaroo 20:23

War masi koy tee ay banda ga, war masʼa tee nda nzorfu kaaray, war masi koy tee war boŋ se nda wura.›

Fattaroo 20:4

Masi tooru hanse, masi bii tee kaŋ ga hima nda haya kaŋ goo beene beenaa ra, wala ganda laboo ga, wala haroo ra laboo cire.

Fattaroo 32:30

Subaa ra, Musa nee jamaa se: «War na zunubu beeri tee, amma sohõ ay ga žigi ka koy Abadantaa do, a ga hin ka tee ya duu taka kaŋ nda war zunubey ga tuusandi.»

Fattaroo 34:28

No din ra Musa na zaari woytaaci (40) nda cijin woytaaci (40) tee Abadantaa bande. A mana haya ŋaa, a mana haya haŋ. A na amaanaa šenni woyaa (10) hantum walhawey ga.