Fattaroo 32:14 - Songhai de Gao Bible

¹⁴ Ifutaa kaŋ Abadantaa nee nga gʼa tee nga jamaa se, a nimsi, a tun a ga.

Fattaroo 32:14 ပူးပေါင်းရင်းမြစ်များ

Šintinoo 6:6

Woo se Abadantaa nimsi nda haya kaŋ se nga na borey tee laboo boŋ, de mo binoo hanse ka maray.

Samiyel 2to 24:16

Waatoo kaŋ almalaykaa na nga kaboo šerre Žerizalem ga kʼa halaci, Abadantaa nimsi nda halaciyanoo woo. A nee almalaykaa kaŋ ga halaciroo tee jamaa ra se: «A wasa, sohõ ni kaboo ma kay.» Woo gar almalaykaa sii kala Žebus boraa Arawna taasu kar ganganoo jere.

Taarikey 1na 21:15

Irkoy na almalayka foo sanba Žerizalem a mʼa halaci. A goo mʼa halaci, Abadantaa dii bonaa, a nimsi nda halaciyanoo woo. A nee almalaykaa kaŋ ga halaciroo tee se: «A wasa, sohõ ni kaboo ma kay.» Woo gar almalaykaa sii kala Žebus boraa Ornaŋ taasu kar ganganoo jere.

Zaburey 106:23

A nee kaŋ nga gʼi halaci, nda manʼti Musa kaŋ ti boraa kaŋ a nʼa suuba kaŋ huru nga nda ey game ka nga futuroo kaa ka halaciroo ganji.

Zaburey 106:45

Ngi sabbu se a hongu nga amaanaa, a ga hanse ka boori hala nongu kaŋ ra a tun woo kaŋ a nʼa kayandi ga.

Fattaroo 33:13

Sohõ, alhormo tee ya ne, ay gʼa wiri ni ga, ma ni fondawey bayrandi ya ne hala ya ni bay, woo ra ay ga bay kaŋ nʼna alhormo tee ya ne. Masi dirɲa gandaa woo borey, ni jamaa no.»

Yunusa 3:10

Sohõ kaŋ Irkoy dii kaŋ Niniwe borey tuubi nda cimi, a hinna i ga. Woo maaganda se Irkoy tun bonaa ga kaŋ a baa kʼa kaŋandi i boŋ.

Yunusa 4:2

A nee Abadantaa se: «Nhuu, ay Koyoo, ay na woo hongu za ay goo ay gandaa ra, nga se ay zuru ka koy hala Tarsis koyraa ra. Zama ay bay kaŋ Koy ti ni kaŋ ga alhormo tee, nʼga tamalla, nʼsi cahã ka futu. Ni cine sii gomni teekey ra, de nʼga tun ni zukandey boŋ.

Kabuyaney 14:20

Abadantaa nee: «Ay yaafa i se ni šennoo maaganda.

Alhukumoo 10:10

Ay cindi tondi hondoo boŋ sanda cee jinaa takaa, zaari woytaaci (40) nda cijin woytaaci (40). Hiino mo, Abadantaa na haŋajer ya ne, Abadantaa mana baa nga ma ni halaci.

Alhukumoo 32:26

Ay nee ay boŋ se: ‹Ay gʼi say-say kʼi benandi, ay ga kate borey masi yee ka hongu ey,

Alhukumoo 32:36

Abadantaa ga nga jamaa ciiti, amma a ga hinna nga tamey se, waati kaŋ a ga dii kaŋ ngi sahã ben, de mo baɲɲa mana cindi, borcin mana cindi.

Alkaaley 2:18

Waati kul kaŋ Abadantaa na alkaaliyaŋ noo i se kaŋ gʼi faaba, Abadantaa goo alkaaloo bande kʼi kaa ngi iberey kabey ra alkaaloo waatey kul ra, zama Abadantaa hinna i ga ngi hẽenoo kaŋ ngi tooɲekey nda ngi šiitakey gʼa tee i se maaganda.

Samiyel 1na 15:11

«Ay nimsi nda haya kaŋ se ay na Sawul daŋ kokoytaraa ra, zama a na banda bere ya ne, a manʼay šenney ka goy.» Samiyel futu, a kaati ka Abadantaa cee cijinoo kul.