Fattaroo 32:12 - Songhai de Gao Bible

¹² Nda nʼna takaa woo tee, Misira borey ga nee: ‹A manʼi fattandi kala nda anniya laala, kʼi wii tondi hondey ra, kʼi derandi laboo ga.› Ay Koyoo, ni futay beeroo naŋ, ma nimsi ka ifutaa naŋ kaŋ nʼgʼa baa kʼa tee ni jamaa se.

Fattaroo 32:12 ပူးပေါင်းရင်းမြစ်များ

Šintinoo 6:6

Woo se Abadantaa nimsi nda haya kaŋ se nga na borey tee laboo boŋ, de mo binoo hanse ka maray.

Kokoyey 1na 8:51

zama ni jamaa no, ni tuboo no kaŋ nʼnʼi fattandi Misira kaŋ tee war se ma nee guusu kaŋ ra guuru ga mennandi.

Ezra 10:14

Ir boŋkoyney ma cindi ne ka kay margaroo maaɲoo ga, ir gʼa wiri ni ga, borey kul kaŋ goo ir koyrawey ra kaŋyaŋ hiija woy yawyaŋ ga kaa waatoo kaŋ kayandi ga, ngi, nda boro beerey, nda koyra kul ciitikey, hala waati kaŋ ra ir Koyoo futuroo hun ir ga hayaa woo here.

Zaburey 106:45

Ngi sabbu se a hongu nga amaanaa, a ga hanse ka boori hala nongu kaŋ ra a tun woo kaŋ a nʼa kayandi ga.

Zaburey 74:18

Hongu woo: Abadantaa no iberoo gʼa kaynandi, jama lakkal jaŋante ga ni maaɲoo hasara.

Zaburey 78:38

Amma nga kaŋ ga tamalla na ngi laybey yaafa, a manʼi halaci. Cee booboyaŋ a ga nga futuroo dii, a mana naŋ nga futuroo kul ma fatta.

Zaburey 85:3

Nʼna ni jamaa layboo yaafa i se, nʼna ngi zunubey kul daabu. Kay-kayna

Zaburey 90:13

Abadantaa, willi kate! Hala waati foo no woo ga ben? Hinna ni tamey ga.

Fattaroo 32:14

Ifutaa kaŋ Abadantaa nee nga gʼa tee nga jamaa se, a nimsi, a tun a ga.

Fattaroo 33:13

Sohõ, alhormo tee ya ne, ay gʼa wiri ni ga, ma ni fondawey bayrandi ya ne hala ya ni bay, woo ra ay ga bay kaŋ nʼna alhormo tee ya ne. Masi dirɲa gandaa woo borey, ni jamaa no.»

Yunusa 3:9

May no ma bay wala Irkoy si kaa ka hinna ir ga, ka nga futay beeroo naŋ, kʼir hallasi bonaa ra kaŋ a ga baa kʼa zumandi ir ga.»

Kabuyaney 14:19

Ay gʼa wiri ni ga, ma jamaa woo layboo yaafa i se ni borohennataray beeroo ra sanda takaa kaŋ nda ni yaafa jamaa woo se za Misira hala ne.»

Kabuyaney 16:21

«Wa fay nda jamaa woo, war ma hun i game, moomiti foo ay gʼi timmandi.»

Alhukumoo 13:17

Ma nga alganiimaa kul marga farroo gamoo ra, ma nuune daŋ koyraa ra nda alganiimaa kul kaŋ goo a ra, mʼi kul sarga Abadantaa, ni Koyoo maaɲoo ga sanda sargari kaŋ tonandi hala a ma ben, a ga tee hala abada koyra kaŋ kayri, a si yee ka cinandi koyne.

Alhukumoo 32:36

Abadantaa ga nga jamaa ciiti, amma a ga hinna nga tamey se, waati kaŋ a ga dii kaŋ ngi sahã ben, de mo baɲɲa mana cindi, borcin mana cindi.

Alhukumoo 9:28

Gandaa kaŋ ra nʼnʼir fattandi borey masi koy nee: “Abadantaa nka si hin kʼi daŋ gandaa ra kaŋ a nee nga gʼa noo i se, wala a mma konna ey, nga se a nʼi ka fatta ka koy i wii saajoo ra.”

Žozuwe 7:26

I na tondi zuku beeri fur a boŋ kaŋ goo no hala hõ. Abadantaa yee nga futay laalaa se banda. Woo se i ga nee no din se Akor (maanaa «bone») gooroo hala hõ zaaroo.

Žozuwe 7:9

Kanaŋ borey nda gandaa borey kul ga maarʼa, i ga marga ir ga kʼir maaɲey kaa gandaa ra. Macin no nʼgʼa tee ni maa beeroo se?»

Samiyel 1na 12:22

Abadantaa si nga jamaa naŋ nga maa beeroo maaganda se, Abadantaa nka kayandi nga ma war tee nga jamaa.