Fattaroo 3:9 - Songhai de Gao Bible

⁹ Sohõ nga ne, Izirayel borey kaatiroo too kate hala ay do, ay dii torraa kaŋ Misira borey nʼa daŋ i ga.

Fattaroo 3:9 ပူးပေါင်းရင်းမြစ်များ

Šintinoo 16:11

Abadantaa almalaykaa nee a se koyne: «Ni tee alhaamidu, nʼga izʼaru foo daŋ aduɲɲa ra kaŋ nʼga maaɲoo daŋ Isimayel (maanaa ‹Irkoy ga maa›), zama Abadantaa maa ni binekankamyanoo.

Šintinoo 31:12

A nee ya ne: ‹Ni boŋoo jer ka guna, alman arey kul kaŋ ga marga nda woyey manʼti kala icaarayyaŋ, nda tonbikoyniyaŋ, nda žeerikoyniyaŋ, zama ay dii haya kul kaŋ Labaŋ nʼa goy ni ga.

Kokoyey 2to 13:4

Žowakaz na Abadantaa suurandi ka binoo yaynandi. Abadantaa na haŋajer a se, zama a dii takaa kaŋ nda Siiri kokoyoo ga Izirayel borey zarabi.

Kokoyey 2to 20:5

«Willi ka koy nee Ezekiyas kaŋ ti ay jamaa boŋkoynoo se kaŋ hayaa ne kaŋ Abadantaa, nga hayraa Dawda Koyoo nʼa har, a nee: ‹Ay maa ni ŋaarayroo, ay dii ni mundawey. Ay ga ni noo baani, ne nda jirbi hinza nʼga koy Abadantaa hugoo ra.

Nehemi 9:9

Ni dii ir hayragey zaraboo Misira, de mo ni maa ngi wurroo Kakaarey teekoo jere.

Zaburey 12:5

borey kaŋ ga nee: «Ir deeney goo nda albarka, ir goo nda ir miɲey, may no ma hin ir?»

Zaburey 9:14

Alhormo tee ya ne, Abadantaa, ay taabiyanoo guna kaŋ agay iberey gʼa tee ya ne, ni kaŋ gʼay žigandi ka hun buuyan miɲoo ga,

Fattaroo 1:11

Woo se Misira borey na boroyaŋ daŋ Izirayel jamaa jine kaŋ gʼi torro, i nʼi daŋ waazibi goyyaŋ ra. I na koyrayaŋ kaŋ ti jinay fanjidooyaŋ cin Firawuuna se, koyrawey maaɲey ti: Pitom nda Ramses.

Fattaroo 1:22

Firawuuna na nga jamaa kul yaamar ka nee: «Izʼaru kul kaŋ hayandi, war mʼa warra isaa ra, amma ize woy, war mʼa naŋ a ma huna.»

Fattaroo 1:8

Kokoy taaga kaa ka Misira laama kaŋ si Isufi bay.

Fattaroo 2:23

Waati kukoo woo ra Misira kokoyoo buu. Izirayel borey hottu, i kaati, de ngi goyoo hottaa kaatiroo ka faaba ceeci žigi ka too Irkoy do.

Fattaroo 2:25

Irkoy na Izirayel borey guna, a dii ngi takaa.

Fattaroo 3:7

Abadantaa yee ka nee: «Ay dii, ay dii ay jamaa torraa Misira gandaa ra, ngi kaatiroo kaŋ i gʼa tee ngi waazibi goyey juwalkey maaganda se, ay maarʼa, ay ga bay kaŋ i goo hottay ra.

Waazukaa 4:1

Ay yee ka laasaabu ka dii tooɲerey kul kaŋ ga tee waynaa cire. Borey kaŋ biney ga hẽe mundawey ga doo, bineyaynandikaw sii no i se. Gaabi sii kala ngi tooɲekey se, bineyaynandikaw sii i se.

Waazukaa 5:8

Nafaw no ganda se a ma duu kokoy kaŋ ga faari goy daŋ jine.

Alhukumoo 26:7

Ir kaati ka Abadantaa, ir baabey Koyoo cee. Abadantaa na haŋajer ir se, a dii ir kankamroo, nda ir zaraboo, nda ir šiitaroo.

Samiyel 1na 9:16

«Suba dimmaa woo da ga, ay ga Benžameŋ gandaa boro sanba ni do, ma jii kʼa yon hala a ma tee boŋkoyni Izirayel, ay jamaa se. A gʼay jamaa hallasi Filisti borey kabey ra. Zama ay dii ay jamaa hayaa kaŋ ra i goo, ngi kaatiroo too kate hala ay do.»