Fattaroo 3:7 - Songhai de Gao Bible

⁷ Abadantaa yee ka nee: «Ay dii, ay dii ay jamaa torraa Misira gandaa ra, ngi kaatiroo kaŋ i gʼa tee ngi waazibi goyey juwalkey maaganda se, ay maarʼa, ay ga bay kaŋ i goo hottay ra.

Fattaroo 3:7 ပူးပေါင်းရင်းမြစ်များ

Šintinoo 16:11

Abadantaa almalaykaa nee a se koyne: «Ni tee alhaamidu, nʼga izʼaru foo daŋ aduɲɲa ra kaŋ nʼga maaɲoo daŋ Isimayel (maanaa ‹Irkoy ga maa›), zama Abadantaa maa ni binekankamyanoo.

Šintinoo 18:21

hala nongu kaŋ ra ay ga zunbu ka dii wala hayey kaŋ ay ga maarʼey da no i gʼi tee. Nda cimi no wala manʼti cimi no, ay ga bay.»

Šintinoo 21:17

Irkoy maa zankaa jindoo. Irkoy almalayka foo ciya Hažatta se za beenaa ra ka nee a se: «Macin ka duu ni, Hažatta? Masi hunbur, zama Irkoy maa zankaa jindoo, nongoo kaŋ ra a goo.

Šintinoo 29:32

Leya tee boro hinka, a na izʼaru foo daŋ aduɲɲa ra. A na maaɲoo daŋ Rubeŋ (maanaa «wa guna izʼaru»). A nee: «Zama Abadantaa dii ay naajoo. Sohõ ay kurɲoo ga baa agay.»

Šintinoo 31:12

A nee ya ne: ‹Ni boŋoo jer ka guna, alman arey kul kaŋ ga marga nda woyey manʼti kala icaarayyaŋ, nda tonbikoyniyaŋ, nda žeerikoyniyaŋ, zama ay dii haya kul kaŋ Labaŋ nʼa goy ni ga.

Šintinoo 31:42

Nda manʼti Koyoo kaŋ ay kaagaa gʼa gana, Ibirahima Koyoo, Koyoo kaŋ Isiyaka ga hunbur a, goo ay bande, hõ gar nʼnʼay naŋ ya koy nda ay kabe kooney. Amma Irkoy dii ay farayanoo nda goy šendaa kaŋ ay nʼa tee, a na ciitoo dunbu cijin.»

Samiyel 2to 22:28

Nʼga boro yalaafantey hallasi, ni moɲey ga borey kaŋ ga ngi boŋ jer yeeti ganda.

Kokoyey 2to 13:4

Žowakaz na Abadantaa suurandi ka binoo yaynandi. Abadantaa na haŋajer a se, zama a dii takaa kaŋ nda Siiri kokoyoo ga Izirayel borey zarabi.

Kokoyey 2to 20:5

«Willi ka koy nee Ezekiyas kaŋ ti ay jamaa boŋkoynoo se kaŋ hayaa ne kaŋ Abadantaa, nga hayraa Dawda Koyoo nʼa har, a nee: ‹Ay maa ni ŋaarayroo, ay dii ni mundawey. Ay ga ni noo baani, ne nda jirbi hinza nʼga koy Abadantaa hugoo ra.

Nehemi 9:9

Ni dii ir hayragey zaraboo Misira, de mo ni maa ngi wurroo Kakaarey teekoo jere.

Zaburey 106:44

A dii ngi binemaraa waatoo kaŋ a maa ngi wurroo.

Zaburey 12:6

Zama alfukaarey kankamandi, talkey taabi, sohõ Abadantaa nee: «Ay ga tun, ay ga borey hallasi kaŋ ga jaw hallasiroo se.»

Zaburey 142:3

Ay ga agay šugulla daŋ a jine, ay gʼay binemaraa daŋ a jine.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Zaburey 22:24

War kaŋ ga hunbur Abadantaa, wʼa saabu! War kul kaŋ ti Yakuba hayroo, wa daržaa daŋ a ga! Wa jijiri jinoo ra, war kul kaŋ ti Izirayel ize!

Zaburey 34:4

Wa Abadantaa beerandi ay bande, ir ma maaɲoo jer cere bande!

Zaburey 34:6

Borey kaŋ moɲey goo a ga ndumey ga dii garaw, ndumey si kukuši.

Zaburey 35:22

Abadantaa, ni dii a, masi dangay! Ay Koyoo, masi mooru agay!

Zaburey 9:14

Alhormo tee ya ne, Abadantaa, ay taabiyanoo guna kaŋ agay iberey gʼa tee ya ne, ni kaŋ gʼay žigandi ka hun buuyan miɲoo ga,

Fattaroo 1:11

Woo se Misira borey na boroyaŋ daŋ Izirayel jamaa jine kaŋ gʼi torro, i nʼi daŋ waazibi goyyaŋ ra. I na koyrayaŋ kaŋ ti jinay fanjidooyaŋ cin Firawuuna se, koyrawey maaɲey ti: Pitom nda Ramses.

Fattaroo 1:8

Kokoy taaga kaa ka Misira laama kaŋ si Isufi bay.

Fattaroo 22:23

Ay futuyanoo ga tun, ay ga war wii nda takuba. War wandey ga tee woyyaŋ kaŋ kurɲey buu, war izʼarey ga tee alyatim.

Fattaroo 33:13

Sohõ, alhormo tee ya ne, ay gʼa wiri ni ga, ma ni fondawey bayrandi ya ne hala ya ni bay, woo ra ay ga bay kaŋ nʼna alhormo tee ya ne. Masi dirɲa gandaa woo borey, ni jamaa no.»

Fattaroo 5:10

Jamaa waazibi goyey juwalkey nda nga goy juwalkey fatta ka šelaŋ jamaa se ka nee: «Firawuuna nee: ‹Ay si war noo subu koyne,

Fattaroo 5:6

Hanoo din hunday, Firawuuna šendandi waazibi goyey juwalkey nda jamaa goy juwalkey ga ka nee:

Kabuyaney 20:16

Ir kaati ka Abadantaa cee, a na haŋajer ir jindey se, a na almalayka sanba kʼir kaa Misira. Ir ne Kadeš kaŋ ti koyra kaŋ goo ni gandaa benantaa ga.

Teegoyey 7:34

Ay dii gurzugaa kaŋ ay jamaa goo ma dii a Misira, ay maa ngi durayroo. Ay zunbu kʼi kaa kabe. Sohõ kaa, ay ga ni sanba Misira.›

Eberewey batagaa 4:15

Zama manʼti sargari juwalkey jineboro bara ir se kaŋ si hin kʼir faaba ir luufuyaney ra. A siyandi sanda ir takaa, haya kul here, amma a mana zunubu tee.

Samiyel 1na 9:16

«Suba dimmaa woo da ga, ay ga Benžameŋ gandaa boro sanba ni do, ma jii kʼa yon hala a ma tee boŋkoyni Izirayel, ay jamaa se. A gʼay jamaa hallasi Filisti borey kabey ra. Zama ay dii ay jamaa hayaa kaŋ ra i goo, ngi kaatiroo too kate hala ay do.»