Fattaroo 3:13 - Songhai de Gao Bible

¹³ Musa nee Irkoy se: «Aywa, nda ay koy Izirayel borey do ka nee i se: ‹War baabey Koyoo kʼay sanba war do.› Nda i nee ya ne: ‹Macin ti maaɲoo?›, macin no ay gʼa har i se?»

Fattaroo 3:13 ပူးပေါင်းရင်းမြစ်များ

Šintinoo 32:29

A yee ka nee a se: «Ni maaɲoo si yee ka tee Yakuba, Izirayel nda i ga ni cee (maanaa ‹a gurgay Irkoy bande›), zama ni nka gurgay Irkoy bande nda borey bande, ni hin.»

Fattaroo 15:3

Abadantaa manʼti kala wongaari. Abadantaa ti maaɲoo.

Fattaroo 3:12

Irkoy nee: «Ay goo ni bande, silbaa ne kaŋ ga cebe kaŋ agay ka ni sanba: waati kaŋ nʼna jamaa fattandi Misira, war ga Irkoy gana tondi hondoo woo boŋ.»

Fattaroo 3:14

Irkoy nee Musa se: «Agay ti a ga bara.» A nee a se: «Nee Izirayel borey se: ‹“A ga bara” kʼay sanba war do.›»

Fattaroo 3:15

Irkoy yee ka nee Musa se: «Nee Izirayel borey se: ‹Abadantaa, war baabey Koyoo, Ibirahima Koyoo, Isiyaka Koyoo, Yakuba Koyoo kʼay sanba war do. Woo ti ay maaɲoo hala abada. Woo ti ay maaɲoo kaŋ ga ciyandi zaman ka kaa zaman.›

Fattaroo 7:16

Ma nee a se: ‹Abadantaa, Eberewey Koyoo kʼay sanba ni do, a nee: “Ay jamaa naŋ i ma koy hala i ma sargari kaa ya ne saajoo ra.” Nga ne, hala sohõ mana haŋajer.

Yaasawey 30:4

May ka žigi beenaa ra? May ka zunbu kate? May ka hewoo dii nga kabe gundoo ra? May ka hari haw nga darbaa ra? May ka laboo kanjey kul gorandi? Macin ti nga maaɲoo, macin ti nga izʼaroo maaɲoo? Nʼgʼa bay wala?

Matiyu 1:21

A ga izʼaru hay, de ma maaɲoo daŋ Isa (maanaa ‹ir Koyoo ti hallasiyan›), zama nga no ma nga jamaa hallasi ngi zunuboo ra.»

Matiyu 1:23

«Nga ne, hondiyaa ga gunde zaa, a ga izʼaru hay, i ga maaɲoo daŋ Emanuwel» kaŋ maanaa ti «Irkoy goo ir gamey ra».

Teegoyey 3:13

Ibirahima Koyoo, Isiyaka [Koyoo], Yakuba [Koyoo], ir baabey Koyoo na nga tamoo Isa jeerandi kaŋ war, war nʼa nondi, war nʼa yankar Pilat jine kaŋ kayandi nga gʼa taŋ.

Alkaaley 13:17

Manowa nee Abadantaa almalaykaa se: «Macin ti ni maaɲoo, hala ir ma albarka tee ma ne nda ni šenney tee cimi?»

Alkaaley 13:6

Woyoo koy nee nga kurɲoo se: «Irkoy aru foo kaa kʼay gar, a ga hima nda Irkoy almalaykaa, a ga hanse ka hunburandi. Ay manʼa hãa man ra a hun, a mana nga maaɲoo har ya ne.