Fattaroo 29:7 - Songhai de Gao Bible

⁷ Woo banda ga, ma yonyan jiyoo zaa kʼa mun boŋoo ga kʼa yon.

Fattaroo 29:7 ပူးပေါင်းရင်းမြစ်များ

Zaburey 133:2

A ga hima nda jii henna kaŋ doo boŋoo boŋ ka zunbu kaaboo ga, Haruna kaaboo ga, ka zunbu nga bankaarawey miɲey ga.

Zaburey 89:20

Waatoo din nʼga šelaŋ ni ganakey se bangayyan ra, nʼga nee: «Ay na wongaari faaba, ka zankaaru jer jamaa game.

Fattaroo 28:41

Ma darbawey daŋ ni armaa Haruna nda nga izʼarey ga, mʼi yon, mʼi gorandi goyoo ra, mʼi yeeti jere ga ya ne, hala i ma sargari juwalkaw goyoo tee ya ne.

Fattaroo 40:13

Ma bankaaray henanantey daŋ Haruna ga, mʼa yon, de mʼa yeeti jere ga ya ne hala a ma sargari juwalkaw goyoo tee ya ne.

Sargarey 10:7

War masi hun cere kubayyan hukkumoo miɲoo ga hala war masi duu ka buu, zama Abadantaa yonyan jiyoo goo war ga.» I na hayaa tee kaŋ Musa nʼa har.

Sargarey 21:10

Sargari juwalkaw beeroo kaŋ bisa nga armey, woo kaŋ boŋoo ga yonyan jiyoo doorandi, woo kaŋ yeetandi jere ga ka darbawey henanantey daŋ, a masi nga boŋoo feeri, a masi nga kaayey kottu.

Sargarey 21:12

A masi hun nongu henanantaa ra, a masi nga Koyoo nongu henanantaa kaynandi, zama nga Koyoo yonyan jiyoo goo a ga kʼa daŋ jere ga nga se. Agay ti Abadantaa.

Sargarey 7:35

Woo ti bagaa kaŋ Haruna nda nga izʼarey ga duu a ngi yonyanoo se sargari tonantey ra Abadantaa maaɲoo ga, za hanoo kaŋ i ga man ka ngi sargari juwalyan goyoo tee Abadantaa maaɲoo ga.

Kabuyaney 35:25

Jamaa ga boro wiikaa kaa bukaa faasakaa kaboo ra. Jamaa gʼa ka yee koyraa ra kaŋ ra a zuru ka koy nga boŋ talfi. A ga cindi no din hala waati kaŋ ra sargari juwalkaw beeroo kaŋ yonandi nda jii henanantaa buu.

Yehiya 3:34

Zama boraa kaŋ Irkoy nʼa sanba, Irkoy šenney no a gʼi har, zama Irkoy si nga Hundoo neeši kʼa noo.

Yehiya bataga 1na 2:27

War, yonyanoo kaŋ war duu a a ga, ga duumi war ga, a si too boro ma war cawandi. Zama yonyanoo ga haya kul cawandi war se, cimi no, a si taari, takaa kaŋ nda a na war cawandi, war ga duumi Almasihu ra.