Fattaroo 29:45 - Songhai de Gao Bible

⁴⁵ Ay ga goro Izirayel borey game, ay ga tee ngi Koyoo.

Fattaroo 29:45 ပူးပေါင်းရင်းမြစ်များ

Šintinoo 17:8

Ay ga ni noo, ni nda ni hayroo kaŋ ga kaa ni dumaa ga, gandaa kaŋ ra ni ne ka koy goro. Kanaŋ gandaa kul nʼgʼa mayray hala abada. Ay ga tee ni hayroo Koyoo.»

Kokoyey 1na 6:13

Ay ga goro Izirayel borey game, ay sʼay jamaa Izirayel naŋ.»

Taarikey 2to 6:18

Amma nda cimi, Irkoy ga kaa ka goro laboo ga adamizey bande wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Zaburey 114:2

Žuda tee nga nongu henanantaa, Izirayel tee nga kokoytaraa.

Zaburey 68:18

Irkoy bari torkawey manʼti kala zenber woyyaŋ hala cee zenberyaŋ, Ir Koyoo goo gamey ra, Sinay tondi hondoo goo nongu henanantaa ra.

Fattaroo 15:17

Nʼga huru i jine kʼi gorandi tondi hondoo boŋ kaŋ ti ni wane, nongoo kaŋ ni, Abadantaa nʼa hanse a ma tee ni gorodogoo, a ma tee ni nongu henanantaa kaŋ ni, ir Koyoo, ni kaboo nʼa gorandi.

Fattaroo 25:8

I ma nongu henanante cin ya ne hala ya goro i game.

Fattaroo 29:44

Ay ga cere kubayyan hukkumoo nda sargari tonadogoo yeeti jere ga ya ne. Ay ga Haruna nda nga izʼarey yeeti jere ga ya ne hala i ma sargari juwalkaw goyoo tee ya ne.

Fattaroo 6:7

Ay ga war dii ay jamaa, ay ga tee war Koyoo. War ga kaa ka bay kaŋ agay ti Abadantaa, war Koyoo kaŋ ga war feeri ka Misira waazibi goyey zaa war boŋ.

Sargarey 26:11

Ay gʼay gorodogoo daŋ war game, ay hundoo si konna war.

Sargarey 26:12

Ay ga dira war game, ay ga tee war se Irkoy, war ga tee ay jamaa.

Kabuyaney 16:3

I marga ka tee mee foo Musa nda Haruna ga ka nee i se: «A wasa! Zama jamaa kul manʼti kala henananteyaŋ, de Abadantaa goo i game. Macin se war ga war boŋ jer beene Abadantaa jamaa se?»

Kabuyaney 35:34

Masi gandaa žiibandi kaŋ ra war ga goro, kaŋ game ay ga goro. Zama agay ti Abadantaa, ay ga goro Izirayel borey game.›»

Kabuyaney 5:3

War mʼi kaa, arey nda woyey, war mʼi kaa jamaa kaloo ra, i masi ngi kaloo kaŋ game ay goo ma goro žiibandi.»

Yehiya 14:17

Nga ti Hundi cimikoynoo kaŋ aduɲɲa si hin ka duu a, zama a si dii a, a sʼa bay. War, war gʼa bay, zama a cindi war bande, a ga kaa ka bara war ra.

Yehiya 14:20

Hanoo din, war ga bay kaŋ ay goo ay Baabaa Irkoy ra, de war, war goo ay ra, agay, ay goo war ra.

Yehiya 14:23

Isa zaabi ka nee a se: «Boro kaŋ ga baa agay, a gʼay šennoo dii. Ay Baabaa Irkoy ga bagʼa. Ir ga koy a do, ir ga gorodoo tee a do.

Korent borey bataga 2to 6:16

Cin ti hayaa kaŋ goo Irkoy hugoo nda tooruyaŋ game? Ka gar ir manʼti kala Irkoy hunantaa hugoo, sanda hayaa kaŋ Irkoy nʼa har ka nee nga Citaaboo ra: «Ay ga goro i game, ay ga dira i bande. Ay ga tee ngi Irkoy, i ga tee ay jamaa.»

Efez borey batagaa 2:22

Nga da ra war mo goo ma marga ka tee cinaroo nongu ka tee gorodoo Irkoy se nga Hundoo albarkaa ra.

Alhukumoo 12:11

Woo ra nongoo kaŋ Abadantaa, war Koyoo gʼa suuba ka nga maaɲoo gorandi a ra, no din ra war ma kate hayaa kul kaŋ nda ay ga war yaamar, war sargari kukurantey, nda war sargarey, nda war azakkawey, nda hayey kaŋ war gʼi kaa Abadantaa se sanda baa, nda sargari suubantey kaŋ war nʼi tee meefur Abadantaa maaɲoo ga.

Alhukumoo 7:21

Masi jiti ngi maaganda se, zama Abadantaa, ni Koyoo goo war game, Koy beeri no, hunburhaya no.

Bangandiroo 21:3

Ay maa jinde beeri foo kaŋ hun kokoy gorodogoo ra ka nee: «Irkoy hukkumoo ne adamizey game. Irkoy ga goro i bande, i ga tee nga jamaa, Irkoy hunday goo i bande [sanda ngi Irkoy].