Fattaroo 28:2 - Songhai de Gao Bible

² Ma bankaaray henananteyaŋ tee ni armaa Haruna se, i ma tee darža tammaasa nda taalam.

Fattaroo 28:2 ပူးပေါင်းရင်းမြစ်များ

Ayuba 40:10

Ay gʼa wiri ni ga, ma ni boŋ taalam nda beeray nda darža, darža nda jeryan daŋ ni ga sanda darbay!

Zaburey 132:16

Yala nga sargari juwalkey hallasiyanoo ma tee i se bankaaray, de nga ganakey ma kaati nda ɲaali.

Zaburey 132:9

Yala ni Sargari juwalkey šerretaray ma tee i se bankaaray, ni ganakey ma kaati nda ɲaali.

Zaburey 149:4

Zama Abadantaa jamaa ga kan a se, a ga hallasiroo tee taalam borey se kaŋ ga taabi.

Zaburey 96:6

Beeray nda darža manʼti kala nga wane, hinay nda dawla goo nga nongu henanantaa ra.

Fattaroo 28:40

Ma darbay beeriyaŋ tee Haruna izʼarey se, ma gamahawyaŋ tee i se, ma fuulayaŋ tee i se, i ma tee darža nda beeray tammaasa.

Fattaroo 29:28

A ma tee Haruna nda nga izʼarey wane, a ma tee hantum kaŋ si tun Izirayel borey do. Sargari no kaŋ ga jer Abadantaa maaɲoo ga kaŋ hun ngi alaafiya teendi sargarey ra.

Fattaroo 31:10

nda bankaaray cere-cerantey, nda sargari juwalkaa Haruna bankaaray henanantey, nda nga izʼarey bankaarawey kaŋ nda i ga sargari juwalyan goyoo tee,

Fattaroo 40:13

Ma bankaaray henanantey daŋ Haruna ga, mʼa yon, de mʼa yeeti jere ga ya ne hala a ma sargari juwalkaw goyoo tee ya ne.

Sargarey 8:30

Musa na yonyan jiyoo zaa, nda kuroo kaŋ goo sargari tonadogoo boŋ, a say-saya Haruna nda nga darbawey ga, nga izʼarey nda ngi darbawey ga a bande, a na Haruna nda nga darbawey, nda nga izʼarey nda ngi darbawey a bande daŋ jere ga Irkoy goyoo se.

Yehiya 1:14

Šennoo tee boro, a goro ka waati tee ir game. Ir na nga daržaa guna sanda Izʼaru bajja folloku daržaa kaŋ hun Baabaa Irkoy do. A ga too nda anneema nda cimi.

Rom borey batagaa 13:14

Amma wa ir Koyoo Isa Almasihu daŋ war ga sanda darbay, war masi huga nda hundi-ibaayi ka hayey kaŋ a gʼi boonay tee a se.

Rom borey batagaa 3:22

Woo manʼti kala takaa kaŋ nda Irkoy ga boro dii boro šerrante Isa Almasihu naanaa albarkaa ra borey kul se kaŋ ga naanay. Fay-fayyan sii no,

Galati borey batagaa 3:27

zama war kul kaŋ batize Almasihu ra, war na Almasihu daŋ war ga sanda darbay.

Eberewey batagaa 2:9

Amma ir ga dii Isa, waati kayna ra almalaykey bisa a hala Irkoy albarkaa ra a ma buuyan taba adamizey kul se, sohõ ir dii kaŋ darža nda beeray kokoy fuula goo boŋoo ra buuyanoo zaraboo kaŋ a nʼa zaa maaganda se.

Eberewey batagaa 7:26

Nga ti sargari juwalkey jineboro dumoo kaŋ ga ir ga too. A ga henan, a si ifutu miile, žiibi sii a ga, a ga fay ka mooru zunubantey. Irkoy nʼa jer beenawey se beene.

Piyer bataga 2to 1:17

Zama Baabaa Irkoy nʼa noo beeray nda darža waatoo kaŋ a maa jindoo kaŋ hun darža beeroo ra ka nee a se: «Woo ti agay Izʼaroo, ay baakaa, nga ti ay ɲaaloo.»

Yehiya bataga 1na 3:2

Ay baakey, sohõ ir manʼti kala Irkoy izeyaŋ, de woo kaŋ ir ga kaa ka ti a mana bangandi jina, ir ga bay kaŋ waati kaŋ Almasihu bangay ir ga hima nda a, zama ir ga dii a nda takaa kaŋ ga a goo.

Bangandiroo 19:8

A duu fondo ka darbay šukka baana hay šenda nerante alhakiika daŋ, darbay šukka baana hay šendaa manʼti kala Irkoy boro henanantey teegoy šerrantey.»

Bangandiroo 5:10

Nʼnʼi tee kokoytaray nda sargari juwalkaw ir Irkoy maaɲoo ga. I ga laama laboo ga.»