Fattaroo 23:7 - Songhai de Gao Bible

⁷ Ma mooru haya kaŋ ti taari. Masi boro kaŋ mana haya kul tee wii, masi boro šerrante wii, zama tooɲante, ay sʼa dii boro šerrante.

Fattaroo 23:7 ပူးပေါင်းရင်းမြစ်များ

Šintinoo 18:23

Ibirahima man kate, de a nee: «Adiši nʼga išerrante halaci ifutu bande wala?

Ayuba 22:23

Nda ni willi kate Hini-kul-koyoo ga, nʼga yee ni takaa žeenaa ga, nda nʼga ifutu moorandi ni gorodogoo.

Zaburey 119:29

Ay moorandi taari fondo, alhormo tee ya ne ka ni ašariyaa bayrandi ya ne!

Zaburey 94:21

I ga marga boro šerrantaa hundoo ga, de i ga boraa kaŋ mana haya kul tee kuroo mun.

Fattaroo 20:13

Masi boro wii.

Fattaroo 20:16

Masi taari seedetaray tee ni cinaa ga.

Fattaroo 23:1

«Masi šenni kaŋ manʼti cimi ka dira. Masi seede bine konna tee ka boro kaŋ tooɲe faaba.

Fattaroo 34:7

kaŋ ga nga arrahamaa cebe alwadda zenberyaŋ se, a ga laybu, nda hooyan, nda zunubu yaafa, amma a si ifutu dii ihenanante. A ga baabey laybey hangandi izey nda haamawey hala alwadda hinzantoo ka koy itaacantoo ga.»

Yaasawey 11:21

Taka kul ra, boro futu si kabandi boro kaŋ mana haya kul tee, boro šerrante hayroo ga hallasi.

Yaasawey 17:15

Boro kaŋ ga ifutu dii šerrante nda boro kaŋ ga šerrante zukandi, ihinkaa kul ti almuhal Abadantaa se.

Sargarey 19:11

War masi zay, war masi war gandaa boro zanba, war masi war gandaa boro hiila.

Sargarey 19:16

Masi huru ka fatta ni jamaa ra ka miimanda. Masi kayandi ni cinaa kuroo ma mun. Agay ti Abadantaa.

Luka 3:14

Soojey mo nʼa hãa ka nee: «De ir, macin no ir mʼa tee?» A nee i se: «War masi koma, war masi taari ka waani taa, wa kay nda war banaa.»

Rom borey batagaa 1:18

Irkoy futayyanoo ga bangandi ka hun beenaa ra adamizey Irkoy hunburay jaŋaa nda ngi šerretaray jaŋaa se. Ngi no ma cimi ganji nda ngi šerretaray jaŋaa.

Efez borey batagaa 4:25

Woo maaganda se wa taari naŋ, war affoo kul ma cimi har ceroo se, zama ir manʼti kala cere gaaham nonguyaŋ.

Alhukumoo 25:1

«Nda kakaw huru boroyaŋ game, i ga koy alkaaloo jine a mʼi ciiti, cimikoynoo ga henanandi, woo kaŋ sii nda cimi ga zukandi.

Alhukumoo 27:25

Boraa laali kaŋ ga sufuray taa ka boro kaŋ mana haya kul tee kuroo mun. Jamaa kul ga nee: ‹Amin.›

Tesalonik borey bataga 1na 5:22

Wa mooru ifutu dumi kul.