Fattaroo 23:13 - Songhai de Gao Bible

¹³ War ma hayey dii henna kaŋ ay nʼi har war se, war masi koy tanayaŋ maaɲey cee, boro masi maa maaɲey ni miɲoo ra.»

Fattaroo 23:13 ပူးပေါင်းရင်းမြစ်များ

Zaburey 16:4

Borey kaŋ ga hanga koy tana mma tonton ngi zaraboo ga, kuri sargarey kaŋ i gʼi kaa, ay sʼi kaa, ay si maaɲey cee ay deene boŋoo ga.

Zaburey 39:1

Donkey boŋkoynoo nda Yedutun ka woo don. Woo ti Dawda zabur foo.

Fattaroo 23:24

Masi sujudu ngi koyey se, masʼi gana, masi ngi takawey tee. Mʼi warra ganda ka tondey kaŋ i nʼi kayandi kʼi gana kayri.

Fattaroo 23:32

Amaana masi huru ni nda i game, a masi huru ni nda ngi koyey game.

Kabuyaney 32:38

nda Nebo, nda Bal-Mewoŋ, koyrawey kaŋ i na maaɲey barmay, nda Sibma. I na maa daŋ koyrawey kaŋ i nʼi cin ga.

Efez borey batagaa 5:12

Hayey kaŋ i gʼi tee tuguyan ra, haawi no a ma ba harandi.

Efez borey batagaa 5:15

Wa hanse ka takaa laasaabu kaŋ nda war ga dira. War masi dira sanda hollokomyaŋ, wa dira sanda lakkalkoyniyaŋ

Alhukumoo 12:3

War ma ngi sargari tonadogey kayri, war ma ngi tondey kaŋ i nʼi kayandi kʼi gana kayri, war ma ngi Ašera toorey ton nuune ra kʼi tee boosu, war ma ngi tooru assuurawey kayri, war ma maaɲey derandi kʼi kaa no din.

Alhukumoo 4:15

«Hanoo kaŋ Abadantaa šelaŋ war se nuunaa game Horeb, war mana dii gaaham kul, woo se wa war boŋ hawgay,

Alhukumoo 4:23

Wa war boŋ hawgay, war masi koy dirɲa amaanaa kaŋ Abadantaa, war Koyoo nʼa daŋ nga nda war game, ka koy tooru hanse, a ma tee kunturu kul kaŋ no kaŋ Abadantaa, ni Koyoo na ni yaamar masʼa tee.

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Alhukumoo 6:1

«Yaamaroo, nda hantumey, nda hantumey kaŋ kayandi ne kaŋ Abadantaa, war Koyoo yaamar i mʼi cawandi war se hala war mʼi ka dira gandaa kaŋ ra war goo ma bisa ka koy a mayray,

Timote bataga 1na 4:16

Lakkal daŋ ni boŋ se nda ni cawandiyanoo se. Gaabandi hayey wey ga, zama nda nʼga woo tee, nʼga ni hunday nda borey kaŋ ga haŋajer ma ne hallasi.

Eberewey batagaa 12:15

Wa hawgay boro kul masi Irkoy anneemaa yala. Boro kul masi naŋ dooray ma zay nga binoo ra ka boro boobo žiibandi.

Žozuwe 22:5

Hayaa hinne kaŋ no, wa gaabandi ka yaamaroo nda ašariyaa ka goy kaŋ Musa, Abadantaa tamoo nʼi noo war se: ka baa Abadantaa, war Koyoo, nda ka hanga nga fondawey kul, nda ka nga yaamarey ka dira, nda ka hawa a ga, nda ka goy a se nda war binoo kul nda war hundoo kul.»

Žozuwe 23:11

Wa lakkal daŋ war boŋ zaati se ka baa Abadantaa, war Koyoo.

Žozuwe 23:7

bila nda war ma birji jamawey ra kaŋ goo war bande. War masi ngi koyey cee, war masi žee nda ey, war masʼi gana, war masi sujudu i se.