Fattaroo 21:26 - Songhai de Gao Bible

²⁶ Nda boro na nga baɲɲaa wala nga koŋŋaa kar moɲoo ga hala moɲoo hasara, a mʼa taŋ a ma borcin, moɲoo kaŋ hasara maaganda.

Fattaroo 21:26 ပူးပေါင်းရင်းမြစ်များ

Nehemi 5:5

Ka gar ir nda ir armey kul ti ham follokaa, ir izey nda ngi izey kul ti affoo. Woo kul, ir ga hima kʼir izʼarey nda ir ize woyey noo i se baɲɲa. Ir ize woy boobo tee koŋŋa ka ben. Haya kul sii ir kone, ir faarey nda ir alaneb faarey tee boro fooyaŋ wane.»

Zaburey 10:14

Ni hunday dii binemarayyanoo nda šiitaroo, nʼga guna ka huga nda takaa, ni ga talkaa ga talfi, ni no ma alyatimoo faaba.

Zaburey 10:18

ka ciiti dunbu alyatimoo se nda boraa se kaŋ i gʼa šiita, hala laboo ga, boro kul masi yee koyne ka boro hunburandi.

Zaburey 9:12

Wa don ka Abadantaa saabu kaŋ ga goro Siyoŋ koyraa ra, wa nga teegoyey har jamawey ra.

Fattaroo 21:20

Nda boro na nga baɲɲaa wala nga koŋŋaa kar nda gobu hala a buu kaboo ra, a waazibi bukaa ma faasandi.

Fattaroo 21:24

moo no ma moo bana, hiɲe no ma hiɲe bana, kabe no ma kabe bana, cee no ma cee bana,

Fattaroo 21:25

tonyan no ma tonyan bana, maraydoo no ma maraydoo bana, žabari ndella no ma žabari ndella bana.

Fattaroo 21:27

Nda nga baɲɲaa wala nga koŋŋaa hiɲoo no a nʼa kaŋandi, a mʼa taŋ a ma borcin, hiɲoo kaŋ kaŋ maaganda.

Efez borey batagaa 6:9

War mo baɲɲey koyey, war ma takaa din da tee war baɲɲey se, wa fay nda burbusuyan, zama war ga bay kaŋ ngi Koyoo nda war wanoo goo beenaa ra, de mo nga, a si borey bisandi cere.

Alhukumoo 16:19

Masi ciiti šiirandi, masi borey bisandi cere, masi sufuray taa, zama sufuray mma lakkalkoyney danandi, a ga boro šerrantey šennoo šiirandi.

Kolos borey batagaa 4:1

Baɲɲey koyey, wa war baɲɲey dii nda šerretaray nda taka henna, war ma bay kaŋ war mo goo nda Koy beenaa ra.